2 Sam 10:12 - Kaqchiquel Bible

¹² Y xubij chik ri Joab: Man qojmayamo-qa; xa kan tiqatija' qaq'ij, koma ri qawinaq ri chuqa' e ruwinaq ri Dios. Y ja rija' xtibin ri achike ruk'amon chi niqaben, xcha'.

2 Sam 10:12 ပူးပေါင်းရင်းမြစ်များ

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

Deut 31:6

Kan kow k'a kixk'oje', titija' iq'ij y man tixibij-iwi' chikiwech, roma ri Jehová ri qa-Dios kan k'o iwik'in y man xkixrumalij ta kan, xcha' ri Moisés.

1 Sam 3:18

Y ri Samuel xutzijoj k'a ronojel chire ri Elí ri xbix chire, y man jun xrewaj. K'ari' ri Elí xubij: Ja rija' ri Jehová, y tubana' pa nuwi' ri achike ri niqa' chuwech, xcha'.

Hebreos 13:6

Y roma ri' kan rik'in k'a ronojel ik'u'x yixtikir nibij:*f28* Yin ja ri ajaw ri nito'on wichin. Roma ri' man xtinxibij ta wi' chuwech ri itzel ri xtuben ri wineq chuwe.

Wuj Richin ri Nehemías 4:14

Toq xentz'et yan ronojel re', xinbij k'a chike ri e tata'al, ri e aj-raqen y chike ri ch'aqa' chik winaqi': Man tixibij-iwi' chikiwech. Toqaqa k'a chi'ik'u'x chi ri qa-Dios, rija' kan nim wi y kan k'o rukiy chikiwech konojel winaqi'. Roma ri' tiqatija' qaq'ij koma ri qami'al-qak'ajol, ri qixjayilal y konojel ri ek'o pa qachoch, xicha' chike.

1 Sam 4:9

Y kan tiqatija' k'a qaq'ij roj richin man yojch'akatej pa kiq'a' rije', richin man yojxime' ta pa samaj kik'in, achi'el toq xexime' rije' qik'in roj. Roma ri' kow k'a qojk'oje' richin niqaben oyowal kik'in, xecha'.

Wuj Kichin ri To'onela' 10:15

Jak'a rije' xkik'utuj utzil chire ri Jehová y xkibij: Roj kan oj makuwineq-wi chawech. Wakami k'a tabana' qik'in ri achike niqa' chawech rat; xaxe niqak'utuj utzil chawe richin qojakolo' chupan re q'ij re', xecha'.

1 Crón 19:13

Kan kof k'a qojk'oje', y tiqabana' oyowal richin niqakol ri qaruwach'ulew y ri nima'q taq tinamit richin ri qa-Dios, y ri Jehová xtuben ri achike niqa' chuwech rija', xcha'.

Wuj Richin ri Achin Job 1:21

y xubij k'a: In ch'anel k'a toq xiralaj ri nte', chuqa' kan in ch'anel ri xkitzolin-el. Kan ja ri Jehová ri niya'on ronojel y kan ja chuqa' rija' nelesan; yin kan ninya' ruq'ij ri Jehová ri nibanon ronojel re', xcha'.

1 Sam 17:32

Y ri David xubij chire ri Saúl: Kan man jun k'a timayamo-qa ri ránima, roma la achin la' xa aj-Filistea. Roma yin ri in asamajel xkibe y xtinbenbana' oyowal rik'in, xcha'.

1 Sam 14:12

K'ari' xesik'in-qa richin xech'on-qa chire ri Jonatán, y xkibij: Kixjote-pe qik'in, q'alaj k'a ri' wi xkixtikir chiqij, xecha'. Kan jari' ri Jonatán xjote-q'anej, roma xq'ax chuwech chi ri Jehová xerujech yan ri aj-Filistea pa ruq'a'.

1 Sam 14:6

Y ri Jonatán kan kere' k'a rubin chire ri ruto'onel: Jo', qojq'ax-apo kik'in la winaqi' la', ri man ketaman ta ruwech ri Dios. Rik'in juba' ri Jehová xqojruto', roma chuwech rija' man jun k'ayew richin yojch'akon, stape' man oj k'iy ta, xcha'.

Wuj Richin ri Josúe 1:18

Y xabachike k'a ri xtiyakatej chirij ri apixa' y man xtuben ta ri xtabij rat chire, kan xtiken k'a. Xaxe k'a niqajo' chi tatija' aq'ij y man tik'oje' xibinri'il chawech, xecha' rije'.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Wuj Richin ri Q'axanri'il 13:20

Chuqa' kan titzu' kan chi utzil ri qasanbel-ulew, wi e utz o xa yalan chaqi'j, wi ek'o che' chuwech o xa man jun. Man tixibij-iwi' richin nik'en-pe kiwech ri che' ri richin ri ruwach'ulew ri', xcha-el chike. Y chupan ri q'ij ri' jari' toq ri uva nuchop nuya' ruwech.

2 Crón 32:7

¡Kow k'a kixk'oje' y titija' iq'ij richin man nixibij-iwi'. Man timayamo-qa ri iwánima chuwech ri rey richin Asiria y chikiwech konojel aj-labal ri e rachibilan-pe, roma k'o más uchuq'a' qik'in roj ke chikiwech rije'.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

2 Sam 10:11

Y xubij chire ri Abisai chi wi ri aj-Siria yetikir más chuwech rija', ri Abisai k'o chi nuto'. Y wi ja ri amonita más yetikir chuwech ri Abisai, ri Joab k'o chi nuto'.

Deut 31:7

K'ari' ri Moisés xroyoj ri Josué chikiwech konojel ri winaqi' y xubij chire: Kan kow k'a kak'oje' y tatija' aq'ij, roma ja rat xkatukusan-apo richin re tinamit re' chupan ri ruwach'ulew ri rusujun ri Jehová chike ri qati't-qamama'. Y ja rat k'a xkajachon ri ulew chike richin nikichinaj kan.

2 Sam 15:26

Jak'a wi ri Dios xtubij chuwe chi man yiqa' ta chik chuwech, kan tubana' k'a wik'in ri niqa' chuwech rija'.

Wuj Richin ri Nehemías 4:8

Y konojel k'a rije' xkich'ob richin yeyakatej chiqij y nokibana' oyowal qik'in y nikiwulaj jun bey chik ri Jerusalem.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.