2 Rey 6:10 - Kaqchiquel Bible

¹⁰ Roma ri' ri rey richin Israel xuteq-el rutzijol chiri' ri akuchi xubij-wi ri Eliseo. Ronojel mul toq keri' nikiben ri aj-Siria, ri Eliseo kan nuteq rubixik chire ri rey richin Israel richin xuchajij-ri'.

2 Rey 6:10 ပူးပေါင်းရင်းမြစ်များ

Hebreos 11:7

Chuqa' ri Noé xk'oje' kuqubabel-k'u'x rik'in. Roma ri' toq ri Dios xch'on rik'in pa ruwi' ri man jani nibebanatej, rik'in rukiy ri Dios xuben jun nimalej barco richin xerukol ri e aj pa rachoch. Y rik'in ri' xbeq'alajin-pe chi ri ch'aqa' chik winaqi' man utz ta xkiben, y xq'at-tzij pa kiwi'. Jak'a ri Noé roma kan xukuquba' ruk'u'x, ri Dios xuben chire chi man jun rumak xk'ulun chuwech.

Hechos 27:24

Y ri ángel ri' xubij chuwe: Pablo, man k'a taxibij-awi'. Rat kan k'o k'a chi yatapon na ri pa Roma chuwech ri César. Roma ri' man jun k'a xtak'uluwachij. Y awoma k'a rat, ri Dios xkerukol k'a chuqa' ri e awachibilan-el chupan re jun barco re'. Kan man jun k'a xtiken kan chiwe, xinuche'ex roma ri ángel.

San Mateo 3:7

Y toq rija' xutz'et chi kan e k'iy k'a chike ri achi'a' fariseo y saduceo ri xe'apon chuqa' rik'in, xubij k'a chike: Rix xa ix kijatzul ri q'olonela' taq winaqi'. ¿Achike k'a xbin chiwe richin k'o chi yixaminej chuwech ri ruk'ayewal ri peteneq?

San Mateo 2:12

Jak'a re achi'a' re' kan xq'alajirisex k'a chikiwech ri pa kachik', chi man chik ketzolin pa kibey richin nibekiya' kan rutzijol chire ri Herodes. Y kan keri' wi xkiben, roma toq xetzolin-el pa kiruwach'ulew, xa jun wi chik ri kibey xkik'uaj-el.

Wuj Richin Etamabel-Tzij 27:12

Ri wineq ri kan k'o na'oj rik'in, toq nunabej chi k'o ruk'ayewal peteneq, nukanoj akuchi nuto-ri'; jak'a ri wineq ri xa maneq runa'oj, choj nibe y k'a pa ruk'ayewal nibeqaqa-wi.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

2 Rey 13:14

Toq k'a k'es na ri Joás, rey richin Israel, xberutz'eta' kan juba' ri Eliseo roma janila yawa' y kan niken yan. Y ri Joás kan janila k'a xoq', xuq'etej y xubij chire: Wajaw, ja rat ri más oj ato'on chikiwech ronojel ri carruaje richin oyowal y ri achi'a' ri yech'oke' chirij kiej, xcha'.

2 Rey 5:14

K'ari' xbe ri Naamán, y xuch'ej-ri' wuqu' mul chupan ri raqen ya' Jordán, achi'el xubij-el ri rusamajel ri Dios chire. Y ri ruch'akul xch'ajch'ojir, y kan achi'el ruch'akul jun ak'ual xuben kan.

2 Rey 2:12

Y toq ri Eliseo xutz'et keri', xsik'in y xubij: ¡Nata' yin, nata' yin, ri Jehová kan rubanon k'a chawe chi kan at jun nimalej to'onel y aj-labal richin ri tinamit Israel, xcha'. Y keri' kan man jun bey chik k'a xutz'et ruwech ri Elías. Chirij ri', ri Eliseo xuchop k'a ri rutziaq ri rukusan, y xuretz pa ka'i'.

1 Rey 20:15

Y keri', ri rey Acab xerumol ri to'onela' kichin ri tata'al, y ri kajlabal ek'o k'a e 232 konojel. K'ari' xerumol konojel ri aj-labal, y ri kajlabal ek'o k'a e 7,000 konojel.

2 Rey 6:9

Jak'a ri Eliseo, ri q'alajirisey ruch'abel ri Dios, xa xuteq rubixik chire ri rey richin Israel y xubij: Man kixq'ax kere', roma ri aj-labal aj-Siria ke taq re' ek'o-wi, xcha-el.

2 Rey 6:11

Roma ri' ri rey richin Siria kan xsach k'a ruk'u'x, y xuteq k'a koyoxik ri aj-raqen pa kiwi' ri aj-labal y xubij chike: Tiq'alajirisaj k'a chuwe ri achike chiwe rix ri nelesan-el rutzijol chike ri israelita ri akuchi ojk'o-wi, xcha'.

Wuj Richin ri Jeremías 11:18

Chirij k'a ronojel re', ri Jehová xuya' rutzijol chuwe chi ri e etzelanel wichin k'o ri itzel nikich'ob chuwij y chuqa' xubij chuwe ri achike nibekibana'.