2 Rey 7:9 - Kaqchiquel Bible

⁹ K'ari' xkibij k'a qa chikiwech: Re yojtajin chubanik qayon roj xa man ruk'amon ta; roma wakami q'ij richin utzilej rutzijol roma re xqil. Jak'a wi niqoyobej chi niseqer na pe, xa kan k'o ruk'ayewal xtiqak'uluwachij. Wakami k'a, jo' y qojok-apo pa tinamit richin nibeqaya' ri utzilej rutzijol pa rachoch ri rey, xecha-qa.

2 Rey 7:9 ပူးပေါင်းရင်းမြစ်များ

Wuj Richin ri Isaías 52:7

Kan janila jebel ok toq natz'et jun ya'ol utzilej rutzijol, ri peteneq pa ruwi' taq juyu' richin ri Jerusalem. Xtuk'en-pe ri utzilej rutzijol chi xtik'oje' uxlanibel-k'u'x, chi xtik'oje' kolotajik, y chi ri qa-Dios kan niq'aton chik tzij.

Filipenses 2:4

Tich'obo' ri niqa' chikiwech ri ch'aqa' chik, y man xaxe ta ri niqa' chiwech rix.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri Isaías 41:27

Jak'a yin Jehová ja yin nabey xibin chike ri aj-Sión, chi ri winaqi' ri' xkepe. Yin kan xtinya' chike ri aj-Jerusalem jun ya'ol rutzijol, richin xtuya' chike ri utzilej rutzijol.

2 Rey 7:3

Chiri' chuchi-el ri tinamit ek'o k'a e kaji' achi'a' ri k'o ri yabil chirij ri kich'akul ri kan nutaluj-ri'. Y rije' xkibij-qa chikiwech: ¿Achike roma ojk'o re wawe' y xaxe qoyoben ri qakamik?

Wuj Richin ri Q'axanri'il 32:23

Jak'a wi man xtiben ta keri', tiwetamaj k'a richin xixmakun chuwech ri Jehová y k'o jun q'ij xtiqaqa ri ruk'ayewal pan iwi' roma ri imak.

San Lucas 2:10

Jak'a ri ángel xubij chike: Man tixibij-iwi'. Roma yin nuk'amon-pe jun utzilej rutzijol chiwe, richin janila kikoten chike konojel winaqi';

Wuj Richin Etamabel-Tzij 24:16

Ri wineq ri kan choj, stape' nitzaq wuqu mul rik'in ri ruk'aslen, kan chi'anin niyakatej chik el; y man keri' ta ri wineq itzel, roma toq rija' nitzaq, q'asen nik'oje' kan chiri'.

2 Rey 7:6

roma ri Jehová xuben chike ri aj-Siria chi xkak'axaj chi kan janila carruaje yeq'ajan; keri' chuqa' kaqen ri kiej, y janila aj-labal. Y xkibij k'a qa chikiwech: Wakami ri rey richin Israel xeberuk'ama-pe ri aj-labal hitita y ri aj-Egipto, richin nokibana' oyowal qik'in, xecha-qa.

2 Rey 7:8

Toq ri kaji' achi'a' ri' xe'apon chuchi' ri akuchi xek'oje-wi ri aj-Siria, xe'ok-apo pa jun jay ri banon rik'in tzieq. Chiri' xewa' y xe'uk'ya', y chuqa' xkik'uaj-el saqipueq, q'anapueq y tzieq ri ek'o kan chiri', y xbekewaj kan ronojel. Chirij ri' xe'ok chik chupan jun chik jay, y chiri' k'o chuqa' xkik'uaj-el, y chuqa' xbekewaj kan.

2 Rey 7:10

Xebe k'a, y xesik'in-apo chike ri chajinela' richin ri ruchi' ri tinamit, y xkibij-apo chike: Roj xojbe akuchi ek'o-wi-qa ri aj-Siria, y xqatz'et kan chi man jun chik wineq k'o chiri', ni man jun chik ch'abel xqak'axaj; xaxe chik k'a ri kiej y ri bur ri e ximil kan chiri'. Ri akuchi xek'oje-wi, kan man jun naqon chire, xecha'.

2 Rey 5:4

Toq xrak'axaj ri Naamán, xberutzijoj chire ri rey, y xubij chire ronojel ri xubij ri xten aj-Israel.