2 Sam 1:2 - Kaqchiquel Bible

² Y pa rox q'ij chi tapon ri David pa Siclag, xapon k'a jun ala' ri peteneq ri akuchi xek'oje-wi ri aj-labal ri xek'oje' rik'in ri Saúl. Y re ala' re' kan tzeretzik k'a rutziaq peteneq, y ruya'on-pe ulew pa rujolon, retal richin nibison. Toq rija' xapon rik'in ri David, kan xuqasaj-ri' chuwech richin xuya' ruq'ij.

2 Sam 1:2 ပူးပေါင်းရင်းမြစ်များ

Wuj Richin ri Rutikeribel 22:4

Pa rox q'ij ri Abraham xutzu' k'a ri akuchi k'o chi yebe-wi y k'a nej k'a xutz'et-wi-q'anej.

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

Wuj Richin ri Rutikeribel 37:34

K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

Wuj Richin ri Rutikeribel 43:28

Y rije' kan rik'in k'a qasanri'il xkibij: Ri qatata' k'a k'es na, utz ruwech matiox, xecha' chire.

2 Sam 1:3

Y ri David xuk'utuj chire ri ala' ri' akuchi peteneq-wi. Y rija' xubij chi animajineq-pe ri akuchi xek'oje-wi ri aj-labal israelita.

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

2 Sam 14:4

Xok k'a apo ri ixoq ri' rik'in ri rey, xulukuba-qa ri' k'a pan ulew, retal richin xuqasaj-ri' chuwech, y xuk'utuj utzil chire.

2 Sam 15:32

K'ari' ri David xapon-q'anej pa ruwi' ri juyu' richin olivo ri akuchi niya'ox ruq'ij ri Dios ojer. Jari' toq xuk'ul-ri' rik'in ri Husai arquita, beneq rik'in rutziaq tzeretzik, y ruya'on-el ulew pa rujolon, retal richin rija' nibison rik'in ri David.

2 Sam 24:20

Y ja toq ri David y ri rusamajela' e beneq-el, ri Arauna xerutz'et-pe. Y kan jari' xberuk'ulu' ri David, y xuqasaj-ri' chuwech k'a pan ulew.

2 Sam 4:10

Toq xya'ox rutzijol chuwe ri pa Siclag chi ri Saúl xken yan, ri uk'uey rutzijol xuch'ob chi ruk'uan-el utzilej rutzijol chuwe. Jak'a yin kan xinteq rukamisaxik rija'.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

Ester 5:1

Toq xq'ax yan k'a ri oxi' q'ij, ri Ester kan xukusaj k'a el ri jebelej rutziaq, y xok k'a apo pa ruwa-jay chire ri rachoch ri rey. Y xpa'e-apo pa ruchojmilal ri ruchi' ri jay ri akuchi tz'uyul-wi richin ta chi ri Asuero nutz'et-pe.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Ez 27:30

Kan xkesik'in k'a roma ri Tiro, y xtikireq k'a kichi' rik'in janila q'axo'n. Y roma ri' xtikiyala' k'a ulew pa kijolon y xtikibolqotila-ki' pa chaj.

Os 6:2

Chirij ri tijoj-poqonal kan xtuya' chik qak'aslen. Kan xqojruyek chik richin xqojk'ase' jantape' chuwech rija'.

Joel 2:13

Kan ja k'a ri iwánima ri janila tibison, y man ja ta ri niretz ri itziaq chiwij retal richin yixbison. Kan titzolej-pe ik'u'x rik'in ri Jehová ri qa-Dios, roma rija' janila nujoyowaj iwech y janila nikoch'on. Xa kan niyoke' na chire ri royowal, y kan janila nim ri rajowabal. Chuqa' rija' kan janila joyowanik k'o rik'in, y rija' jantape' nikuyun mak; y man nrajo' ta nuya-pe ri rutojbalil-mak.

San Mateo 12:40

Achi'el k'a ri Jonás xk'oje' pa rupan ri jun nimalej chikop richin ya', oxi' q'ij y oxi' aq'a', kan keri' chuqa' ri retal ninya' yin chiwe. Yin, ri xiqaqa-pe achi'el wineq chi'ikojol, chuqa' xkik'oje' k'a pa ruk'u'x re ulew, oxi' q'ij y oxi' aq'a'.

San Mateo 16:21

Kan jak'a chuqa' ri' toq ri Jesús xuchop ruq'alajirisaxik chikiwech ri rutijoxela', chi nik'atzin k'a chi nibe pa Jerusalem y chiri' k'a xtuk'owisaj-wi tijoj-poqonal pa kiq'a' ri achi'a' ri k'o kiq'ij, ri aj-raqen pa kiwi' ri e sacerdote y ri etamanela' chirij ri pixa'. Chuqa' xtapon k'a pa kamik, jak'a ri pa rox q'ij xtik'astej chik el.

Wuj Richin ri Josúe 7:6

K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

Apocalipsis 3:9

Roma ri' xtinben chi xkexuke' chiwech ri jun tzobaj winaqi' ri e richin ri Satanás ri nikibij chi e judío y xa man qitzij ta. Kere' xtinben chike richin tiketamaj chi yin kan yixinwajo'.

1 Sam 20:41

Y toq ri ti ala' xbe yan, k'ari' ri David xpa'e-q'anej ri chiri' pa xokon, y chiri' oxi' k'a mul xxuke' y xulukuba-qa-ri' chuwech ri Jonatán. Y chiri' xkitz'ubaj-wi kan ki', y chi e ka'i' k'a xe'oq', jak'a ri David kan más janila xoq'.

1 Sam 25:23

Y toq ri Abigail xutz'et-apo ri David, jari' toq chi'anin xqaqa-qa chirij ri bur, y xulukuba-qa-ri' chuwech, k'a pan ulew.

1 Sam 4:12

K'o k'a jun achin rijatzul kan ri Benjamín ri xtikir xanimej-el pan oyowal y xbe pa Siló y rutzeron-el ri rutziaq chirij y ruya'on-el poqolaj pa rujolon richin chi xuk'ut chi janila nibison.

1 Sam 4:16

Y ri achin xubij k'a chire ri Elí chi rija' peteneq pan oyowal, y wakami xtikir xanimej-pe. Y ri Elí xuk'utuj chire chi tuq'alajirisaj ri achike k'a xk'uluwachitej.