2 Sam 11:15 - Kaqchiquel Bible

¹⁵ Ri wuj ri' nubij chire ri Joab chi tuya' ri Urías chuwech ri oyowal akuchi k'o-wi más ruk'ayewal, y tikijech'ej-el-ki' rik'in richin niken.

2 Sam 11:15 ပူးပေါင်းရင်းမြစ်များ

2 Sam 12:9

¿Achike roma man xaya' ta rejqalen ri nuch'abel, y xa xaben itzel chinuwech? Xakamisaj k'a chi espada ri Urías ri heteo, y kan xok-qa awixjayil ri rixjayil rija'. Roma xakamisaj ri Urías rik'in ri ki-espada ri amonita,

1 Sam 18:17

K'o k'a jun q'ij ri Saúl xubij chire ri David: Yin xtinya' chawe ri numi'al nimalaxel Merab richin xtok awixjayil, wi xtak'ut chi at jun achin ri k'o awuchuq'a' y maneq xibinri'il chawech richin naben oyowal qoma roj ri oj rutinamit ri Jehová, xcha' chire. Jak'a ri Saúl xubij-qa pa ránima: Man ja ta yin ri xkikamisan, xa ja ri aj-Filistea xkekamisan richin, xcha-qa.

Wuj Richin ri Jeremías 20:13

Ninbixaj abi' rat Jehová, ninya' aq'ij roma rat xinakol, yin ri in poqonatajineq pa kiq'a' ri e banoy taq etzelal.

Wuj Richin Bix Chire ri Dios 51:14

Tabana' utzil man taya' q'ij chi yin yiken, roma ja rat at nukolonel. Keri' kan xtinq'alajirisaj k'a rik'in ri nubix chi rat kan at choj-wi.

Wuj Richin Bix Chire ri Dios 51:4

Kan chawech k'a rat, kan xaxe k'a chawech rat ximakun. Kan xinben k'a ri man niqa' ta chawech rat. Roma ri' kan choj ri aq'atbel-tzij ri xaya' pa nuwi'. Kan roma k'a ri numak toq naya' ruk'ayewal pa nuwi'.

2 Sam 11:17

Y toq ri aj-Rabá xe'el-pe pa tinamit richin xkiben oyowal kik'in ri israelita, xekikamisaj k'a jujun chike ri israelita. Y xken chuqa' ri Urías.

1 Sam 18:25

Y ri Saúl xubij chik: Kere' tibebij chire ri David: Ri rey man nrajo' ta jun sipanik. Rija' nrajo' wok'al rutz'umal ri rutza'n ri kikowil ri aj-Filistea, richin nuben ruk'exel chike ri e etzelanel richin, kixcha' chire, xcha' ri rey. Ri ruch'obonik ri Saúl chi ri David nitzaq ta kan pa kiq'a' ri aj-Filistea.

1 Sam 18:21

Y xubij-qa: Xtinya' ri Mical chire ri David, y re' xtik'atzin richin jun pikbel chire richin xtitzaq pa kiq'a' ri aj-Filistea, xcha-qa. K'ari' ri Saúl xubij chik chire ri David: Wakami kan xkatok-wi nuji', xcha'.

2 Sam 11:16

Ri Joab kan xuben k'a ri xbix-el chire. Y toq xkisutij ri tinamit, jari' toq xuya' ri Urías ri akuchi más k'ayew rubanon ri oyowal.

1 Rey 15:5

Ri David kan choj k'a ri rubanobal ri xeruben chuwech ri Jehová, y kan man xujech'ej ta kan ri' rik'in ri rupixa' ri Jehová ronojel q'ij chire ri ruk'aslen, ri xumakuj xa kan xaxe ri xuben rik'in ri Urías ri hitita.

Wuj Richin ri Molojri'il 8:11

Roma janila niyaloj richin chi niq'at-tzij pa ruwi' ri banoy etzelal, roma ri' ek'o ch'aqa' chik winaqi' ri xa nipe pa kich'obonik chi nikichop rubanik etzelal.

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.