2 Rey 9:24 - Kaqchiquel Bible

²⁴ Y ri Jehú xujik' k'a ri rute-ruch'ab, y xuq'ijuj ri che'el-rij ri Joram. Y ri ko'ol raqen ch'ab kan xbek'ulun k'a pe chuwa-ruk'u'x ri Joram, y rija' xtzaq-qa chupan ri ru-carruaje.

2 Rey 9:24 ပူးပေါင်းရင်းမြစ်များ

1 Rey 22:34

Y k'o k'a jun chike ri aj-labal aj-Siria ri xuk'eq jun ch'ab choj keri', y xumej ri Acab rey richin Israel. Ri ch'ab kan choj xok ri akuchi rutunun-wi-ri' ri rutobal, y k'ari' ri Acab xubij chire ri uk'uayon ri carruaje: Tapiskolij-awi' chi'anin richin yinawelesaj-el wawe' roma xa xisokotej yan, xcha'.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin Bix Chire ri Dios 50:22

Chi'iwonojel ri imestan kan ri Dios, tiq'ax k'a chiwech wakami; man xa xkixink'ajij y kan man jun k'a xkixkolon pa nuq'a'.

2 Rey 10:4

Jak'a rije' janila xkik'en rukiy y xkibij: Wi ri e ka'i' rey man xetikir ta rik'in ri Jehú, ¿achi'el toq xqojtikir roj rik'in?, xecha-qa.

Wuj Richin ri Zacarías 13:6

Y wi k'o ta jun nik'utun chike ri achike roma sokotajineq chukojol ruwi' taq kiq'a', rije' xtikibij chi e sokotajineq koma ri kachibil, ncha' ri Dios.

1 Rey 19:17

Kere' k'a xtibanatej kik'in ri winaqi' ri xkiya' kiq'ij ri Baal: Ri Hazael xkeruteq pa kamik chi espada; y janipe' ri xke'animej, k'a pa ruq'a' ri Jehú xketzaq-wi; y wi k'o ta jun ri xtikolotej kan pa ruq'a' ri Jehú, xtiqaqa pa ruq'a' ri Eliseo.

1 Rey 21:29

¿Atz'eton chi ri Acab janila xuqasaj-ri' chinuwech yin? Y roma k'a janila xuqasaj-ri' chinuwech, man xtinya' ta ri ruk'ayewal pa ruwi' re q'ij re'; k'a toq xtiq'aton na kan tzij ri ruk'ajol, k'ari' xtinya-pe ri ruk'ayewal pa ruwi' ri rachoch, xcha' ri Jehová.

1 Rey 22:35

Y chijun k'a ri q'ij ri' kan janila nim ri oyowal ri xbanatej, y ri Acab kan chiri' k'a chupan ri ru-carruaje xpa'e-wi chikiwech ri aj-Siria, y ri rukik'el xbiyin k'a chupan ri ru-carruaje; y chupan k'a ri tiqaq'ij ri' xken-qa.

2 Rey 10:9

Toq seqer-q'anej, jari' toq xel-pe ri Jehú, y xpa'e' chikiwech ri winaqi' richin ri tinamit, y xubij: Yin xiyakatej chirij ri wajaw y kan xinkamisaj. Y rix kan maneq imak chire re'; jak'a ¿Achike xekamisan kichin konojel re'?