2 Rey 9:5 - Kaqchiquel Bible

⁵ Toq xapon chiri', ri e aj-raqen pa kiwi' ri aj-labal e tz'uyul pa jun jay. Y ri tijoxel xubij: Táta k'o ri ninwajo' ninbij chawe, xcha'. Y ja ri Jehú ri xbech'on-pe y xuk'utuj ri achike chike rije' ri nukanoj. Y ri tijoxel xubij chi kan ja rija' ri nukanoj.

2 Rey 9:5 ပူးပေါင်းရင်းမြစ်များ

Wuj Kichin ri To'onela' 3:19

akuchi ek'o-wi ri wachibel ri niya'ox kiq'ij ri ek'o pa Guilgal. Ri Ehud xtzolin kan ruyon y xberubij chire ri rey: K'o jun ninwajo' ninbij chawe pan ayonil, xcha'. Y ri rey xubij chike ri ek'o rik'in: Kixel na el juba', xcha' chike. Y konojel ri ek'o-apo rik'in xe'el-el

2 Rey 9:2

Toq xkatapon chiri' takanoj ri Jehú ruk'ajol ri Josafat, y rumam ri Nimsí. Y toq xtatz'et, tawelesaj-pe chikikojol ri rachibil y tak'uaj pa jun chik jay ri kan man jun wineq k'o chupan.

2 Rey 9:4

Ri tijoxel ri' xbe k'a pa Ramot, richin Galaad.

2 Rey 9:6

Y ri Jehú xel-pe chikikojol ri rachibil y xok-apo pa jun chik jay. Y ri tijoxel, q'alajirisey ruch'abel ri Dios, xuq'ej ri aceite pa rujolon y xubij chire: Kere' nubij ri Jehová ri qa-Dios richin Israel: Yin xatincha' y ninqasaj aceite pan awi' richin yatok rey pa ruwi' ri nutinamit Israel.