2 Rey 7:6 - Kaqchiquel Bible

⁶ roma ri Jehová xuben chike ri aj-Siria chi xkak'axaj chi kan janila carruaje yeq'ajan; keri' chuqa' kaqen ri kiej, y janila aj-labal. Y xkibij k'a qa chikiwech: Wakami ri rey richin Israel xeberuk'ama-pe ri aj-labal hitita y ri aj-Egipto, richin nokibana' oyowal qik'in, xecha-qa.

2 Rey 7:6 ပူးပေါင်းရင်းမြစ်များ

2 Sam 10:6

Y toq ri amonita xkinabej chi ri David janila chik itzel yerutz'et, jari' toq xekitoj e 20,000 aj-labal ri yebe chikaqen ri e aj-Siria ri ek'o pa tinamit Bet-rehob y ri ek'o pa tinamit Sobá. Chuqa' xekitoj-el e 1,000 achi'a' ri e aj-Maacá, y 12,000 achi'a' e aj-Is-tob.

2 Sam 5:24

Y ri Dios xubij k'a chi ri David k'o chi nroyobej k'a toq xtrak'axaj chi achi'el k'o ri nibiyin pa kitum ri che' ri'. K'ari' toq ri David xtijote-el chi'anin chikij, roma jari' xtik'o-el ri Jehová chikiwech richin yerukamisaj ri achi'a' aj-Filistea.

1 Rey 10:29

Toq rije' nikiloq' jun carruaje ri nipe pan Egipto, nikiloq'-pe chi 600 raqen saqipueq, y jun kiej nikiloq'-pe chi 150 raqen saqipueq. Y re' yekiteq chik el richin yekik'ayij chike ri rey hitita y ri aj-Siria.

1 Rey 20:20

Y rije' kan xekikamisaj k'a ri etzelanel kichin, y ri ch'aqa' chik aj-Siria xe'animej k'a y xetzeqelibex-el koma ri aj-Israel. Jak'a ri rey Ben-hadad xanimej-el chirij jun kiej e rachibilan-el ka'i-oxi' aj-labal ri yech'oke' chirij kiej.

2 Rey 19:7

Roma ri Dios kan xtuben chi napon jun itzel rutzijol rik'in ri rey ri', y xa xtitzolin-el pa ruruwach'ulew. Y chiri' ri Dios xtuben chire chi xtikamisex chi espada, xcha' ri Isaías.

2 Rey 7:5

Y toq niq'equmer yan qa xeyakatej-el richin xebe akuchi ek'o-wi-qa ri aj-Siria. Y toq xe'apon chuchi', xkinabej chi xa man jun chik chike ri winaqi' ri' ri k'o ta kan chiri';

Wuj Richin ri Achin Job 15:21

Xa kan ruyon k'a ch'abel richin xibinri'il ri yerak'axaj; toq jebel eleneq chuwech ronojel jari' toq yepe ri eleq'oma' chirij.

Wuj Richin Bix Chire ri Dios 14:5

Re winaqi' re' kan xkek'ark'ot roma xibinri'il, roma ri Jehová kan k'o kik'in ri kikuquban kik'u'x rik'in rija'.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

Wuj Richin ri Isaías 36:9

Yin kan maneq ok wejqalen chikiwech ri ch'aqa' chik aj-raqen aj-Asiria, jak'a rix kan man xkixtikir ta wik'in, stape' ikuquban ik'u'x kik'in ri aj-Egipto, kik'in ri ki-carruaje y ri kikiej.

Wuj Richin ri Jeremías 46:21

Ri aj-labal ri kan e rutojon richin nikiben oyowal, xa kan e achi'el wákix ri janila e ti'ojirisan. Y ri achi'a' ri' kan junanin k'a xke'animej-el roma man xketikir ta xtikikoch' ri ruk'ayewal toq xtapon ri q'ij richin ri rutojbalil.

Ez 1:24

Xinwak'axaj k'a chi ri kixik' kan janila niq'ajan toq yexik'an pa kaq'iq'. Kan yewajin achi'el niwajin jun raqen-ya'. Kan nak'axatej achi'el xa ta ri ruch'abel ri Dios ri k'o ronojel uchuq'a' pa ruq'a', y chuqa' achi'el xa ta e janila e k'iy winaqi' ek'o. Y toq man xexik'an ta chik xkiqasaj-qa ri kixik'.

Ez 10:5

Ri kixik' ri querubín kan niq'ajan y kan nak'axatej k'a ri jun chik ruwa-jay. Y nawak'axaj chi kan achi'el ja ta ri Jehová nich'on-pe.

Apocalipsis 9:9

Ri ruwa-kik'u'x kan achi'el ch'ich', ri kixik' kan janila k'a niq'ajan, achi'el yeq'ajan e k'iy karruaje ri e qiriren koma kiej richin yebe pa labal.

Wuj Kichin ri To'onela' 7:21

Y konojel ri israelita jun xek'oje-wi chiri' akuchi e ya'on-wi y kisutin-rij ri akuchi ek'o-wi-qa ri aj-Madián; y toq ri aj-Madián xkak'axaj y xkitz'et ri', jari' toq xe'animej-el y nikireq kichi' xebe.

1 Sam 14:15

Y xpe k'a jun nimalej xibinri'il chike konojel ri achi'a' aj-Filistea ri ek'o chiri', ri ek'o pa juyu', ri chajinela' y konojel ri e beneq pan eleq'. Chuqa' kan xuben k'a jun nimalej silonel chiri'. Y ronojel re' kan ja ri Dios ri xtaqon-pe pa kiwi' rije'.

1 Sam 26:6

Ri David xuk'utuj chire ri Ahimélec hitita y chire ri Abisai rach'alal ri Joab, y xubij: ¿Achike nrajo' nibe chuwij rik'in ri Saúl chiri' akuchi ek'o-wi-qa?, xcha'. Y ri Abisai xubij chi ja rija' nibe chirij.