2 Sam 10:16 - Kaqchiquel Bible

¹⁶ Y ri Hadad-ézer xuteq kik'amik ch'aqa' chik aj-Siria ri ek'o juk'an chik chire ri raqen-ya' Éufrates. Y re' xe'apon pa tinamit Helam. Y ri aj-raqen pa kiwi' rije', ja ri Sobac.

2 Sam 10:16 ပူးပေါင်းရင်းမြစ်များ

1 Crón 19:16

Toq ri aj-Siria xkinabej chi xech'akatej koma ri aj-Israel, xkiteq rutzijol kik'in ch'aqa' chik aj-labal aj-Siria ri ek'o juk'an chire ri raqen-ya' Éufrates. Ri aj-raqen pa kiwi' rije' ja ri Sofac, ri aj-raqen chuqa' kichin ri aj-labal ri e richin ri Hadad-ézer.

1 Crón 18:5

Xe'apon k'a ri aj-Damasco richin Siria richin nibekito' ri Hadad-ézer, ri rey richin Sobá, jak'a ri David xerukamisaj e 22,000 chike rije'.

1 Crón 18:3

Ri David xuch'ek chuqa' ri rey Hadad-ézer richin ri ruwach'ulew Sobá, ri k'o pa xaman chunaqaj ri tinamit Hamat. Re' xbanatej toq ri Hadad-ézer beneq richin yeberuch'aka' ri ruwach'ulew ri k'o chuchi' ri raqen-ya' Éufrates.

2 Sam 10:15

Toq ri aj-Siria xkina' chi xa xech'akatej koma ri aj-Israel, kan xkimol chik k'a ki' jun bey.

2 Sam 10:17

Jak'a toq ri David xrak'axaj re', rija' xerumol k'a ri aj-labal richin Israel, y kan jari' xkichop-el bey. Xkiq'axaj ri raqen-ya' Jordán, y xe'apon chunaqaj ri tinamit Helam. Jari' toq ri aj-Siria xkicholajij-ki' richin xkiben oyowal rik'in ri David.

1 Rey 11:23

Y k'o k'a jun achin rubini'an Rezón, ruk'ajol ri Eliadá. Y ri Eliadá animajineq-el chuwech ri rajaw ri rubini'an Hadad-ézer, rey richin ri ruwach'ulew Sobá. Ri Dios kan xuben k'a chire ri Rezón chi chuqa' xok etzelanel richin ri Salomón,