2 Rey 9:14 - Kaqchiquel Bible

¹⁴ Keri' ri Jehú ruk'ajol ri Josafat y rumam kan ri Nimsí, xuchop xupaba-ri' chuwech ri Joram. Ri Joram xk'oje-el pa tinamit Ramot ri k'o pa Galaad kik'in konojel ri aj-Israel richin xuchajij, roma ri Hazael rey richin Siria kan nrajo' nuben oyowal kik'in.

2 Rey 9:14 ပူးပေါင်းရင်းမြစ်များ

2 Rey 8:28

Y ri Ocozías xbe k'a rik'in ri Joram rey richin Israel richin nibekibana' oyowal rik'in ri Hazael rey richin Siria, ri chiri' pa tinamit Ramot richin ri ruwach'ulew Galaad. Jak'a ri aj-Siria kan xkisok-el ri Joram.

1 Rey 22:3

Chupan ri q'ij ri', ri Acab xubij chike ri e aj-samaj richin rija': ¿Iwetaman chi ri Ramot ri k'o pa Galaad kan qichin roj, jak'a roj kan man jun qabanon richin qelesan ta kan pa ruq'a' ri rey richin Siria?, xcha'.

2 Rey 15:30

Chirij ri' ri Oseas ruk'ajol ri Elá xyakatej chirij ri Pécah ruk'ajol ri Remalías. Xukamisaj, y ja rija' ri xk'oje' kan pa ruk'exel richin xuq'et-tzij. Y re' xbanatej chupan ri juna' juwineq chire ri q'atbel-tzij richin ri Jotam ruk'ajol ri Azarías.

2 Rey 10:9

Toq seqer-q'anej, jari' toq xel-pe ri Jehú, y xpa'e' chikiwech ri winaqi' richin ri tinamit, y xubij: Yin xiyakatej chirij ri wajaw y kan xinkamisaj. Y rix kan maneq imak chire re'; jak'a ¿Achike xekamisan kichin konojel re'?

2 Rey 9:31

Y toq ri Jehú xpa'e-qa chiri' chuxe' ri ventana, ri Jezabel xubij-qa chire: ¿At peteneq rik'in uxlanibel-k'u'x? O xa at achi'el ri Zimrí ri xukamisaj ri rajaw, xcha'.

1 Rey 16:16

Y ri aj-labal aj-Israel ri ek'o-qa chiri', toq xkak'axaj chi ri Zimrí xyakatej chirij ri Elá y xukamisaj, jari' toq konojel rije' xeyakatej y xkiya' kan rey ri jun achin aj-raqen kichin ri aj-labal, ri rubini'an Omrí.

1 Rey 16:9

Pan Israel k'o k'a jun achin ri aj-raqen pa ruwi' ri nik'aj chike ri kajlabal ri carruaje richin oyowal richin ri Elá, y rija' rubini'an Zimrí. Y k'o k'a jun q'ij ri Elá k'o pa Tirsá, pa rachoch ri Arsá ri samajel ri k'o pa kiwi' ri ch'aqa' chik samajela' ri e yuqul pa samaj pa rachoch rija'. Y ri Zimrí xyakatej chirij ri rey Elá, toq ri rey Elá k'o chiri' pa rachoch ri Arsá, y kan janila q'abarel.

1 Rey 16:7

Ri Jehová kan rubin chik k'a chire ri Jehú ri q'alajirisey ruch'abel, ri xtuk'uluwachij ri Baasá y chuqa' chikij konojel ri ek'o pa rachoch, roma ronojel ri mak ri xuben chuwech ri Jehová, y xuben chire richin xuyek royowal. Roma ri' xkebek'is ri Baasá y ri ek'o pa rachoch, achi'el xuben chire ri Jeroboam.

1 Rey 15:27

Y ri Baasá, ruk'ajol kan ri Ahías, ri aj-ruwach'ulew Isacar, xerumol k'a achi'a' y xerachibilaj richin xyakatej chirij ri Nadab. Xberusutij-rij ri tinamit Guibetón, jun tinamit kichin kan ri aj-Filistea. Y chiri' xukamisaj-wi ri rey Nadab.

2 Rey 9:2

Toq xkatapon chiri' takanoj ri Jehú ruk'ajol ri Josafat, y rumam ri Nimsí. Y toq xtatz'et, tawelesaj-pe chikikojol ri rachibil y tak'uaj pa jun chik jay ri kan man jun wineq k'o chupan.

2 Rey 8:29

Chirij ri' xtzolin pa tinamit Jezreel richin xberaq'omaj ri' chire ri sokotajik ri xkiben-el ri aj-Siria chire, ri chiri' pa Ramot. Y ri Ocozías xbe chuqa' pa Jezreel rik'in ri Joram richin xberuq'ejela' kan.

2 Rey 12:21

Y ri xekamisan richin ri Joás ja ri Josacar ruk'ajol ri Simat, y ri Jozabad ruk'ajol ri Somer. Xkimuq k'a ri Joás akuchi e muqun-wi ri rute-rutata' ri pa rutinamit kan ri rey David. Y ri xk'oje' kan pa ruk'exel richin xuq'et-tzij ja ri Amasías ri ruk'ajol.