2 Sam 1:20 - Kaqchiquel Bible

²⁰ Man tiya'ox rutzijol chiri' pa tinamit Gat. Man titzijox ri pa taq nima'q ruwech bey richin molojri'il chiri' pan Ascalón; richin man yekikot ri kimi'al ri aj-Filistea; richin man yetzopin roma kikoten ri kimi'al ri achi'a' ri man e qawinaq ta.

2 Sam 1:20 ပူးပေါင်းရင်းမြစ်များ

Ez 16:27

Roma ri', yin xiyakatej richin xinya' rutojbalil-mak pan awi' y kan xinwelesaj juba' awulew richin xinjech pa kiq'a' ri aj-Filistea, ri kan itzel chuqa' xkina' roma ri itzel taq abanobal.

Ez 16:57

toq rat man jani tiqaqa-pe ri ruk'ayewal pan awi' roma ri itzel taq abanobal. Achi'el k'a rat xawixowaj ri Sodoma; re wakami ri winaqi' edomita, ri aj-Filistea y konojel ri tinamit ri ek'o chi'anaqaj xkatkixowaj chuqa' rat.

Wuj Richin ri Miqueas 1:10

Man tiwelesaj rutzijol, ni man kixoq', richin man yixkak'axaj ta ri tinamit Gat. Pa ruk'exel ri' xa más utz wi nibolqotila-iwi' pa poqolaj roma bis, ri chiri' pa tinamit Bet-le-afrá.

Wuj Kichin ri To'onela' 11:34

Y toq ri Jefté xtzolej chirachoch chiri' pa Mispá, jari' toq xbe'el-pe ri juney rumi'al richin nuk'ul-apo, y ruk'uan ri ru-pandereta pa ruq'a' y nitzopiyaj rik'in. Y kan xaxe k'a ok jun rumi'al ri k'o; kan man jun chik rumi'al ni ruk'ajol k'o.

Wuj Kichin ri To'onela' 14:19

Y ri Espíritu richin ri Jehová xuya' k'a ruchuq'a' ri Sansón, y roma ri' rija' xbe pa tinamit Ascalón, y xerukamisaj e juwineq lajuj achi'a' ri e aj chiri'. Y xumej k'a pe ri kitziaq, y xuya' k'a ronojel ri jal tzieq ri' chike ri e juwineq lajuj alaboni' ri xeq'alajirisan ri tzij, ri xubij rija'. Y yakatajineq k'a janila royowal, xtzolin pa rachoch ri rutata'.

1 Sam 14:6

Y ri Jonatán kan kere' k'a rubin chire ri ruto'onel: Jo', qojq'ax-apo kik'in la winaqi' la', ri man ketaman ta ruwech ri Dios. Rik'in juba' ri Jehová xqojruto', roma chuwech rija' man jun k'ayew richin yojch'akon, stape' man oj k'iy ta, xcha'.

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

1 Sam 18:6

Y toq xetzolin-pe konojel chubanik oyowal y chuqa' xtzolin-pe ri David ri xkamisan richin ri Goliat, xebe'el k'a pe konojel ri ixoqi' richin ri ruwach'ulew Israel. Yeropilan y yebixan rik'in kikoten richin xkik'ul-apo ri rey Saúl rik'in jalajoj ruwech q'ojom.

1 Sam 31:4

Roma ri' xubij chire ri achin uk'uey rukamisabal: Tawelesaj la a-espada y kinakamisaj, richin chi man yepe ta ri achi'a' ri man ketaman ta ruwech ri Dios, y ja rije' xkekamisan wichin y xketze'en chuwij, xcha'. Jak'a ri uk'uey ri rukamisabal man xrajo' ta xukamisaj, roma janila xuxibij-ri'. K'ari' ri Saúl xuchop ri ru-espada y xuk'eq-ri' chutza'n y xukamisaj-ri'.

1 Sam 6:17

Ri wo'o' wachibel ri e banon rik'in q'anapueq xkiteq-pe ri aj-Filistea chire ri Jehová richin kuyubel kimak ri wo'o' tinamit: ri Asdod, ri Gaza, ri Ascalón, ri Gat y ri Ecrón.