2 Sam 10:19 - Kaqchiquel Bible

¹⁹ Toq xkitz'et konojel ri rey, ri yeto'on richin ri Hadad-ézer chi ri israelita xech'akon, jari' xkitun-apo-ki' kik'in ri aj-Israel richin xekisamajij. Y kan jari' toq ri aj-Siria man xekito' ta chik ri amonita roma xibinri'il.

2 Sam 10:19 ပူးပေါင်းရင်းမြစ်များ

2 Sam 8:3

Keri' chuqa' ri David xbe chupan ri ruwach'ulew ri k'o kela' chuchi' ri raqen-ya' Éufrates richin nuk'en chik kan ri ruwach'ulew ri'. Y chiri' xuch'ek ri rey richin ri tinamit Sobá, ri rubini'an Hadad-ézer ruk'ajol ri Rehob.

2 Sam 8:6

Chirij ri' ri David xeruyala' tzobaj chajinela' chupan chijun ri ruwach'ulew Siria. Y ri aj-Siria xe'ok rusamajela' ri David, y kan k'o chi xkitoj chire ri k'atzinel. Keri' ri Jehová xuya' k'a ch'akonik chire ri David xabakuchi xbe-wi.

1 Rey 20:1

K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

1 Crón 19:19

Toq ri achi'a' aj-Siria ri junan kiwech rik'in ri Hadad-ézer xech'akatej koma ri aj-Israel, xkiben chi tik'oje' uxlanibel-k'u'x kik'in ri David, y xeyuqe' kan pa samaj rik'in. Kan ja q'ij ri' ri winaqi' richin Siria man xkajo' ta chik richin xekito' ri amonita.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Dn 2:37

Rat rey kan más k'a nimalej aq'ij chikiwech konojel rey, roma ri Dios ri niq'aton-tzij chila' chikaj ruya'on ri ajawaren pan aq'a', ruya'on ruwaq'ijaj, uchuq'a' y nimirinen chawe.

Wuj Richin ri Josúe 11:10

K'ari' xetzolin ri Josué y ri achi'a' y xe'apon pan Hasor y xekich'ek, y xkikamisaj ri ru-rey rik'in espada. Re tinamit re' ojer kan ja rija' ri xk'oje' pa kiwi' konojel ri rey ri'.

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Wuj Kichin ri To'onela' 1:7

Y ri Adonisédec xubij: Nabey yin xintzak'ij ri nima'q rupan ruwi-kiq'a' y ri nima'q rupan ruwi-kaqen ri oxk'al lajuj rey, y k'ari' xinqasaj kiq'ij y xinben chike chi xkimol ri ruk'aj kaxlan-wey chuxe' ri nu-mesa. Jak'a re wakami, kan achi'el k'a ri xinben yin, keri' xuben chuwe ri i-Dios, xcha'. Y rija' chiri' k'a pa Jerusalem xuk'uex-wi y chiri' xken-wi.