2 Rey 9:17 - Kaqchiquel Bible

¹⁷ Y toq ri Jehú xnaqajub-apo pa Jezreel, jari' toq ri chajinel ri k'o chiri' pa ruwi' ri tz'aq, xutz'et chi e beneq-apo ri tzobaj winaqi' richin ri Jehú. Y roma ri' xsik'in-apo kik'in ri rachibil, y xubij: K'o winaqi' e richin oyowal e peteneq, xcha-apo. Ri Joram kan xubij k'a chi titaq-el jun achin chirij kiej richin niberetamaj kiwech, y tuk'utuj chike wi e peteneq rik'in uxlanibel-k'u'x.

2 Rey 9:17 ပူးပေါင်းရင်းမြစ်များ

1 Sam 16:4

Ri Samuel xuben k'a achi'el xubij ri Jehová chire. Y toq rija' xapon pa Belén, ri rijita'q taq achi'a' ri k'o kiq'ij richin ri tinamit ri' xbekik'ulu-el rik'in xibinri'il, y xkibij chire: ¿Richin uxlanibel-k'u'x ri apeten o ni?, xecha'.

Wuj Richin ri Isaías 62:6

Ri Dios e ruya'on chajinela' pa ruwi' ri tz'aq richin ri Jerusalem, y chi paq'ij chi chaq'a' rije' man yetane' ta richin nikiya' rutzijol.

Wuj Richin ri Isaías 56:10

Rix ix chajinela' pa kiwi' ri israelita, ri ixk'o pa ruwi' ri tz'aq, rix ix moyirineq. Chi'iwonojel rix xa kan man jun nitz'et. Iwonojel rix ix achi'el tz'i' ri yechajin, jak'a man yixtikir ta yixba'on. Xa kan choj ixk'o keri', kan jebel nina' y xaxe waran niben.

2 Rey 9:19

K'ari' ri Joram xuteq chik el jun achin ri xbe chirij kiej, y toq xapon re achin re' rik'in ri Jehú, xuk'utuj chire wi e peteneq rik'in uxlanibel-k'u'x o ni. Y ri Jehú xubij chi rija' man nik'atzin ta richin nretamaj, y xubij chire chi tutzeqelibej.

2 Rey 7:14

Xetaq k'a el achi'a' chupan ka'i' carruaje rik'in kiej akuchi ek'o-wi-qa ri aj-Siria. Y ri rey xubij-el chike ri achi'a' ri' chi tibekitz'eta' ri achike xbanatej.

1 Rey 2:15

K'ari' ri Adonías xubij: Rat jebel awetaman chi ja ta yin ri xinok kan rey pa ruk'exel ri nata' roma kan keri' ta xkajo' konojel ri qawinaq. Jak'a rija' xa chire ri awal ri xuya' wi kan ri q'atbel-tzij roma kan ja ri Jehová biyon chire.

2 Sam 18:24

Rokik ri' ri David tz'uyul chuchi' ri tinamit, y k'o jun tz'etonel ri k'o-q'anej pa ruwi' ri tz'aq. Re tz'etonel re' xutz'et k'a chi k'o jun achin peteneq junanin.

2 Sam 13:34

Rokik ri', ri Absalón xanimej. Chirij ri' jun chike ri chajinel ri k'o pa ruwi' ri tz'aq ri rusurin-rij ri Jerusalem, xutz'et chi e peteneq e k'iy winaqi' pa bey ri k'o pa ruchojmilal ri juyu' Horonaim.

1 Sam 17:22

Y jari' toq ri David xuya' kan ri taqikil pa ruq'a' ri chajinel kichin ri kikamisabal, y xbe anineq chikikojol ri aj-labal ri kinuk'un chik ki'. Y xeberuq'ejela' ri runimal.

2 Rey 9:11

Chirij ri' ri Jehú xbe'el-pe pa jay y ri rachibil xkik'utuj chire: ¿Man jun xak'uluwachij? ¿Achike roma xpe la jun ch'u'j la' awik'in?, xecha' chire. Ri Jehú xubij: Rix kan iwetaman chik ri achike ch'abel yerubij ri achin ri', xcha'.

2 Rey 9:16

K'ari' ri Jehú xjote-el pa ru-carruaje, y xbe pa Jezreel richin xberila' ri Joram ri k'o chiri' roma yawa'. Chuqa' ri Ocozías rey richin Judá chiri' k'o-wi, roma beneq chutz'etik ri Joram.

2 Rey 9:18

Xbe k'a ri achin, y toq xapon kik'in xubij chike: Ri rey rutaqon-pe ruk'utuxik, wi ix peteneq rik'in uxlanibel-k'u'x o ni, xcha'. Y ri Jehú xubij chire: Rat man nik'atzin ta richin nawetamaj re'. Katanpe chuwij y kinatzeqelibej, xcha'. K'ari' ri chajinel ri k'o pa ruwi' ri tz'aq xubij-apo chike ri rachibil chi ri achin ri taqon-el chikitz'etik ri winaqi', xapon yan kik'in, jak'a xa man nitzolin ta pe.