2 Rey 8:1 - Kaqchiquel Bible

¹ K'o k'a jun q'ij chi ri Eliseo xubij chire ri ixoq aj-Sunem ri xuk'asba' ti ral chi tibe y keruk'uaj-el ri ek'o pa rachoch richin yebek'oje' ri akuchi más utz, roma ri Jehová xuteq-pe jun wayjal pa ruwi' ri ruwach'ulew richin wuqu' juna'.

2 Rey 8:1 ပူးပေါင်းရင်းမြစ်များ

Wuj Richin ri Hageo 1:11

Y xinben chi man niwachin ta chik ri k'echelaj, ri juyu', ri itiko'n, ri juwi-uva, ri olivo y ronojel ri nuya' pe ri ruwach'ulew. Y chuqa' man xkixk'iyer ta chik rix, ni ta ri iwawej man xkek'iyer ta chik. Y ronojel ri itiko'n man xtel ta chik pe, nicha' ri Jehová, xcha' ri Hageo.

Wuj Richin Bix Chire ri Dios 105:16

Ri Dios xuben k'a chi xpe wayjal pa ruwi' ri ruwach'ulew Canaán, Xrelesaj k'a ri wey y ronojel ri achoq ik'in nikilij-ki'.

Wuj Richin ri Rut 1:1

Chupan ri ruwach'ulew Israel, toq k'a ja na ri to'onela' ri yeq'aton-tzij, xk'uluwachitej k'a jun nima-wayjal. Y k'o k'a jun achin aj pa tinamit Belén richin ri ruwach'ulew Judá, ri xq'ax-qa pa ruwach'ulew Moab y xbek'oje' chiri' rachibilan ri rixjayil y ri e ka'i' ruk'ajol.

2 Rey 4:18

Y k'o k'a jun q'ij toq ri ak'ual xk'iy yan q'anej y xbe rik'in ri rutata', ri k'o kik'in ri rusamajela' ri yeq'aton pa juyu'.

Wuj Richin ri Rutikeribel 12:10

Y chiri' pa Canaán xpe k'a jun nimalej wayjal, y roma ri' ri Abram xapon pan Egipto y chiri' xbek'oje-wi, rokik niq'ax ri wayjal ri'.

San Lucas 4:25

Yin ninbij chi rix iwetaman ri xbanatej toq man xuben ta job oxi' juna' rik'in nik'aj, pa ruq'ijul ri Elías, q'alajirisey ruch'abel ri Dios. Kan qitzij wi chi janila e k'iy ri ixoqi' e malkani' wawe' pan Israel ri q'ij ri', toq janila wayjal xpe chuwech re qaruwach'ulew.

1 Rey 18:2

K'ari' ri Elías xbe richin niberuk'utu-ri' chuwech ri Acab. Y ri wayjal ri chiri' pa Samaria kan janila k'ayew rubanon.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin ri Chojmirisabelri'il 26:26

Chupan ri q'ij ri' jari' toq man xtinya' ta chik pe iway, jari' toq juba' ok xtik'oje' y roma ri' lajuj ixoqi' xkek'oje' chuchi' jun q'aq' richin nikiben iway. Y toq nikijech, jutaqba' ok nikiya' chiwe y kan man xtinoj ta ipan rik'in.

Hechos 11:28

Y jun k'a chike ri qach'alal ri', ja ri Agabo. Y roma ri Loq'olej Espíritu kan ruya'on-wi ch'abel chire, roma ri' toq xbepa'e-pe chikiwech ri qach'alal, y kan xuq'alajirisaj chi xtipe jun nimalej wayjal pa ruwi' re ruwach'ulew; y ri nimalej wayjal ri' kan xpe na wi ri pa ruq'ijul ri q'atoy-tzij Claudio César.

San Lucas 21:22

Roma toq xtapon k'a ri q'ij richin ri tijoj-poqonal, jari' k'a toq ri tinamit xtuk'ul rutojbalil ronojel ri e rubanalon, y kan xtibanatej k'a achi'el ri tz'ibatel kan chupan ri ruch'abel ri Dios.

San Lucas 21:11

Xkepe nimalej taq silonel pa jalajoj kiwech ruwach'ulew, wayjal y yabil xabakuchi chire re ruwach'ulew. Xtipe k'a jun nimalej xibinri'il roma ri xkebanatej y xketz'etetej meyel taq banobel chikaj.

Wuj Richin ri Jeremías 25:29

Roma yin kan rik'in ri tinamit ri nucha'on, xtintikeriba' ri nabey ruk'ayewal. Kan man xkixkanej ta kan choj keri', roma yin kan xtinteq-pe ruk'ayewal pan iwi' y pa kiwi' konojel ri winaqi' re ek'o chuwech re ruwach'ulew. Kan man xtinkuy ta ri imak. Ja yin Jehová k'iytisanel richin ronojel ri yibin, xkacha' chike.

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

2 Sam 24:13

Y ri Gad xapon rik'in ri David richin xberubij chire ri xubij ri Jehová. Y xubij k'a chire chi tucha' jun chike ri oxi' ruk'ayewal ri xtuya' ri Jehová: Oxi' juna' richin wayjal, oxi' ik' ri k'o chi nanimej chikiwech ri e etzelanel richin, o oxi' q'ij richin yabil ri kan ruk'amon-pe kamik pa kiwi' ri winaqi' israelita. Xubij k'a chire chi tuch'obo' jebel ri nrajo', roma rija' k'o chi niberubij chire ri taqayon-el.

2 Sam 21:1

Rokik ri David niq'aton-tzij, xpe k'a jun wayjal ri xuben oxi' juna'. Y toq ri David xuk'ulubej ri Jehová, ri Jehová xubij chi re wayjal re' xpe pa kiwi' rije' roma ri Saúl y ri e rijatzul e kamisanela'. Roma rije' xa xekikamisaj ri gabaonita.

Wuj Richin ri Rutikeribel 47:4

Roj oj peteneq k'a richin yojok'oje' chupan re ruwach'ulew re', roma chupan ri qaruwach'ulew Canaán xa maneq chik kiway ri qakarne'l. Ri wayjal chiri' janila nim, roma ri' niqak'utuj jun nimalej utzil chawe, qajaw, richin taya' q'ij chiqe richin yojk'oje' chupan ri ruwach'ulew Gosen, xecha'.

Wuj Richin ri Rutikeribel 41:32

Y re ka'i' achik' re xaben, re' kan nel chi tzij chi ri Dios kan xtuben-wi y kan chi'anin yan xtibanatej.

Wuj Richin ri Rutikeribel 41:25

Kan jari' toq ri José xubij chire ri rey: Ri e ka'i' awachik' ri xe'aben, xa jun k'a ri ye'el wi chi tzij. Ri Dios xuk'ut yan chawech ri achike ri nrajo' chi nik'uluwachitej chupan ri q'ij ri e peteneq.

Wuj Richin ri Rutikeribel 26:1

Y chupan k'a ri ruwach'ulew ri' xpe k'a jun nimalej wayjal, achi'el ri nabey wayjal ri xq'ax toq k'a k'es na ri Abraham. Roma ri' ri Isaac xbe pa tinamit Guerar akuchi k'o-wi jun rey rubini'an Abimélec ri k'o pa kiwi' ri aj-Filistea.

Wuj Richin ri Rutikeribel 41:54

Xuchop k'a ri wuqu' juna' wayjal, ri ulew man xwachin ta chik kan achi'el ri rubin ri José chire ri rey. Y ri pa ch'aqa' chik ruwach'ulew kan k'o chuqa' wayjal, jak'a ri pan Egipto kan k'o wey.

2 Rey 4:38

Chirij ronojel re', ri Eliseo xtzolin pa Guilgal, y chiri' janila wayjal k'o. Y ri e q'alajirisey ruch'abel ri Dios e tz'uyul k'a apo rik'in rija'. Ri Eliseo xubij k'a chire ri rusamajel: Taya-qa jun bojo'y nim pa ruwi' q'aq', y tabana' kiq'utun ri e q'alajirisey ruch'abel ri Dios, xcha'.

2 Rey 7:20

Y kan keri' xbanatej: Ri tata'al ri' kan xken k'a roma ri winaqi' xa xeq'ax chirij toq rija' ruchajin ri ruchi' ri tinamit.

2 Rey 8:2

Ri ixoq xuben k'a ri xubij ri Eliseo chire: Xuk'uaj k'a el ri rachijil y ri ral chupan ri kiruwach'ulew ri aj-Filistea; y chiri' xek'oje-wi wuqu' juna'.

2 Rey 4:36

K'ari' ri Eliseo xroyoj ri Guehazí, y xubij chire chi troyoj ri ixoq. Y rija' xroyoj. Y toq ri ixoq xapon chuchi' ri jay, ri Eliseo xubij chire: Ja ti awal re'; tak'uaj-el, xcha'.

Am 4:6

Roma re mak re' yin xinben chiwe richin xq'urul ipan roma wayjal. Chupan ronojel tinamit man xinya' ta chik wey. Man rik'in ri' man xtzolej ta pe ik'u'x wik'in. Yin Jehová ri yibin.