2 Rey 8:28 - Kaqchiquel Bible

²⁸ Y ri Ocozías xbe k'a rik'in ri Joram rey richin Israel richin nibekibana' oyowal rik'in ri Hazael rey richin Siria, ri chiri' pa tinamit Ramot richin ri ruwach'ulew Galaad. Jak'a ri aj-Siria kan xkisok-el ri Joram.

2 Rey 8:28 ပူးပေါင်းရင်းမြစ်များ

2 Crón 22:5

Ri Ocozías kan xunimaj ri xkibij chire y xrachibilaj-el ri Joram, ruk'ajol kan ri Acab, rey richin Israel, richin xbekibana' oyowal pa ruwi' ri Ramot richin Galaad rik'in ri Hazael rey richin Siria. Y ri aj-Siria xkisok-pe ri Joram.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

2 Crón 18:31

Y keri' k'a toq ri aj-raqen kichin ri e uk'uayon ri carruaje xkitz'et ri Josafat, xkich'ob chi ja rija' ri rey richin Israel, y xepe chirij richin nikiben oyowal rik'in, jak'a ri Josafat xsik'in richin nito'ox. Y ri Jehová kan xuto', y xuben chike ri e etzelanel richin chi xkijech'ej-el-ki' chire rija'.

2 Rey 9:15

Jak'a ri Joram xa xtzolin pa Jezreel, richin xberaq'omaj-ri' chire ri sokotajik ri xkiben chire toq xkiben oyowal kik'in ri aj-Siria. Y ri Jehú xubij k'a chike ri rachibil ri ek'o chiri' pa Ramot: Wi rix kan keri' niwajo', man jun k'a tel-el chupan re tinamit, richin niberuya' rutzijol pa Jezreel, xcha'.

2 Rey 8:15

Jak'a ri ruka'n q'ij, ri Hazael xbe rik'in ri rey y xuk'uaj-apo jun pim tzieq. Y xuch'eqeba-el richin xuya' chupalej ri rey; y keri' ri Ben-hadad xken. Chirij re' ri Hazael xok kan rey richin Siria pa ruk'exel ri Ben-hadad.

2 Rey 3:7

Y chuqa' xuteq rubixik chire ri Josafat rey richin Judá, y xubij-el chire chi ri rey richin Moab xupaba-ri' chuwech. Roma ri' nuk'utuj utzil chire ri rey richin Judá chi nibe ta chirij richin nibekibana' oyowal rik'in ri tinamit Moab. Y ri Josafat xubij-el chi kan nibe-wi y yeruk'uaj-el ri e aj-labal y ri rukiej.

1 Rey 22:29

Y keri' ri Acab rey richin Israel junan rik'in ri Josafat rey richin Judá xebe pan oyowal chiri' pa Ramot ri k'o pa Galaad.

1 Rey 19:17

Kere' k'a xtibanatej kik'in ri winaqi' ri xkiya' kiq'ij ri Baal: Ri Hazael xkeruteq pa kamik chi espada; y janipe' ri xke'animej, k'a pa ruq'a' ri Jehú xketzaq-wi; y wi k'o ta jun ri xtikolotej kan pa ruq'a' ri Jehú, xtiqaqa pa ruq'a' ri Eliseo.

1 Rey 4:13

Ri Ben-guéber ja rija' ri k'o pa ruwi' ri ruwach'ulew akuchi k'o-wi ri tinamit Ramot richin Galaad y ri kokoj taq kitinamit ri xek'oje' pa ruq'a' ri Jaír ruk'ajol kan ri Manasés. Chuqa' pa ruq'a' rija' k'o-wi ri ruwach'ulew Argob ri k'o pa ruwach'ulew Basán, akuchi ek'o-wi oxk'al e nima'q taq tinamit ri ya'on tz'aq chikij y ya'on rutz'apebal-ruchi' y e ya'on ch'ich' chirij ri banon rik'in q'enq'oj-pueq.

Wuj Richin ri Josúe 21:38

Ri tzobaj richin ri Gad xujech kan ri tinamit Mahanaim, Hesbón, Jazer y ri Ramot richin ri Galaad. Y ri Ramot ri' tinamit richin tobel kichin ri winaqi' ri chaq k'ate' nikiben jun kamik. Re' e kaji' tinamit rik'in ri kisoq'olbal.

2 Rey 8:29

Chirij ri' xtzolin pa tinamit Jezreel richin xberaq'omaj ri' chire ri sokotajik ri xkiben-el ri aj-Siria chire, ri chiri' pa Ramot. Y ri Ocozías xbe chuqa' pa Jezreel rik'in ri Joram richin xberuq'ejela' kan.

2 Rey 9:1

Rokik ri Joram nraq'omaj-ri', ri Eliseo q'alajirisey ruch'abel ri Dios xroyoj jun chike ri rutijoxel, q'alajirisey ruch'abel ri Dios, y xubij chire: Tabana' achojmil richin yabe pa tinamit Ramot richin Galaad, y tak'uaj-el jun ti bojo'y nojineq chi aceite.

2 Rey 9:14

Keri' ri Jehú ruk'ajol ri Josafat y rumam kan ri Nimsí, xuchop xupaba-ri' chuwech ri Joram. Ri Joram xk'oje-el pa tinamit Ramot ri k'o pa Galaad kik'in konojel ri aj-Israel richin xuchajij, roma ri Hazael rey richin Siria kan nrajo' nuben oyowal kik'in.

Wuj Richin ri Josúe 20:8

Y ri juk'an chik ruchi' ri raqen-ya' Jordán, chuwech-apo ri tinamit Jericó, xkicha' k'a ri tinamit Béser, ri k'o pa tz'iran ruwach'ulew, y re' k'o pa taq'aj chupan ri kiruwach'ulew ri tzobaj richin ri Rubén; y chupan ri ruwach'ulew Galaad xkicha' ri tinamit Ramot ri kichin ri tzobaj richin ri Gad; y chupan ri ruwach'ulew Basán xkicha' ri tinamit Golán, y re' kichin ri tzobaj richin ri Manasés.

2 Rey 9:16

K'ari' ri Jehú xjote-el pa ru-carruaje, y xbe pa Jezreel richin xberila' ri Joram ri k'o chiri' roma yawa'. Chuqa' ri Ocozías rey richin Judá chiri' k'o-wi, roma beneq chutz'etik ri Joram.