2 Rey 7:1 - Kaqchiquel Bible

¹ K'ari' ri Eliseo xubij: Tiwak'axaj ri ruch'abel ri Jehová: Rija' nubij chi ke taq wa chua'q, xtibek'ayix ri lajuj libra k'ej chayun chi nik'aj onza saqipueq, y ri juwineq libra cebada xtibek'ayix chi nik'aj onza saqipueq; y re' kan ja re wawe' chuchi' ri tinamit Samaria xtibanatej-wi, xcha'.

2 Rey 7:1 ပူးပေါင်းရင်းမြစ်များ

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.

2 Rey 20:16

K'ari' ri Isaías xubij chire: Tawak'axaj k'a ri ruch'abel ri Jehová:

2 Rey 4:42

K'o k'a jun q'ij xapon rik'in ri Eliseo jun achin aj-Baal-salisá; y re achin re' ruk'uan-apo chire ri Eliseo juwineq kaxlan-wey ri banon rik'in ri nabey taq ruwech cebada, y chuqa' kan ruk'uan k'a apo juba' trigo ri k'a k'o pa rij. Y ri Eliseo xubij chire ri rusamajel chi tuya' ri kaxlan-wey ri' chikiwech ri winaqi' richin yewa'.

2 Rey 6:25

Roma ri' chupan ri tinamit ri' xpe k'a jun nimalej wayjal. Kan janila k'a ruk'ayewal ri xk'oje' chupan ri tinamit ri', y roma ri' ri jun rujolon bur nik'ayix chi ka'i' libra saqipueq y jun moq' rukis paloma*f2* nik'ayix chi ka'i' onza saqipueq.

2 Rey 6:33

K'a nich'on k'a ri Eliseo kik'in ri achi'a' ri k'o kiq'ij, toq xapon ri achin ri taqon-el, y ri achin ri' xubij: Wi kan ja ri Jehová taqayon-pe re jun ruk'ayewal re' pa qawi', ¿achike chik k'a xtinwoyobej yin richin ta ri Jehová nuchojmirisaj?, xcha'.

2 Rey 7:16

Chirij ri' konojel ri winaqi' xe'el-el pa tinamit, y xbekik'ama' k'a pe ronojel ri xkimalij kan ri aj-Siria. Chupan ri q'ij ri', kan xbanatej k'a achi'el ri xubij ri Jehová: Roma kan xk'ayix k'a ri lajuj libra k'ej chayun chi nik'aj onza saqipueq, y ri juwineq libra cebada xk'ayix chi nik'aj onza saqipueq.

Wuj Richin Bix Chire ri Dios 46:5

Roma chiri' k'o-wi ri Dios, kan man jun xtitikir xtisilon. Ja ri Dios nichajin richin, toq niseqer-pe.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Ex 16:12

Yin xinwak'axaj k'a ronojel ri xkixebexa' ri awinaq. Wakami k'a xtabij chike chi toq xtiqaq'ij-qa, rije' xtikitej ti'ij y toq xtiseqer xtikitej aj-chikajil-wey y man jun ri xtinum ta. Y rik'in ri' xtikitz'et k'a chi ja yin Jehová ri i-Dios, xcha'.

Ex 8:23

Yin kan xtinya' k'a rukojol rik'in ri nutinamit yin y ri atinamit rat; y re nimalej nubanobal richin retal, ja yan ri chua'q xtibanatej, xkacha' chire ri rey, xcha' ri Dios.

Wuj Richin ri Isaías 1:10

Tiwak'axaj k'a ri nuch'abel rix ri ix tata'al, ri kan ix achi'el chik ri aj-Sodoma. Chuqa' rix ri kan ix achi'el chik ri aj-Gomorra, kan tiwak'axaj k'a ri nupixa'.

Ez 37:4

K'ari' ri Jehová xubij chuwe: Kach'on kik'in re baq re' y taya' re jun rutzijol re' chike: Rix ri ix chaqi'j taq baq, tiwak'axaj ri nuch'abel yin Jehová.

San Juan 6:9

Wawe' k'o jun ala' ri k'o wo'o' kaxlan-wey rik'in, ri banon rik'in cebada; chuqa' ka'i' taq ker e ruk'amon-pe, ¿xaxe ta k'a ok re' ri xtiqaya-apo chikiwech konojel re winaqi' re'?, xcha' ri Andrés.

Wuj Richin ri Josúe 3:5

K'ari' ri Josué xubij chire ri tinamit: Tich'ajch'ojirisaj-iwi', roma chua'q ri Jehová xtuben meyel taq banobel chiqakojol roj, xcha'.

Apocalipsis 6:6

Y xinwak'axaj k'a chi chikikojol ri e kaji' ri k'o kik'aslen k'o jun ri nich'on-pe y nubij: Xaxe ka'i' libra trigo chuwech ri rajel jun q'ij samaj. Xaxe waqi' libra cebada chuwech ri rajel jun q'ij samaj. Jak'a ri aceite oliwo y ri vino man jun taben chire, nicha'.

1 Sam 11:9

Y ri Saúl xubij k'a el chike ri e uk'uey rutzijol chi tikibij chike ri aj-Jabés richin ri Galaad chi ri chua'q pa nik'aj q'ij, xkekolotej. Y xebe ri e uk'uayon rutzijol y xbekibij chike ri aj-Jabés ri xbix-el chike, y rije' janila xekikot.

1 Sam 15:1

K'o k'a jun q'ij ri Samuel xubij chire ri Saúl: Ja yin ri xiruteq ri Jehová richin xinqasaj aceite pan awi' richin xatok rey pa ruwi' ri tinamit Israel. Wakami k'a, kan tawak'axaj ri ruch'abel ri Jehová ri nrajo' nubij chawe.