2 Rey 7:4 - Kaqchiquel Bible

⁴ Wi ta roj niqatej qaq'ij richin chi yojok-apo pa tinamit, xa xqojken chiri' roma wayjal. Y wi ta yojkanej kan wawe', chuqa' xa xqojken. Wakami k'a, jo' y qojq'ax-apo akuchi ek'o-wi-qa ri aj-labal ri aj-Siria. Wi rije' nikijoyowaj qawech, man xqojkikamisaj ta; y wi man keri' ta, kan xqojken k'ari', xecha'.

2 Rey 7:4 ပူးပေါင်းရင်းမြစ်များ

Wuj Richin ri Jeremías 14:18

Wi yibe pa juyu', yentz'et ri xeken kan pan oyowal. Toq yinok-apo chupan ri tinamit, yentz'et winaqi' ri yeken yan qa roma wayjal. Chuqa' ri nikibananej chi e q'alajirisey ruch'abel ri Dios y ri e sacerdote chaq k'ate' xe'uk'uex-el pa jun chik ruwach'ulew ri man ketaman ta, xicha' chike.

Wuj Richin ri Jonás 3:9

Rik'in juba' rik'in re' ri Dios xqojrukuy, y xtiqaqa ruwi' ri royowal pa qawi' y man xqojken ta, xecha'.

Wuj Richin ri Jeremías 8:14

Y chupan ri q'ij ri', rix xtibij: ¿Achike roma xojk'oje' kan wawe'? Tiqamolo-qi' qonojel richin yojok chupan ri qatinamit ri e sutin-kij rik'in tz'aq, richin niqoyobej ri qakamik, roma kan ja ri Jehová ri qa-Dios ri nibanon chiqe richin yojken y re' kan janila k'ey roma xa xojmakun chuwech rija'.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

2 Sam 14:14

Kan qitzij wi chi qonojel k'o chi yojken, roma roj xa oj achi'el ya' ri nitix pan ulew, ri xa nichaqi'j-qa. Jak'a ri Dios man nrajo' ta nrelesaj ruk'aslen jun wineq. Xa kan nukanoj rubanik richin nitzolej jun ri animajineq-el richin nik'oje' chik kik'in ri rach'alal.

Hebreos 9:27

Y achi'el k'a chi qonojel roj winaqi' ya'on pa qawi' chi xaxe jun bey yojken, y k'ari' xtiq'at-tzij pa qawi',

1 Crón 12:19

Chuqa' jun ka'i-oxi' chike ri e rijatzul kan ri Manasés xkich'er-ki' rik'in ri Saúl, y xjunamatej-kiwech rik'in ri David. Re' xbanatej toq ri David k'o pa kiruwach'ulew ri aj-Filistea y kan xe'el k'a el junan richin nibekibana' oyowal rik'in ri Saúl. Jak'a ri aj-raqen kichin ri aj-Filistea xa man xkajo' ta richin xeto'ox, y xkiteq-el ri David y xkibij-qa chikiwech: Rija' xa xtuto' ri Saúl ri rajaw, y xqojrujech pa ruq'a', xecha-qa.

2 Rey 6:24

Chirij k'a ronojel re' ri Ben-hadad rey richin Siria, xerumol ri aj-labal, y xejote-el y xkisutij-rij ri tinamit Samaria.

2 Rey 7:5

Y toq niq'equmer yan qa xeyakatej-el richin xebe akuchi ek'o-wi-qa ri aj-Siria. Y toq xe'apon chuchi', xkinabej chi xa man jun chik chike ri winaqi' ri' ri k'o ta kan chiri';