2 Sam 1:23 - Kaqchiquel Bible

²³ Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

2 Sam 1:23 ပူးပေါင်းရင်းမြစ်များ

Wuj Richin ri Jeremías 4:13

Titz'eta' ri e etzelanel iwichin xenaqajub yan pe achi'el ri sutz' y ri ki-carruaje ri e richin oyowal e achi'el nimalej kaq'iq'. Ri kikiej kan tijumin e peteneq achi'el nuben jun kot toq k'o nuchop. Jari' toq rix xtibij: ¡Toq'ex k'a qawech roj ri kan xojk'is yan, xkixcha'!

Wuj Kichin ri To'onela' 14:18

Y chupan k'a ri ruk'isibel q'ij richin ri nimaq'ij, toq niqaqa yan qa ri q'ij, jari' toq ri aj-Timná xech'on rik'in ri Sansón y xkibij: ¿Achike ta chik k'a ri más jebel ruki'il chuwech ri kab? ¿Y achike ta chik k'a más k'uxunel chuwech ri koj?, xecha'. Y rija' xubij chike: Wi man ta xikusaj ri ti nuwákix, xa man ta xixtikir xibij chuwe ri xink'utuj chiwe, xcha'.

Wuj Richin ri K'uxla'anik 4:19

Ri e etzelanel qichin kan xojkitzeqelibej. Kan anineq xepe chiqij achi'el nikiben ri kot. Xojkitzeqelibej k'a pa ruwi' taq juyu', y xekiyala' k'a pikbel pa qabey pa tz'iran ruwach'ulew.

Wuj Richin Etamabel-Tzij 30:30

Ri jun, ja ri koj, ri chikop ri k'o más ruchuq'a' chikiwech ri junan kichakalen; ri kan man jun achoq chuwech ri nuxibij ta ri'.

Wuj Richin ri Achin Job 9:26

Ri q'ij kan chi'anin niq'ax achi'el nijilil ri canoa pa ruwi' ri ya'. Kan achi'el chuqa' nuben ri kot toq nijumin niqaqa-pe chirij ri chikop ri nrajo' nuchop.

1 Sam 18:1

Toq ri Saúl y ri David xetane' richin yetzijon, jari' toq ri Jonatán kan janila xrajo' ri David, y roma ri' xok rachibil. Kan xrajo' achi'el nrajo-qa-ri' rija'.

Deut 28:49

Ri Jehová xtuteq-pe chiwij jun ruwach'ulew ri k'o janila nej y man xtiq'ax ta ri kich'abel chiwech; kan xkeyakatej k'a pe chiwij richin nokibana' oyowal iwik'in; kan xkeqaqa k'a chiwij, achi'el nuben jun kot, toq k'o ruq'ijun.

1 Crón 12:8

Chuqa' jujun chike ri e rijatzul ri Gad xkich'er-el-ki' rik'in ri Saúl, y xjunamatej-kiwech rik'in ri David, toq k'a rewan-ri' chupan ri tobel chiri' pa tz'iran ruwach'ulew. Rije' e aj-labal ri maneq xibinri'il chikiwech, kan e tijon jebel y kan kik'ualon k'a kokoj y nima'q taq kitobal. Rije' kan e achi'el koj yewachin, y kan janila ye'anin achi'el ri masat ri pa taq k'echelaj.

2 Sam 23:20

Chuqa' ri Benaías ri ruk'ajol ri Joiadá aj-Cabseel man nuxibij ta ri'. Rija' xerubanala' k'a k'iy banobel. Xerukamisaj k'a ri e ka'i' ruk'ajol ri Ariel ri aj-Moab. Chuqa' xqaqa pa jun jul y xukamisaj jun koj toq ruchapon niqaqa jun pim laj tew.

1 Sam 20:2

Y ri Jonatán xubij chire: Man nach'ob keri', David. Rat man yabeken ta. Ri nata' man jun xtuben chawe. Roma rija' man jun xtrewaj chinuwech yin, stape' k'o rejqalen o xa maneq. ¿Achike ta k'a roma xtrewaj chinuwech ri nata' richin nrajo' yarukamisaj? Ni, man keri' ta, xcha'.

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

2 Sam 1:24

Rix ixoqi' aj-Israel, wakami xa tzieq k'a richin bis tikusaj roma ri rukamik ri Saúl. Wakami man achi'el ta chik toq xixruwiq*f1* rik'in tzieq keq ri jebel rubanik, toq xuya' ri jebelej taq wiqobel ri e banon rik'in q'anapueq chiwe.

Wuj Richin ri Nimalej Bix 5:16

Ri pa ruchi' kan jebel ki'. Kan ronojel chire rija' kan janila utz. Queri' k'a ri wajowanel yin; kan keri' k'a ri nuk'aslen yin, y roma ri' nintzijoj chiwe rix, ixoqi' aj-Jerusalem.