2 Rey 9:30 - Kaqchiquel Bible

³⁰ Y toq xapon ri Jehú pa tinamit Jezreel, jari' toq ri Jezabel xrak'axaj, y xuyala-el aq'om chi runaq'-ruwech y xuben-el ruchojmil jebel ri rusumal-ruwi'. K'ari' xtzu'un-pe pa jun ventana.

2 Rey 9:30 ပူးပေါင်းရင်းမြစ်များ

Wuj Richin ri Jeremías 4:30

Y rix ri yixk'is yan, ¿achike k'a xtiben? Stape' niwiq-iwi' rik'in keq tzieq y niwiq-iwi' rik'in wiqobel ri banon rik'in q'anapueq, stape' chuqa' niya' aq'om chuchi' runaq' taq iwech, xa man jun nuq'ajuj ri keri' niben. Ri ye'ajowan iwichin xa man xkixkajo' ta chik; ri nikajo' rije' ja ri nikelesaj ik'aslen.

Ez 23:40

Y rix ix achi'el jun ixoq itzel ruk'aslen y xiteq rutzijol richin xebek'amer-pe achi'a' ri ek'o nej richin chi ye'oqaqa iwik'in. Rokik ye'oqaqa rije', rix xixatin y xiyala' aq'om chuchi' runaq' taq iwech y kan jebel xiwiq-iwi'.

Ez 24:17

Jak'a pan ewel ninya' q'ij chawe chi yajiq'ijo'x chirij. Man tak'ut chi yabison ni man tawelesaj ri kuchubel-ajolon, ni ri axajab. Chuqa' man tatz'apej apalej, ni man tatej q'utun richin bis, xcha' ri Jehová chuwe.

1 Pedro 3:3

Ri niwiq iwi' man ta xa ja ri niq'alajin achi'el ri wiqobel ri e banon rik'in q'anapueq, ri jebelej taq tzieq, y ri ruchojmirisaxik ri rusumal taq iwi'.

1 Sam 29:1

Ri aj-Filistea xekimol konojel ri tzobaj aj-labal chiri' chupan ri tinamit Afec, y ri aj-Israel xek'oje-qa chiri' chunaqaj ri ralaxbel-ya' ri k'o pa Jezreel.

1 Rey 16:9

Pan Israel k'o k'a jun achin ri aj-raqen pa ruwi' ri nik'aj chike ri kajlabal ri carruaje richin oyowal richin ri Elá, y rija' rubini'an Zimrí. Y k'o k'a jun q'ij ri Elá k'o pa Tirsá, pa rachoch ri Arsá ri samajel ri k'o pa kiwi' ri ch'aqa' chik samajela' ri e yuqul pa samaj pa rachoch rija'. Y ri Zimrí xyakatej chirij ri rey Elá, toq ri rey Elá k'o chiri' pa rachoch ri Arsá, y kan janila q'abarel.

1 Rey 21:23

Y ri Elías xubij chik: Chuqa' ri Jehová xch'on chirij ri Jezabel y rubin-pe: Ri tz'i' xtikitej ri ruch'akul ri Jezabel chupan ri ulew ri ichinan kan chiri' pa Jezreel.

Wuj Richin Etamabel-Tzij 6:25

Kan man k'a tirayij chi iwichin ta rix ri jun jebejoj ok ixoq ri', y kan man k'a kixqaqa pa ruq'a' rik'in ri rubanik ri yixrutzu'.

Wuj Richin Etamabel-Tzij 7:10

Jari' toq ri ixoq ri' xbek'ulun-pe chuwech ri ala', ruwiqon-ri' achi'el jun ixoq itzel ruk'aslen, y kan nowineq chubanik.