2 Rey 8:19 - Kaqchiquel Bible

¹⁹ Man rik'in ri', ri Jehová man xrajo' ta xuk'is ri ajawaren richin Judá, roma ri rajowabal chire ri David ri rusamajel. Y roma chuqa' kan rubin chire ri David chi jantape' xtik'oje' jun rijatzul rija' chupan ri ajawaren.

2 Rey 8:19 ပူးပေါင်းရင်းမြစ်များ

1 Rey 11:36

Y xaxe chik k'a jun tzobaj ri xtuya' kan chire ri ruk'ajol ri Salomón, richin keri' ri rusaqil ri David, man xtichup ta qa chuwech ri Jehová ri chiri' pa tinamit Jerusalem ri rucha'on richin chiri' ninatex-wi ri rubi'.

Os 11:9

Wakami xa man xtinben ta k'a ri nuch'obon ninben roma woyowal. Kan man xtinya' ta chik k'a ruk'ayewal pan iwi'. Roma yin kan in Dios y man in wineq ta. Ja yin ri in loq'olej ri ink'o chi'ikojol rix, roma ri' kan man xtinya' ta chik ri ruk'ayewal pan iwi', nicha' ri Dios.

Wuj Richin ri Isaías 37:35

Yin kan xtinto' re tinamit re', y kan xtinkol, roma kan xinjikiba' nutzij, y chuqa' roma ri wajowabal chire ri David ri nusamajel.

2 Sam 7:15

Jak'a ri nujoyowanik man xtinwelesaj ta pa ruwi' rija', achi'el xinben rik'in ri Saúl, ri xinwelesaj richin chi xatinya' kan rat pa ruk'exel.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

2 Crón 21:7

Man rik'in ri', ri Jehová man xrajo' ta xeruk'is ri e rijatzul ri David, roma ri jikibel-tzij ri rubanon rik'in; y rubin chi ri rusaqil ri David man xtichup ta qa kik'in ri ralk'ual chupan ri q'atbel-tzij richin jantape'.

2 Rey 19:34

Yin xtinto' re tinamit re' richin xtinkol roma ninwajo-qa-wi' yin y roma chuqa' ri wajowabal pa ruwi' ri David ri nusamajel. Keri' nubij ri Jehová, xcha' ri Isaías.

2 Sam 21:17

Jak'a ri Abisai ral ri Seruiá xberuto' ri David, y xukamisaj ri achin aj-Filistea. Roma ri' ri aj-labal richin ri David xkibij k'a chire chi man jun bey chik xtibe chikij pa labal richin man nichup ta ri saqil richin Israel.

Wuj Richin Bix Chire ri Dios 132:17

Xabij chi wawe' xtaben chi xtibejotayin-pe ri ruchuq'a' ri David; y xtaben chike chi rije' man jun bey xkek'is, achi'el jun saqil ri man jun bey xtik'is.

2 Sam 7:16

Ri awijatzul y ri aq'atbal-tzij kan xtijike' k'a richin q'asen, xcha' ri Dios.

1 Rey 11:12

Jak'a, roma kan janila xinwajo' ri David ri atata', roma ri' man ninwelesaj ta ri q'atbel-tzij chawe rokik k'a at k'es na. Xa k'a ja pa ruq'a' ri ak'ajol xtinwelesaj-wi kan.

1 Rey 11:13

Stape' keri', kan man chi ronojel ta ri ajawaren xtinwelesaj kan pa ruq'a' ri ak'ajol. Xa kan k'a xtinya' na k'a kan jun chik tzobaj chire ri nutinamit richin xtik'oje' kan pa ruq'a'; kere' xtinben roma ri wajowabal chire ri David ri nusamajel, y roma ri wajowabal pa ruwi' ri nutinamit Jerusalem ri nucha'on chik, xcha' ri Jehová.

2 Rey 11:2

Jak'a ri Joseba, rumi'al kan ri rey Joram y rana' kan ri Ocozías xanimej y pan ewel xrelesaj-el ri Joás ri ruk'ajol kan ri Ocozías richin chi man xkamisex ta. Xrewaj k'a ri Joás y ri raj-ik' chuwech ri Atalía, y xeruya' pa jun jay ri k'o chiri' pa rachoch ri Dios, akuchi niban-wi waran. Kere' k'a xuben chike richin chi man xekamisex ta.

Wuj Richin Bix Chire ri Dios 132:10

Jehová, roma ri awajowabal pa ruwi' ri ánima David, ri asamajel. tabana' utzil, man tawewaj-awi' chuwech ri acha'on re wakami.