2 Rey 8:13 - Kaqchiquel Bible

¹³ Y ri Hazael xubij: Yin xa man jun ok wejqalen; xa in achi'el jun tz'i' ri man jun rejqalen richin chi ninben ri xabij, xcha'. Jak'a ri Eliseo xubij: Ri Jehová xuq'alajirisaj yan chinuwech chi rat xkatok rey richin Siria, xcha'.

2 Rey 8:13 ပူးပေါင်းရင်းမြစ်များ

1 Sam 17:43

Y xubij k'a: ¿In tz'i' kami yin richin ak'amon-pe jun che' chuwij?, xcha'. Y pa kibi' ri ru-dios, xroyoj itzel pa ruwi' ri David.

1 Rey 19:15

Y ri Jehová xubij chire ri Elías: Katzolej y tachapa-el ri bey richin ri tz'iran ruwach'ulew ri nibe pa tinamit Damasco. Y toq xkatapon, naqasaj aceite pa ruwi' ri Hazael richin nok kan rey richin ri Siria.

2 Sam 9:8

Y ri Mefi-bóset xulukuba' chik qa ri' y xubij: ¿In achike ta k'a yin richin najoyowaj nuwech ri xa in achi'el jun kamineq tz'i'?, xcha'.

San Mateo 7:6

Ronojel ri e jachon chik chuwech ri Dios, man ke'iya' chike ri tz'i', roma rije' xa xkepe chiwij rix. Y man tiya' chike ri aq, ri k'o janila rejqalen, roma xa xtikibech chi'aqen.

Wuj Richin ri Miqueas 2:1

Kan toq'ex k'a kiwech ri winaqi' ri nikich'ob achike etzelal nibekibana'. Rije' ja ri chi'aq'a' nikich'ob itzel taq banobel, y kan xaxe k'a niseqer-el kan jari' nibekibana' ri etzelal ri xkich'ob rij. Rije' kan yetikir k'a nikiben roma kan k'o uchuq'a' pa kiq'a'.

Wuj Richin Bix Chire ri Dios 22:20

Takolo' ri wánima chuwech ri kamik. Chuwech ri kuchuq'a' ri itzel taq tz'i', takolo' ri nuk'aslen.

Wuj Richin Bix Chire ri Dios 22:16

Ri e banoy taq etzelal e yakatajineq chuwij, achi'el jun tzobaj tz'i' ri janila e k'a'el. Kan kisutin k'a wij richin nikiwech' ri nuq'a' y ri waqen.

2 Rey 8:10

K'ari' ri Eliseo xubij chire: Tabij chire ri Ben-hadad chi ri yabil ri chapayon man richin ta kamik, kacha' chire. Jak'a ri Jehová xuq'alajirisaj yan chinuwech chi rija' k'o chi nibeken, xcha'.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

Filipenses 3:2

Kan tichajij k'a iwi' chikiwech ri nuwinaq ri xaxe nokibana' itzel taq banobel. Yin ninch'ob chi rije' achi'el ri e itzel taq tz'i'. Rije' nikibij chi richin nikolotej jun wineq, kan nik'atzin chi niqupix richin jun retal chi niq'alajin chi richin ri Dios.*f3*

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

2 Rey 13:22

Ri Hazael rey richin Siria kan xeruya' k'a pa poqon ri aj-Israel janipe' xq'aton-tzij ri Joacaz.