2 Rey 6:16 - Kaqchiquel Bible

¹⁶ Y ri Eliseo xubij chire: Man taxibij-awi', roma más e k'iy ri ek'o qik'in roj ke ri ek'o kik'in rije', xcha'.

2 Rey 6:16 ပူးပေါင်းရင်းမြစ်များ

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

Wuj Richin Bix Chire ri Dios 55:18

Rija' kan xtukol ri nuk'aslen, stape' chupan ri oyowal ri yakatajineq chuwij, y stape' kan janila e k'iy ri e yakatajineq chuwij,

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

San Mateo 26:53

¿Rat nach'ob chi yin man yitikir ta ninwoyoj ri nata' y rija' yiruto'? Rija' nitikir yeruteq-pe kablajuj tzobaj ángel chinuto'ik.

Wuj Richin Bix Chire ri Dios 27:3

Stape' jun tzobaj aj-labal xtikisutij-wij richin yinkich'ek, yin man xtinxibij ta wi'. Stape' pa nuwi' yin xtikichop-q'anej oyowal, yin kan kuqul k'a nuk'u'x.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Filipenses 1:28

Chuqa' man k'a tixibij-iwi' chikiwech ri ye'etzelan iwichin, keri' xtibeq'alajin-pe chi rix iwilon chik ri kolotajik. Y rije' xa e richin chik ri tojbel-mak. Y re' kan ja ri Dios ri banayon-pe richin kan keri' xtibanatej.

2 Crón 16:9

Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin Bix Chire ri Dios 3:6

Roma ri' man xinxibij ta wi' chikiwech ri e 10,000 winaqi' ri xkisutij-wij.

Marcos 16:6

Jak'a rija' xubij: Man tixibij-iwi'. Roma yin kan wetaman chi rix nikanoj ri ruch'akul ri Jesús aj-Nazaret, ri xkamisex chuwech ri cruz. Jak'a rija' xk'astej yan el, xa maneq chik wawe'. Titzu' la akuchi xk'oje-wi.

Wuj Richin Bix Chire ri Dios 11:1

Rik'in ri Jehová nukuquban-wi nuk'u'x. ¿Achike roma nibij chuwe: katanimej, kabiyin pa taq juyu' achi'el nuben jun aj-xik' chikop?

Wuj Richin ri Rutikeribel 32:1

Y ri Jacob xuchop chik k'a el rubey, y jari' toq ek'o ángel ri e taqon-pe roma ri Dios y xkik'ul ri Jacob pa bey.

2 Rey 6:15

Ri ruka'n q'ij, nimaq'a' yan, xyakatej ri nilin richin ri Eliseo; y jari' toq xerutz'et ri aj-labal aj-Siria kisutin-rij ri tinamit, kik'uan-el achi'a' ri e ch'okol chikij kiej y ri e beneq pa carruaje. K'ari' ri samajel xubij: ¡Wajaw, wakami achike niqaben!, xcha'.

Wuj Richin ri Josúe 11:6

K'ari' ri Jehová xubij chire ri Josué: Man tak'en kikiy rije', roma ke taq wa' chua'q xenjech yan pan iq'a', y konojel rije' e kaminaqi' chik. Y rix xke'itzak'ila' kan ri paten-iboch' richin ri kaqen ri kikiej, y ri ki-carruaje xke'iporoj kan, xcha'.

Wuj Richin ri Jeremías 39:17

Jak'a yin chupan ri q'ij ri', xkatinkol chuwech ronojel y keri' kan man xkaqaqa ta pa kiq'a' ri achoq chuwech janila naxibij-awi'.