2 Rey 6:17 - Kaqchiquel Bible

¹⁷ K'ari' ri Eliseo xch'on rik'in ri Dios y xubij: Tabana' utzil Jehová, tajaqa' ri runaq'-ruwech ri nusamajel richin yerutz'et ri aj-labal ri ataqon-pe rat, xcha'. K'ari' ri Jehová xuben chire ri samajel richin xjaqatej ri runaq'-ruwech. Y xutz'et k'a chi ri juyu' e nojineq chi aj-labal ri yech'oke' chirij kiej y ri e beneq pa carruaje rik'in q'aq', ri kisutin-rij ri tinamit.

2 Rey 6:17 ပူးပေါင်းရင်းမြစ်များ

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Wuj Richin Bix Chire ri Dios 34:7

Ri ángel richin ri Jehová, kan e ruchajin ri k'o rukiy ri Dios chikiwech, y kan yeruto'.

2 Rey 2:11

Y toq rije' yetzijon e beneq pa bey, chaq k'ate' xok'ulun jun carruaje qiriren-pe koma kiej, y ri kiej y ri carruaje kan pa ruxaq q'aq' k'a e peteneq-wi. Y re' kan xeruch'er k'a ri Elías y ri Eliseo, y ri Elías xuk'uex k'a el chikaj pa jun surkum.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

San Mateo 26:53

¿Rat nach'ob chi yin man yitikir ta ninwoyoj ri nata' y rija' yiruto'? Rija' nitikir yeruteq-pe kablajuj tzobaj ángel chinuto'ik.

Wuj Richin ri Isaías 42:7

Xkatinteq richin chi xtajeq ri runaq' ta kiwech ri man yetzu'un ta, richin xke'awelesaj-el konojel ri ek'o pa cárcel, y xke'akol ri ek'o pa q'equ'm.

Wuj Richin Bix Chire ri Dios 119:18

Tajaqa' k'a ri runaq'-nuwech jebel, richin chi nintz'et ri utzilej taq ch'abel ri ek'o chupan ri apixa'.

Apocalipsis 19:14

Y rija' e rachibilan ri aj-chikajil banoy taq labal, ri kikusan tzieq lino ri kan seq-seq nitzu'un y re' ech'okol-el chikij seq taq kiej.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

Wuj Richin ri Zacarías 1:8

Y jare' ri xk'utumej chinuwech pa jun tokoq'a': Xintz'et k'a chi jun achin ch'okol chirij jun kiej keq rij. Y pa'el k'a pa jun taq'aj kojol juyu', chikikojol q'echa'. Y chirij-el rija' ek'o jun tzobaj kiej. Ek'o keq, ek'o k'aqo'j, y seq kij.

Wuj Richin Bix Chire ri Dios 91:11

Ri Dios kan xkeruteq k'a pe ri ru-ángel chiqanaqaj. Xqojkichajij k'a chijun qak'aslen.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Wuj Richin Bix Chire ri Dios 104:3

Kan xajikiba' ri ruwi' ri awachoch pa ruwi' ri sutz'.*f99* Ri sutz' xe'ok achi'el jun carruaje uk'uey awichin. Rat kan yabiyin pa ruwi' ri kaq'iq'.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

Wuj Richin ri Rutikeribel 21:19

K'ari' ri Dios xuben chire richin xujeq ri runaq'-ruwech ri Agar, y xutz'et jun pozo. K'ari' xbe y xberunojisaj-pe ri tz'um richin ya' y xuya' ruya' ri ala'.

Wuj Richin ri Rutikeribel 32:1

Y ri Jacob xuchop chik k'a el rubey, y jari' toq ek'o ángel ri e taqon-pe roma ri Dios y xkik'ul ri Jacob pa bey.

Wuj Richin Bix Chire ri Dios 104:4

Ri kaq'iq' kan jari' ri e ataqon. Ri koyopa' jari' k'a ri banoy asamaj.

Dn 10:7

Xa kan xaxe k'a chinuwech yin ri xk'utumej-wi ri jun achin ri', y ri achi'a' ri ek'o wik'in man xkitz'et ta. Jak'a kan xpe jun nimalej xibinri'il chikij, y roma ri' xe'animej y xbekewaj-ki'.

Wuj Richin ri Rutikeribel 32:2

Y toq rija' xerutz'et xubij k'a qa pa ránima: Re' jere' ri e banoy oyowal, ri e richin ri Dios, xcha-qa. Y roma ri' ri chiri' ri akuchi xeruk'ul-wi xubij Mahanaim chire, y re' nel chi tzij ri ka'i' tzobaj ri xkik'ul-ki'.

Wuj Richin ri Rutikeribel 32:3

Y ri Jacob jari' toq xuben chi yeruteq k'a el uk'uey rutzijol pa Seir, ri k'o pa ruwach'ulew Edom richin tibekiya' rutzijol chire ri Esaú.

Wuj Richin ri Q'axanri'il 22:31

Y jari' toq ri Jehová xuben chi xjaqatej runaq'-ruwech ri Balaam y xutz'et k'a ri ángel richin ri Jehová pa'el pa nik'aj bey y ruk'uan jun espada pa ruq'a'. Y roma ri' ri Balaam xulukuba-qa-ri' k'a pan ulew, chuwech ri ángel.

Wuj Richin Bix Chire ri Dios 125:2

Achi'el ri tinamit Jerusalem ri sutin-rij rik'in nima'q taq juyu', kan keri' ri Jehová rusutin-kij ri ruwinaq. Kan keri' rubanon re wakami y keri' tibe-q'ij tibe-seq.