2 Rey 6:5 - Kaqchiquel Bible

⁵ Y jun k'a chike rije', toq najin nroqij ri che', chaq k'ate' xtzaq-el ri ruwi' ri ikej chuwech, y xapon k'a pa ya'. Y xsik'in y xubij chire ri Eliseo: Wajaw yin, re ruwi' re ikej xtz'oqotz'o-el, y xa nuqajon-pe, xcha'.

2 Rey 6:5 ပူးပေါင်းရင်းမြစ်များ

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Wuj Richin ri Molojri'il 10:10

Y wi ri ikej nik'is rey y kan man niban ta chik, xa nrajo' más uchuq'a' richin nukusex, roma t'est'ik pa rey. Roma ri' más k'a rejqalen toq rik'in na'oj yebanatej ronojel.

Wuj Richin Bix Chire ri Dios 37:21

Ri banoy etzelal k'o ri nuqej, y man nutzolij ta chik; jak'a ri choj ruk'aslen kan k'o joyowanik rik'in y nuya'.

2 Rey 6:15

Ri ruka'n q'ij, nimaq'a' yan, xyakatej ri nilin richin ri Eliseo; y jari' toq xerutz'et ri aj-labal aj-Siria kisutin-rij ri tinamit, kik'uan-el achi'a' ri e ch'okol chikij kiej y ri e beneq pa carruaje. K'ari' ri samajel xubij: ¡Wajaw, wakami achike niqaben!, xcha'.

Apocalipsis 18:19

Xkiyala' ulew pa kijolon, ye'oq' y yebison janila, y rik'in uchuq'a' nikibij: Toq'ex ruwech ri Babilonia. Kan rik'in ri rubeyomel rija' xebeyomer kan konojel rajaw ri nima-barco. Y xa pa jun ti ramaj xk'is ronojel, xecha'.

Apocalipsis 18:16

nikibij: Toq'ex k'a ruwech ri Babilonia, ri kan achi'el jun ixoq ri xuwiq-ri' rik'in jebelej taq tzieq ri e banon rik'in lino, ri keq y q'eQ'oj keq yetzu'un. Xerukusaj chuqa' q'anapueq, perla y ch'aqa' chik kiwech abej ri yalan e jebel.

2 Rey 4:7

Ri ixoq xberutzijoj k'a chire ri Eliseo, y ri Eliseo xubij chire: Kabiyin y tak'ayij ri aceite richin natoj ri k'as. Rat y ri e ka'i' awal xtiq'axaj iwi' rik'in ri aceite ri xkolotej kan, xcha'.

2 Rey 3:10

K'ari' ri Joram xubij: Ri Jehová xa xojruk'en-pe choj oxi' roj richin yojrujech pa kiq'a' ri aj-Moab, xcha'.

Wuj Richin ri Isaías 10:34

Stape' rije' janila e k'iy, achi'el kajlabal ri che' ri ek'o pa k'echelaj, kan yeruk'is-el konojel. Stape' janila e nima'q, achi'el ri tiox-che' ri ek'o pa Líbano, xketzaq pa ruq'a' ri Jehová k'iytisanel richin ronojel.

2 Rey 6:4

Xebe k'a qa, y toq xe'apon pa raqen-ya' Jordán xkichop ruchoyik ri che'.

2 Rey 6:6

Y ri Eliseo xuk'utuj chire akuchi xapon-wi. Y xuk'ut k'a chuwech. K'ari' ri Eliseo xujoq' jun xik'a'y, y xuya-qa akuchi xtzaq-wi-qa ri ruwi' ikej; y kan xberutelej k'a pe ya' ri ruwi' ri ikej ri'.