2 Rey 8:16 - Kaqchiquel Bible

¹⁶ Toq ri Joram ruk'ajol ri Acab k'a k'es na, y chupan ri ro' juna' richin ri ruq'atbal-tzij pa ruwi' ri ruwach'ulew Israel, jari' toq xok kan rey ri Joram ruk'ajol ri Josafat rey richin Judá ri chiri' pa Jerusalem, y ri Josafat kan k'a k'es na.

2 Rey 8:16 ပူးပေါင်းရင်းမြစ်များ

2 Rey 1:17

Keri' xken ri Ocozías achi'el xbix chire ri Elías roma ri Jehová. Y ri Ocozías kan man jun k'a ralk'ual xk'oje', y roma ri' ja ri Joram ri rach'alal ri xk'oje' kan pa ruk'exel richin xq'aton kan tzij pa ruwi' ri ruwach'ulew Israel. Ronojel re' xbanatej chupan ri ruka'n juna' toq ri jun chik Joram, ri ruk'ajol ri Josafat niq'aton-tzij pa Jerusalem pa ruwi' ri ruwach'ulew Judá.

2 Rey 3:1

Chupan k'a ri juna' waqxaqlajuj chire ri q'atbel-tzij richin ri Josafat rey richin Judá, jari' toq xuchop niq'aton-tzij ri Joram, ruk'ajol ri Acab; y xuq'et-tzij kablajuj juna' pa ruwi' ri ruwach'ulew Israel ri chiri' pa tinamit Samaria.

1 Rey 22:50

Xken k'a ri Josafat y xmuq pa rutinamit kan ri David; y pa ruk'exel rija' xk'oje' kan ri ruk'ajol rubini'an Joram.

1 Rey 22:44

Y ri Josafat xuben jun jikibel-tzij richin uxlanibel-k'u'x rik'in ri rey richin Israel.

1 Rey 22:42

Ri Josafat juwineq wolajuj k'a rujuna' toq xok kan rey, y juwineq wo'o' k'a juna' xq'aton-tzij pa Jerusalem. Ri rute' rubini'an Azubá rumi'al ri Silhí.

1 Rey 22:51

Toq ri Josafat k'a k'es na, y chupan ri juna' wuqlajuj richin ri ruq'atbal-tzij pa ruwi' ri Judá, jari' toq xok kan rey ri Ocozías ruk'ajol ri Acab, ri chiri' pan Israel pa tinamit Samaria. Y xa ka'i' k'a juna' xuq'et-tzij pa ruwi' ri Israel.

2 Rey 8:25

Toq ri Joram ruk'ajol ri Acab k'a k'es na, y chupan ri juna' kablajuj richin ri ruq'atbal-tzij pa ruwi' ri ruwach'ulew Israel, jari' toq xok kan rey ri Ocozías ruk'ajol kan ri Joram rey richin Judá chiri' pa Jerusalem.

2 Rey 11:2

Jak'a ri Joseba, rumi'al kan ri rey Joram y rana' kan ri Ocozías xanimej y pan ewel xrelesaj-el ri Joás ri ruk'ajol kan ri Ocozías richin chi man xkamisex ta. Xrewaj k'a ri Joás y ri raj-ik' chuwech ri Atalía, y xeruya' pa jun jay ri k'o chiri' pa rachoch ri Dios, akuchi niban-wi waran. Kere' k'a xuben chike richin chi man xekamisex ta.

2 Crón 22:1

Ri winaqi' aj-Jerusalem xkikusaj kan rey ri Ocozías ri más chaq'laxel, roma ri e nimalaxela' xa xekamisex koma jun tzobaj e itzel taq achi'a' ri junan e peteneq kik'in ri aj-Arabia.