2 Sam 1:27 - Kaqchiquel Bible

²⁷ ¡Achike roma toq xetzaq ri maneq xibinri'il chikiwech! xa chiri' k'a xk'is-wi kan ri kamisabel richin ri labal, xcha' ri David.

2 Sam 1:27 ပူးပေါင်းရင်းမြစ်များ

2 Sam 1:19

¡Ri ruwaq'ijaj richin ri qatinamit Israel xa kan xek'is k'a kan, xa kan xek'is k'a kan ri chiri' pa ruwi' taq juyu'! Kan xetzaq k'a ri maneq xibinri'il chikiwech.

2 Sam 1:25

Achi'el paqe' toq xeken kan ri maneq xibinri'il chikiwech ri chiri' pa juyu' Guilboa; achike k'a roma chiri' xpune-wi kan ri ruch'akul ri Jonatán.

2 Rey 13:14

Toq k'a k'es na ri Joás, rey richin Israel, xberutz'eta' kan juba' ri Eliseo roma janila yawa' y kan niken yan. Y ri Joás kan janila k'a xoq', xuq'etej y xubij chire: Wajaw, ja rat ri más oj ato'on chikiwech ronojel ri carruaje richin oyowal y ri achi'a' ri yech'oke' chirij kiej, xcha'.

2 Rey 2:12

Y toq ri Eliseo xutz'et keri', xsik'in y xubij: ¡Nata' yin, nata' yin, ri Jehová kan rubanon k'a chawe chi kan at jun nimalej to'onel y aj-labal richin ri tinamit Israel, xcha'. Y keri' kan man jun bey chik k'a xutz'et ruwech ri Elías. Chirij ri', ri Eliseo xuchop k'a ri rutziaq ri rukusan, y xuretz pa ka'i'.

Wuj Richin Bix Chire ri Dios 46:9

Ja rija' ri nibanon chi nichup ri labal chuwech chijun ri ruwach'ulew. Yeruq'ajala' k'a ri rute-ch'ab y ri kum. Ri tobel kan yeruporoj pa q'aq'.

Wuj Richin ri Isaías 13:5

Xkepe chupan ruwach'ulew ri ek'o janila nej. Xkepe k'a chiri' pa ruk'isibel chire ri ruwach'ulew. Ja ri Jehová xtipe rik'in royowal richin nik'is ri ruwach'ulew Babilonia.