2 Rey 8:4 - Kaqchiquel Bible

⁴ Chupan ri q'ij ri', ri rey richin ri Israel nitzijon rik'in ri Guehazí, ri rusamajel ri Eliseo, y nubij k'a chire chi tutzijoj chire ri meyel taq banobel ri rubanon ri Eliseo.

2 Rey 8:4 ပူးပေါင်းရင်းမြစ်များ

Hechos 24:24

Toq ik'owineq chik k'a ka'i-oxi' q'ij, ri Félix xuteq k'a royoxik ri Pablo, roma rija' nrajo' k'a nretamaj achike rubanik ri' ri nakuquba' ak'u'x rik'in ri Jesucristo. Ri Félix rachibilan ri Drusila ri rixjayil, rija' jun ixoq judío.

San Juan 9:27

Rija' xubij k'a chike: Jari' ri xintzijoj yan chiwe y xa man xiniwak'axaj ta. ¿Achike k'a roma toq wakami rix niwajo' chi yin ninkamuluj chik rubixik chiwe? ¿Niwajo' niwojqaj ri Jesús?, xcha' chike.

San Lucas 23:8

Toq ri Herodes xutz'et ri Jesús, janila xkikot, roma kan k'iy yan k'a q'ij rurayin chi rutz'eton ta. Y k'iy k'a ri rak'axan chirij. Roma ri' kan royoben k'a chi k'o ta jun bey xtutz'et toq nuben jun meyel banobel.

San Lucas 9:9

Y ri Herodes nubij-qa: ¿Achike kami achin re Jesús re'? Roma k'iy yenwak'axaj chirij. Jak'a man ja ta ri Juan, roma ri Juan ja yin xitaqo rutzak'ixik rujolon, nicha'. Ri Herodes xukanola' k'a rubanikil richin chi xutz'et ta ri Jesús.

San Mateo 2:8

Chirij ri' xeruteq-el pa Belén y xubij-el chike: Kixbiyin chupan ri tinamit ri', tikanoj ri ak'ual, y toq iwilon chik kan, titaqa-pe rutzijol chuwe, richin chi yin yibe chuqa' chuya'ik ruq'ij, xcha'.

2 Rey 7:10

Xebe k'a, y xesik'in-apo chike ri chajinela' richin ri ruchi' ri tinamit, y xkibij-apo chike: Roj xojbe akuchi ek'o-wi-qa ri aj-Siria, y xqatz'et kan chi man jun chik wineq k'o chiri', ni man jun chik ch'abel xqak'axaj; xaxe chik k'a ri kiej y ri bur ri e ximil kan chiri'. Ri akuchi xek'oje-wi, kan man jun naqon chire, xecha'.

2 Rey 7:3

Chiri' chuchi-el ri tinamit ek'o k'a e kaji' achi'a' ri k'o ri yabil chirij ri kich'akul ri kan nutaluj-ri'. Y rije' xkibij-qa chikiwech: ¿Achike roma ojk'o re wawe' y xaxe qoyoben ri qakamik?

2 Rey 7:1

K'ari' ri Eliseo xubij: Tiwak'axaj ri ruch'abel ri Jehová: Rija' nubij chi ke taq wa chua'q, xtibek'ayix ri lajuj libra k'ej chayun chi nik'aj onza saqipueq, y ri juwineq libra cebada xtibek'ayix chi nik'aj onza saqipueq; y re' kan ja re wawe' chuchi' ri tinamit Samaria xtibanatej-wi, xcha'.

2 Rey 6:32

Rokik ri', ri Eliseo tz'uyul pa rachoch, y e rachibilan ri achi'a' ri k'o kiq'ij richin ri tinamit. Y ri rey xuteq jun achin nabey rik'in ri Eliseo y rija' xambey kan. Y man jani k'a tapon ri achin ri' rik'in, jari' toq ri Eliseo xubij chike ri achi'a' ri k'o kiq'ij ri ek'o rik'in: ¿Iwetaman chik chi ri rey, ri achin kamisanel, wakami rutaqon-pe rutzak'ixik ri nujolon? Tiwak'axaj na pe; jari' xpe ri achin ri taqon-pe. Wakami k'a titz'apej ri ruchi-jay chuwech, y man tiya' q'ij chire richin nok-pe. Roma chirij rija' peteneq ri rajaw, xcha'.

2 Rey 6:6

Y ri Eliseo xuk'utuj chire akuchi xapon-wi. Y xuk'ut k'a chuwech. K'ari' ri Eliseo xujoq' jun xik'a'y, y xuya-qa akuchi xtzaq-wi-qa ri ruwi' ikej; y kan xberutelej k'a pe ya' ri ruwi' ri ikej ri'.

2 Rey 5:14

K'ari' xbe ri Naamán, y xuch'ej-ri' wuqu' mul chupan ri raqen ya' Jordán, achi'el xubij-el ri rusamajel ri Dios chire. Y ri ruch'akul xch'ajch'ojir, y kan achi'el ruch'akul jun ak'ual xuben kan.

2 Rey 4:12

Rija' xroyoj ri rusamajel rubini'an Guehazí, y xubij chire chi troyoj-pe ri ixoq ri rajaw ri jay. Y toq xroyoj ri ixoq, ri ixoq kan chi'anin xapon-q'anej rik'in ri Eliseo.

2 Rey 2:24

Y ri Eliseo xtzu'un k'a kan chirij y xerutz'et, y kan xuya' etzelanik pa kiwi' pa rubi' ri Jehová. Y xe'el k'a pe ka'i' ixoq taq oso chikij, y xekik'is e kawineq ka'i' chike rije'.

2 Rey 2:14

Y rik'in ri tzieq ri', ri Eliseo xukajij ri ya' achi'el xuben ri Elías toq xeq'ax-apo, y xubij: ¿Akuchi k'o-wi ri uchuq'a' ri xuya' ri Jehová chire ri Elías?, xcha'. Y ri ya' ri' kan xch'aratej chik pa nik'aj, y keri' ri Eliseo xq'ax-apo ri juk'an chik ruchi' ri raqen-ya'.

2 Rey 8:3

Toq xq'ax yan k'a wuqu' juna', xetzolin k'a chupan ri kitinamit, y ri ixoq xbe rik'in ri rey richin xberuk'utuj utzil richin titzolix ri rachoch y ri rulew.

2 Rey 4:25

Xbe k'a ri ixoq, y toq napon yan rik'in ri juyu' Carmelo ri akuchi k'o-wi ri Eliseo, ri rusamajel ri Dios, k'a chiri' xutz'et-pe ri ixoq, y xubij chire ri Guehazí: Tatz'eta', la ixoq la peteneq chila', la' ja ixoq aj-Sunem la'.