2 Sam 11:13 - Kaqchiquel Bible

¹³ Ri David xroyoj chik k'a ri Urías richin niwa-nuk'ya' rik'in. Y xuben chire chi janila xq'aber. Man rik'in ri' man xbe ta chik pa rachoch, xa xwer chik kan kik'in ri samajela' chiri'.

2 Sam 11:13 ပူးပေါင်းရင်းမြစ်များ

2 Sam 11:9

Jak'a ri Urías xa man xbewer ta pa rachoch, xa xwer-qa chiri' chuchi' ri rachoch ri rey kik'in konojel ri samajela'.

2 Sam 13:26

K'ari' ri Absalón xubij chi wi rija' man nitikir ta nibe, stape' xaxe k'a ri Amnón ri runimal ri nibe rik'in. Y ri rey xuk'utuj chire achike roma nrajo' chi nibe ri Amnón rik'in.

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

Wuj Richin Etamabel-Tzij 20:1

Ri vino nuben chire ri wineq chi maneq ruk'ix y ri ruya'al manzana ch'amirineq nuben chire chi nuben oyowal; y ri winaqi' ri yeqaqa pa kiq'a' ri q'abarisanel taq ya' ri', kan maneq k'a utzilej na'oj kik'in.

Wuj Richin Etamabel-Tzij 23:29

¿Achike ta k'a wineq ri nureq ruchi'? ¿Achike ta k'a wineq ri xa toq'ex ruwech? ¿Achike ta k'a wineq ri xaxe oyowal nuben? ¿Achike ta k'a wineq ri nutzolila-ri' chirij roma ri man utz ta xuben? ¿Achike ta k'a wineq ri sokotajineq y xa man jun achike roma? ¿Achike ta k'a wineq ri q'equmatajineq ruwech?

Wuj Richin ri Habacuc 2:15

Kan toq'ex awech rat ri kan naben chike ri winaqi' ri ek'o chunaqaj ri aruwach'ulew, chi tikiqumu' k'iy vino, richin chi rije' yeq'aber y yekiben banobel ri kan nuk'en-pe k'ixbilal.