2 Rey 6:24 - Kaqchiquel Bible

²⁴ Chirij k'a ronojel re' ri Ben-hadad rey richin Siria, xerumol ri aj-labal, y xejote-el y xkisutij-rij ri tinamit Samaria.

2 Rey 6:24 ပူးပေါင်းရင်းမြစ်များ

1 Rey 20:1

K'ari' ri Ben-hadad rey richin Siria, xerumol konojel ri aj-labal, y rija' ek'o k'a e juwineq kablajuj rey ri yeto'on richin, y re rey re' kan ek'o k'a k'iy ki-kiej y k'iy ki-carruaje. Xebe k'a el y xbekisutij-rij ri tinamit Samaria y xkiben k'a oyowal rik'in.

Wuj Richin ri Molojri'il 9:14

Roma k'o k'a jun ko'ol tinamit y kan juba' ok winaqi' ek'o chupan.Y k'o k'a jun nimalej rey xpe richin niben oyowal rik'in, y kan xusutij-rij richin xekiya' pa ruk'ayewal.

2 Rey 17:5

Ri rey richin Asiria xbe-el pan Israel richin xberubana' oyowal y kan xusutij-rij ri Samaria oxi' juna' richin xeruch'ek.

1 Rey 22:31

Ri rey richin Siria kan rubin wi k'a el chike ri e juwineq kablajuj aj-raqen ri ye'uk'uan ri carruaje chi man nikiben ta oyowal kik'in xabachike; xa kan xaxe rik'in ri rey richin Israel.

Deut 28:52

Xtikisutij-rij ri tinamit richin iruwach'ulew y xtikiben oyowal k'a toq xketzaq na qa ri tz'aq ri más e nima'q y nej e jotol chikaj ri achoq ik'in ikuquban-wi-ik'u'x rix. Kan xkekich'ek k'a ronojel ri tinamit ri ek'o chupan ri ruwach'ulew ri xtiberuya' ri Jehová ri qa-Dios chiwe.

2 Rey 25:1

Chupan ri juna' beleje' richin ri q'atbel-tzij richin ri rey Sedequías, chupan ri lajuj q'ij richin ri ik' lajuj, jari' toq ri Nabucodonosor rey richin Babilonia xyakatej chik pe chikij ri aj-Jerusalem, e rachibilan-pe konojel aj-labal. Y rije' xkisutij-rij ri tinamit. Xek'oje-qa chiri' chirij ri tinamit y xekibanala-q'anej tz'aq richin nikito-ki'.

2 Rey 18:9

Chupan ri ruwuq juna' chire ri q'atbel-tzij richin ri Oseas ruk'ajol ri Elá, rey richin Israel, ri Salmanasar rey richin Asiria xyakatej-pe chirij ri tinamit Samaria y xorusutij-rij chi oyowal. Re' xbanatej chupan ri rukaj juna' toq niq'aton-tzij ri Ezequías ri chiri' pa Judá.

2 Rey 7:4

Wi ta roj niqatej qaq'ij richin chi yojok-apo pa tinamit, xa xqojken chiri' roma wayjal. Y wi ta yojkanej kan wawe', chuqa' xa xqojken. Wakami k'a, jo' y qojq'ax-apo akuchi ek'o-wi-qa ri aj-labal ri aj-Siria. Wi rije' nikijoyowaj qawech, man xqojkikamisaj ta; y wi man keri' ta, kan xqojken k'ari', xecha'.

2 Rey 8:7

K'o k'a jun q'ij ri Eliseo xbe pa tinamit Damasco. Chupan k'a ri q'ij ri' ri rey richin Siria ja ri Ben-hadad. Y ri rey ri' kan janila yawa', y xya'ox k'a rutzijol chire chi chiri' xapon ri Eliseo, ri rusamajel ri Dios.

2 Rey 25:3

Chupan ri q'ij beleje' richin ri rukaj ik' chire ri juna' ri', xkichop k'a nikiq'axaj jun nimalej wayjal chupan ri tinamit, y kan maneq chik wey richin nikitej ri winaqi'.

Am 1:4

Roma ri' xtinya' ruq'aq'al ri rachoch ri rey Hazael, y ri q'aq' ri' xtuk'is k'a chuqa' ri jay richin tobel ri richin ri rey Ben-hadad.

2 Rey 6:8

Ri rey richin Siria kan jantape' k'a nikiben labal kik'in ri israelita. Y k'o k'a jun q'ij re rey re' xeruk'ulubej ri aj-raqen pa kiwi' ri aj-labal y xubij chike ri akuchi yek'oje-wi-qa ri aq'a' ri'.