2 Rey 6:8 - Kaqchiquel Bible

⁸ Ri rey richin Siria kan jantape' k'a nikiben labal kik'in ri israelita. Y k'o k'a jun q'ij re rey re' xeruk'ulubej ri aj-raqen pa kiwi' ri aj-labal y xubij chike ri akuchi yek'oje-wi-qa ri aq'a' ri'.

2 Rey 6:8 ပူးပေါင်းရင်းမြစ်များ

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin Etamabel-Tzij 20:18

Kan tak'utuj k'a ana'oj chike ri winaqi', richin chi ronojel utz ye'el chawech; kan jebel k'a runuk'ik tabana' chire ri ach'obonik, k'ari' tanima-awi' ri pa labal chirij jun tinamit.

2 Rey 6:24

Chirij k'a ronojel re' ri Ben-hadad rey richin Siria, xerumol ri aj-labal, y xejote-el y xkisutij-rij ri tinamit Samaria.

1 Rey 22:31

Ri rey richin Siria kan rubin wi k'a el chike ri e juwineq kablajuj aj-raqen ri ye'uk'uan ri carruaje chi man nikiben ta oyowal kik'in xabachike; xa kan xaxe rik'in ri rey richin Israel.

1 Rey 20:34

Jari' toq ri Ben-hadad xubij chire ri Acab chi xkerutzolij ri tinamit ri e rumajon kan ri rutata' rija' chire ri rutata' ri Acab. Y ri Ben-hadad xuya' q'ij chire ri Acab chi kerubana' jay richin k'ayij pa tinamit Damasco achi'el xuben ri rutata' rija' ri chiri' pa Samaria. Y ri Acab xubij chire chi wi keri', rija' kan xtuya' k'a el q'ij chire richin nitzolej pa Damasco. Y keri' ri Acab xuben k'a jun jikibel-tzij rik'in ri Ben-hadad, y xuya-el q'ij chire richin xbe.

1 Rey 20:23

Y chiri' pa ruwach'ulew Siria, ri e aj-samaj richin ri rey Ben-hadad xkibij chire chi ri ki-Dios ri aj-Israel e dios richin juyu', y jari' ri xbanon chi rije' más kuchuq'a' chikiwech ri winaqi' richin Siria. Jak'a wi ri aj-Siria nikiben ta oyowal kik'in ri aj-Israel pa jun taq'aj, kan jujik-wi chi ja ri aj-Siria ri xkech'akon.

1 Rey 20:1

K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

2 Rey 6:7

K'ari' ri Eliseo xubij chi tuk'ama-apo, y ri q'alajirisey ruch'abel ri Dios xuk'en-apo.

2 Rey 6:9

Jak'a ri Eliseo, ri q'alajirisey ruch'abel ri Dios, xa xuteq rubixik chire ri rey richin Israel y xubij: Man kixq'ax kere', roma ri aj-labal aj-Siria ke taq re' ek'o-wi, xcha-el.

1 Rey 22:1

Oxi' k'a juna' xik'o ri man jun labal ri nikiben ri aj-Siria kik'in ri israelita.