2 Rey 6:9 - Kaqchiquel Bible

⁹ Jak'a ri Eliseo, ri q'alajirisey ruch'abel ri Dios, xa xuteq rubixik chire ri rey richin Israel y xubij: Man kixq'ax kere', roma ri aj-labal aj-Siria ke taq re' ek'o-wi, xcha-el.

2 Rey 6:9 ပူးပေါင်းရင်းမြစ်များ

1 Rey 20:13

Jari' toq jun q'alajirisey ruch'abel ri Dios xch'on rik'in ri Acab y xubij chire: Kere' rubin-pe ri Jehová: Stape' rat ye'atz'et e janila chi etzelanel awichin, jak'a yin xkenjech pan aq'a' re wakami. Xtinben kere' richin nawetamaj chi ja yin Jehová, nicha' ri Jehová, xcha' chire.

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

2 Rey 4:27

Toq xe'apon chiri' pa juyu' Carmelo, ri ixoq xxuke-qa y xuq'etej ri raqen ri Eliseo. Y ri Guehazí xjel-apo richin nrelesaj-pe chiri' ri ixoq, jak'a ri Eliseo xubij chire: Taya' kan, roma rija' kan niq'axon ránima, y ri Jehová man ruq'alajirisan ta chinuwech achike roma kela' rubanon, xcha'.

2 Rey 4:7

Ri ixoq xberutzijoj k'a chire ri Eliseo, y ri Eliseo xubij chire: Kabiyin y tak'ayij ri aceite richin natoj ri k'as. Rat y ri e ka'i' awal xtiq'axaj iwi' rik'in ri aceite ri xkolotej kan, xcha'.

2 Rey 6:10

Roma ri' ri rey richin Israel xuteq-el rutzijol chiri' ri akuchi xubij-wi ri Eliseo. Ronojel mul toq keri' nikiben ri aj-Siria, ri Eliseo kan nuteq rubixik chire ri rey richin Israel richin xuchajij-ri'.

2 Rey 6:12

K'ari' jun chike rije' xubij chi man ja ta rije' ri ye'elesan rutzijol, xa kan ja ri Eliseo ri q'alajirisey ruch'abel ri Dios ri nitaqon rutzijol chire ri rey richin Israel, y kan nubij-el ronojel ri nubij ri rey aj-Siria pan ewel.

2 Rey 6:8

Ri rey richin Siria kan jantape' k'a nikiben labal kik'in ri israelita. Y k'o k'a jun q'ij re rey re' xeruk'ulubej ri aj-raqen pa kiwi' ri aj-labal y xubij chike ri akuchi yek'oje-wi-qa ri aq'a' ri'.

Wuj Richin ri Achin Job 5:12

Rija' nuyoj ri kinojin nikiben ri itzel taq achi'a', nuben chike chi man jun yetikir nikiben chire ri kich'obon.

Wuj Richin Bix Chire ri Dios 33:10

Ri Jehová kan nuben chi man jun rejqalen ri kich'obonik ri ajawaren. Rija' nuben chi nibe pa xulan ri kich'obonik ri winaqi' ri man nikitzeqelibej ta rija'.

Wuj Richin Etamabel-Tzij 22:12

Kan pa ruwech k'a ri Jehová ek'o-wi ri winaqi' aj-na'oj, richin chi yeruchajij; y kan pa ruwech chuqa' rija' ek'o-wi ri kan e nowineq chubanik ri etzelal, richin chi nuyoj ri nikajo' nikiben.

Wuj Richin ri Jeremías 11:18

Chirij k'a ronojel re', ri Jehová xuya' rutzijol chuwe chi ri e etzelanel wichin k'o ri itzel nikich'ob chuwij y chuqa' xubij chuwe ri achike nibekibana'.

Am 3:7

Toq k'o ninwajo' ninben, ronojel mul ninq'alajirisaj chike ri e q'alajirisey nuch'abel.

Apocalipsis 1:1

Jare' ri xuq'alajirisaj ri Dios chuwech ri Jesucristo, pa ruwi' ri xkebek'uluwachitej yan, richin chi tuq'alajirisaj chikiwech ri rusamajela'. Roma ri' ri Jesucristo xuteq k'a jun ángel rik'in ri Juan ri rusamajel, richin chi xuq'alajirisaj chuwech ronojel ri'.