2 Rey 9:36 - Kaqchiquel Bible

³⁶ Ri samajela' xetzolin, y xbekibij chire ri Jehú. Y ri Jehú xubij: Jare' xbanatej ri rubin ri Dios, toq xubij chire ri rusamajel Elías aj-Tisbé chi chupan ri ulew wawe' pa Jezreel, xtitij-wi ri ruch'akul ri Jezabel koma ri tz'i', xcha' ri Jehú.

2 Rey 9:36 ပူးပေါင်းရင်းမြစ်များ

1 Rey 21:23

Y ri Elías xubij chik: Chuqa' ri Jehová xch'on chirij ri Jezabel y rubin-pe: Ri tz'i' xtikitej ri ruch'akul ri Jezabel chupan ri ulew ri ichinan kan chiri' pa Jezreel.

Wuj Richin ri Chojmirisabelri'il 8:36

Y keri' ri Aarón y ri e ruk'ajol kan xkiben k'a ronojel ri pixa' ri xuya' ri Jehová chire ri Moisés chi tikibana' rije'.

2 Rey 14:25

Y ri Jeroboam ruk'ajol ri Joás xuch'ek chik jun bey ri ruwach'ulew Israel ri majon kan, nitiker-el chuchi' ri ruwach'ulew Hamat ri k'o pa xaman, y napon k'a pa Tzayi-Choy. Ronojel re' xbanatej achi'el rubin ri Jehová chire ri Jonás ri q'alajirisey ruch'abel. Ri Jonás ri' ruk'ajol ri Amitai, ri aj-Gat-héfer.

2 Sam 12:25

Y roma ri' ri Jehová xuteq k'a el ri Natán rik'in ri David richin xberubij chi ri ak'ual ri' chuqa' xtubini'aj Jedidías.*f7*

Wuj Richin ri Josúe 15:56

Jezreel, Jocdeam, Zanóah,

2 Rey 9:10

Y pa ruwi' ri Jezabel; xtinben chi ri ruch'akul rija' xtitij koma ri tz'i' chiri' pa jun ulew richin Jezreel, y kan man jun xtimuqun richin, nicha' ri Jehová, xcha' ri q'alajirisey ruch'abel ri Dios. Kan xaxe k'a xubij kan re'; xujeq-pe ri ruchi' ri jay y xel-pe chi'anin.

2 Rey 9:35

Jak'a toq xebe richin nibekimuqu' kan, xa xbekila' xaxe chik ri rubaqil ri rujolon, ri raqen y ri ruq'a' ri ek'o kan.

2 Rey 1:17

Keri' xken ri Ocozías achi'el xbix chire ri Elías roma ri Jehová. Y ri Ocozías kan man jun k'a ralk'ual xk'oje', y roma ri' ja ri Joram ri rach'alal ri xk'oje' kan pa ruk'exel richin xq'aton kan tzij pa ruwi' ri ruwach'ulew Israel. Ronojel re' xbanatej chupan ri ruka'n juna' toq ri jun chik Joram, ri ruk'ajol ri Josafat niq'aton-tzij pa Jerusalem pa ruwi' ri ruwach'ulew Judá.

2 Rey 15:12

Y re' kan xbanatej achi'el rubin ri Jehová chire ri Jehú, toq xubij: Xaxe ri rukaj sol kichin ri ak'ajol xke'apon pa q'atbel-tzij richin Israel, xcha'. Y kan keri' xbanatej.