2 Rey 9:6 - Kaqchiquel Bible

⁶ Y ri Jehú xel-pe chikikojol ri rachibil y xok-apo pa jun chik jay. Y ri tijoxel, q'alajirisey ruch'abel ri Dios, xuq'ej ri aceite pa rujolon y xubij chire: Kere' nubij ri Jehová ri qa-Dios richin Israel: Yin xatincha' y ninqasaj aceite pan awi' richin yatok rey pa ruwi' ri nutinamit Israel.

2 Rey 9:6 ပူးပေါင်းရင်းမြစ်များ

2 Crón 22:7

Ri Dios xuben chire ri Ocozías chi nibeken toq xtiberuq'ejela-el ri Joram. Toq ri Ocozías xapon rik'in ri Joram, kan jari' k'a xe'el-el richin nibekibana' oyowal rik'in ri Jehú, ruk'ajol ri Nimsí. Jak'a ri Jehová kan rucha'on ri Jehú richin yeruk'is konojel ri e ralk'ual y ri rixjayil ri Acab.

2 Rey 9:3

K'ari' tachapa' ri ti bojo'y, y taq'eja' ri aceite pa rujolon ri Jehú, y tabij chire chi kere' nubij ri Jehová: Yin xatincha' y ninqasaj aceite pan awi' richin yatok rey pa ruwi' ri ruwach'ulew Israel, nicha' ri Jehová, tabij. Chirij ri' tajaqa' ri ruchi' ri jay, katanimej-pe y man kapa'e-qa k'a xkatoqaqa na re wawe', xcha-el ri Eliseo chire.

1 Rey 19:16

Y chuqa' naqasaj aceite pa ruwi' ri jun achin rubini'an Jehú rumam ri Nimsí richin nok kan rey pa ruwi' ri Israel. Y ri jun achin rubini'an Eliseo ruk'ajol ri Safat aj-Abel-meholá, xtaqasaj aceite pa ruwi' richin nok kan q'alajirisey nuch'abel pan ak'exel rat.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Wuj Richin ri Isaías 45:1

Kere' nubij ri Jehová chire ri Ciro: Yin kan xatincha' rat, y at nuyuqen chi awijkiq'a', richin naqasaj kiq'ij ri ch'aqa' chik ruwach'ulew, y chuqa' richin nawelesaj kan ri kamisabel pa kiq'a' ri ki-rey. Y kan ja yin xkibanon chi ri okibel kichin ri tinamit kan kiyon xkejaqatej chawech, y ri okibel ri' kan man xketz'apetej ta chik.

Wuj Richin Bix Chire ri Dios 75:6

Ri ruchojmilal man nipe ta kere' pa relebel-q'ij, ni man nipe ta pa qajbel-q'ij. Chuqa' man peteneq ta pa tz'iran ruwach'ulew, ni ta pa taq juyu'.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

1 Rey 16:2

Yin xatinsik' k'a y xinimirisaj aq'ij toq xinben chawe richin xatok rey pa ruwi' ri nutinamit Israel. Y wakami xa xaben achi'el xuben ri Jeroboam; xa xaben richin xemakun ri nutinamit, y xiben richin xiyek woyowal rik'in ri imak.

1 Rey 14:7

Kabiyin y tabebij chire ri Jeroboam ri nubij ri Jehová ri qa-Dios richin Israel. Kere' k'a ri nubij: Yin xatincha' chikikojol ri nuwinaq richin xatok rey pa ruwi' ri nutinamit Israel.

1 Rey 10:9

Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

1 Rey 3:8

Y wakami, ja yin ri xik'oje' kan chuwech ri nimalej tinamit ri acha'on rat, jun nimalej tinamit ri kan man e ajlatel ta.

1 Rey 1:34

Y toq ixk'o chik chiri', ja ri Sadoc y ri Natán ri xkeqasan aceite pa ruwi' ri Salomón, richin nok kan rey pa ruwi' chijun ruwach'ulew Israel. Y kan xtixupux k'a ri uk'a' y xtibij: ¡Tiqaya' ruq'ij ri rey Salomón!, xkixcha'.

1 Sam 2:7

Ri Jehová nuben chi ri wineq nok meba' y nuben chi nok beyom. rija' nuqasaj ruq'ij y nunimirisaj ruq'ij.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

2 Rey 9:5

Toq xapon chiri', ri e aj-raqen pa kiwi' ri aj-labal e tz'uyul pa jun jay. Y ri tijoxel xubij: Táta k'o ri ninwajo' ninbij chawe, xcha'. Y ja ri Jehú ri xbech'on-pe y xuk'utuj ri achike chike rije' ri nukanoj. Y ri tijoxel xubij chi kan ja rija' ri nukanoj.