2 Sam 11:1 - Kaqchiquel Bible

¹ Xbanatej k'a chi chupan ri ruq'ijul ri saq'ij, toq ri rey ye'el-el richin yebe pan oyowal, jari' toq ri David xuteq-el ri Joab, konojel ri aj-labal y ri e aj-raqen pa kiwi'. Richin xekik'is konojel ri amonita, y xkisutij-rij ri tinamit Rabá. Jak'a ri David man xbe ta kik'in, xa xk'oje' kan pa Jerusalem.

2 Sam 11:1 ပူးပေါင်းရင်းမြစ်များ

2 Sam 10:14

Toq xkitz'et ri amonita chi xa xe'animej-el ri e kachibil chikiwech ri aj-Israel, chuqa' rije' xe'animej chuwech ri Abisai y kan xe'ok chupan ri kitinamit. K'ari' ri Joab y ri aj-labal man xekitzeqelibej ta chik, y xa xetzolin pa Jerusalem.

1 Rey 20:22

Chirij ri' ri q'alajirisey ruch'abel ri Dios xapon chik jun bey rik'in ri rey Acab y xubij chire: Ke'amolo' ch'aqa' chik kachibil ri aj-labal richin chi k'o kuchuq'a'. Y tatz'eta' achike ri naben roma pa jun apo juna' ri rey richin Siria xtipe chik richin norubana' oyowal awik'in, xcha'.

1 Rey 20:26

Y toq q'axineq chik k'a jun juna', ri rey Ben-hadad xerumol k'a konojel ri aj-labal aj-Siria ri ek'o rik'in, y k'ari' xbe-el pa tinamit Afec richin niberubana' oyowal kik'in ri aj-Israel.

1 Crón 20:1

Xbanatej k'a chi pa nabey ik' chire ri juna', toq ri e rey yebe pa taq labal. Jari' toq ri Joab xeruk'uaj-el ri aj-labal pa kiruwach'ulew amonita y kan xekik'is. Xkisutij k'a rij ri tinamit Rabá y xkich'ek chuqa'. Jak'a ri David xa k'o kan pa Jerusalem.

2 Crón 36:10

Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

Wuj Richin Bix Chire ri Dios 60:9

¿Achike ta k'a xqojuk'uan chupan ri tinamit ri sutin-rij chi tz'aq? ¿Achike ta k'a xqojuk'uan k'a pan Edom?

Wuj Richin ri Molojri'il 3:8

Napon k'a ruq'ijul richin yatajowan, y chuqa' napon ruq'ijul richin yatixowan. Napon k'a ruq'ijul richin labal, y chuqa' napon ruq'ijul richin ri uxlanibel.

Wuj Richin ri Jeremías 49:2

Wakami k'a yin Jehová ninbij chi xtapon k'a jun q'ij toq xtinben chi xtak'axatej raqoj-chi'ij richin labal iwichin rix ri chiri' pan itinamit Rabá. Ri chiri' kan xkewulex k'a ri tinamit ri' y kan xkeporox. K'ari' ri nuwinaq israelita xtikelesaj chik kan jun bey ri xelesex kan chike rije'. Ja yin Jehová ri yibin.

Wuj Richin ri Jeremías 49:3

¡Wakami k'a rix aj-Hesbón xtiwoq'ej ri itinamit Ai, roma xa xtich'akatej! Chuqa' rix ixoqi' aj-Rabá kan xkixoq' k'a. Xtikusaj k'a tzieq richin bis y xtibajila' k'a ruwa-ik'u'x. Xkixanin, achi'el nikiben ri ch'uja' y xtisokola' k'a iwi', roma ri i-dios Milcom xtibe pa ximonri'il, e rachibilan ri e ru-sacerdote y ri e aj-raqen.

Ez 21:20

Y jun chike re bey re' napon pa tinamit Rabá ri k'o pa ruwach'ulew Amón. Y ri jun chik napon pa Jerusalem chupan ri ruwach'ulew Judá.

Am 1:14

Roma ri' xtinya' ruq'aq'al ri tz'aq richin ri tinamit Rabá y ri q'aq' ri' xtuk'is ri jay richin tobel richin ri rey. Ri e etzelanel kichin kan xkepe k'a rik'in raqoj-chi'ij richin oyowal. Rik'in uchuq'a' xkepe chikij achi'el nuben ri surkum.

Wuj Richin ri Zacarías 14:3

Chirij ri', ri Jehová xtuben labal kik'in ri ch'aqa' chik ruwach'ulew.

Deut 3:11

Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.

1 Sam 18:30

Ronojel mul toq ri e tata'al aj-Filistea yebe pan oyowal, ja ri David ri nich'akon chikij, roma ja rija' ri más nitikir chikiwech konojel e richin ri Saúl. Roma ri' kan xel janila jebel rutzijol.