2 Rey 9:19 - Kaqchiquel Bible

¹⁹ K'ari' ri Joram xuteq chik el jun achin ri xbe chirij kiej, y toq xapon re achin re' rik'in ri Jehú, xuk'utuj chire wi e peteneq rik'in uxlanibel-k'u'x o ni. Y ri Jehú xubij chi rija' man nik'atzin ta richin nretamaj, y xubij chire chi tutzeqelibej.

2 Rey 9:19 ပူးပေါင်းရင်းမြစ်များ

2 Rey 9:11

Chirij ri' ri Jehú xbe'el-pe pa jay y ri rachibil xkik'utuj chire: ¿Man jun xak'uluwachij? ¿Achike roma xpe la jun ch'u'j la' awik'in?, xecha' chire. Ri Jehú xubij: Rix kan iwetaman chik ri achike ch'abel yerubij ri achin ri', xcha'.

2 Rey 9:18

Xbe k'a ri achin, y toq xapon kik'in xubij chike: Ri rey rutaqon-pe ruk'utuxik, wi ix peteneq rik'in uxlanibel-k'u'x o ni, xcha'. Y ri Jehú xubij chire: Rat man nik'atzin ta richin nawetamaj re'. Katanpe chuwij y kinatzeqelibej, xcha'. K'ari' ri chajinel ri k'o pa ruwi' ri tz'aq xubij-apo chike ri rachibil chi ri achin ri taqon-el chikitz'etik ri winaqi', xapon yan kik'in, jak'a xa man nitzolin ta pe.

2 Rey 9:20

K'ari' ri chajinel ri k'o pa ruwi' ri tz'aq xubij chik jun bey chike ri rachibil chi ri achin ri taqon-el chikitz'etik ri winaqi' xapon yan kik'in, jak'a xa man nitzolin ta pe. Y xubij chuqa' chi ri ik'owineq-pe chikiwech ri tzobaj winaqi' ri e peteneq, achi'el xa ja ri Jehú ri ruk'ajol ri Nimsí, roma kan achi'el ch'u'j ruk'amon-pe ri ru-carruaje.

2 Rey 9:17

Y toq ri Jehú xnaqajub-apo pa Jezreel, jari' toq ri chajinel ri k'o chiri' pa ruwi' ri tz'aq, xutz'et chi e beneq-apo ri tzobaj winaqi' richin ri Jehú. Y roma ri' xsik'in-apo kik'in ri rachibil, y xubij: K'o winaqi' e richin oyowal e peteneq, xcha-apo. Ri Joram kan xubij k'a chi titaq-el jun achin chirij kiej richin niberetamaj kiwech, y tuk'utuj chike wi e peteneq rik'in uxlanibel-k'u'x.

Wuj Richin ri Isaías 48:22

Jak'a chike ri e banoy taq etzelal, kan man xtinya' ta uxlanibel-k'u'x. Yin Jehová ri yibin.