2 Rey 7:13 - Kaqchiquel Bible

¹³ K'ari' jun chike ri aj-raqen xubij: Keqataqa' na k'a el wo'o' achi'a' ri yech'oke' chirij kiej, re k'a ek'o kan wawe' pa tinamit. Wi yek'ase' o yeken kan, xa junan nikiben qik'in qonojel re ojk'o wawe'. Keqataqa' k'a el richin niqatz'et ri achike k'o, xcha'.

2 Rey 7:13 ပူးပေါင်းရင်းမြစ်များ

Wuj Richin ri K'uxla'anik 4:9

Kan más wi k'a utz ruwa-kiq'ij ri xeken chi espada chuwech ri xeken roma wayjal. Rije' xa kan eqal-eqal na k'a xpe ri kikamik, roma man jun chik k'o kik'in richin nikitej.

Wuj Richin ri Jeremías 14:18

Wi yibe pa juyu', yentz'et ri xeken kan pan oyowal. Toq yinok-apo chupan ri tinamit, yentz'et winaqi' ri yeken yan qa roma wayjal. Chuqa' ri nikibananej chi e q'alajirisey ruch'abel ri Dios y ri e sacerdote chaq k'ate' xe'uk'uex-el pa jun chik ruwach'ulew ri man ketaman ta, xicha' chike.

2 Rey 7:4

Wi ta roj niqatej qaq'ij richin chi yojok-apo pa tinamit, xa xqojken chiri' roma wayjal. Y wi ta yojkanej kan wawe', chuqa' xa xqojken. Wakami k'a, jo' y qojq'ax-apo akuchi ek'o-wi-qa ri aj-labal ri aj-Siria. Wi rije' nikijoyowaj qawech, man xqojkikamisaj ta; y wi man keri' ta, kan xqojken k'ari', xecha'.

2 Rey 6:33

K'a nich'on k'a ri Eliseo kik'in ri achi'a' ri k'o kiq'ij, toq xapon ri achin ri taqon-el, y ri achin ri' xubij: Wi kan ja ri Jehová taqayon-pe re jun ruk'ayewal re' pa qawi', ¿achike chik k'a xtinwoyobej yin richin ta ri Jehová nuchojmirisaj?, xcha'.

2 Rey 5:13

Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

2 Rey 7:12

Y ri rey xyakatej k'a q'anej ri aq'a' ri', y xubij chike ri aj-raqen pa kiwi' ri aj-labal: Yin xtinq'alajirisaj chiwe ri achike nikajo' nikiben ri aj-Siria chiqe; Rije' ketaman chi yojnum; y roma ri' xe'el-el chiri' ri akuchi ek'o-wi-qa, y xbekewaj-ki' pa juyu'. Y xkibij-qa chi toq oj eleneq chik el chupan ri tinamit, xqojkichop keri' oj k'es, y xke'ok-pe chupan ri tinamit, xcha' ri rey.

2 Rey 7:14

Xetaq k'a el achi'a' chupan ka'i' carruaje rik'in kiej akuchi ek'o-wi-qa ri aj-Siria. Y ri rey xubij-el chike ri achi'a' ri' chi tibekitz'eta' ri achike xbanatej.