2 Rey 8:6 - Kaqchiquel Bible

⁶ K'ari' ri rey xuk'utuj chire ri ixoq pa ruwi' ronojel re banobel re', y rija' xutzijoj chire. Chirij ri' ri rey xuteq-el jun tata'al y xubij-el chire chi titzolix ronojel ri kan richin ri ixoq, y chi kan tiya'ox chuqa' chire ronojel ri ruya'on-pe ri ulew, ri janipe' juna' ruya'on kan ri rajaw k'a re wakami.

2 Rey 8:6 ပူးပေါင်းရင်းမြစ်များ

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Wuj Richin Etamabel-Tzij 16:7

Toq ri rubanobal ri wineq kan niqa' chuwech ri Jehová, kan e jajun chuqa' ri winaqi' ri ye'etzelan richin, nisiliso-qa ri koyowal chirij.

2 Sam 9:7

Y ri David xubij chire: Man naxibij-awi', roma yin kan xtinjoyowaj awech roma ri ajowabel ri xk'oje' chiqakojol rik'in ri atata' Jonatán. Y roma ri' xtintzolij chik k'a chawe ri ulew ri richin kan ri amama'. Y chuqa' kan jantape' xkawa' wik'in yin, xcha'.

1 Crón 28:1

Ri David xerumol k'a chiri' pa Jerusalem konojel ri k'o más kejqalen ri ek'o chiri' pan Israel: Ri e aj-raqen kichin ri tzobaj, ri aj-samaj richin ri rey, ri e aj-raqen pa kiwi' ri aj-labal, ri samajela' ri ek'o pa kiwi' ronojel ri e richin ri rey, ri ek'o pa kiwi' ri e ralk'ual y ri achi'a' ri maneq xibinri'il chikiwech.

2 Rey 9:32

Y ri Jehú xtzu'un k'a q'anej pa ventana y xuk'utuj chi wi ek'o ta ri chiri' ri nikajo' yeto'on richin. Y jari' toq xebek'ulun-pe e ka'i-oxi' achi'a' ri yesamajin richin ri Jezabel.

Deut 22:2

Jak'a wi ri rajaw xa man chunaqaj ta rachoch k'o-wi y man retaman ta ruwech, tuk'uaj-el ri ti chikop pa rachoch y tik'oje' rik'in, k'a toq xtibek'utux na rik'in k'ari' nuya-el chire.

Wuj Richin ri Rutikeribel 37:36

Jak'a ri aj-Madián xbekik'ayij kan ri José pan Egipto, chire jun achin rubini'an Potifar, jun aj samaj richin ri rey y aj-raqen pa kiwi' ri chajinela'.

Wuj Kichin ri To'onela' 11:13

Y ri rey kichin ri amonita xubij-pe chike ri e uk'uey rutzijol: Kere' nubanon roma toq ri iwati't-imama' xe'el-pe pan Egipto, kimajon kan ri qaruwach'ulew ri nitiker-el pa raqen-ya' Arnón y napon pa xaman k'a pa raqen-ya' Jaboc, y nitiker chik el pa relebel-q'ij chire ri Jaboc y napon k'a pa raqen-ya' Jordán. Wakami k'a, chi utzil tuya' kan, xcha'.

2 Rey 8:5

Rokik ri Guehazí nutzijoj achike rubanik xuben ri Eliseo toq xuk'asba' ri ral ri ixoq aj-Sunem; jari' toq xapon ri ixoq ri', richin xberuk'utuj ri rachoch y ri rulew ri ruya'on kan. Y ri Guehazí xubij chire ri rey: Ja ixoq re' ri nintzijoj chawe, y ja ak'ual re' ri xya'ox chik jun bey ruk'aslen, xcha'.

2 Rey 8:7

K'o k'a jun q'ij ri Eliseo xbe pa tinamit Damasco. Chupan k'a ri q'ij ri' ri rey richin Siria ja ri Ben-hadad. Y ri rey ri' kan janila yawa', y xya'ox k'a rutzijol chire chi chiri' xapon ri Eliseo, ri rusamajel ri Dios.