2 Rey 5:7 - Kaqchiquel Bible

⁷ Toq ri rey richin Israel xusik'ij re wuj re', kan xuretz k'a ri rutziaq chirij, y xubij: ¡Yin, man in Dios ta richin ninya' ruk'aslen re achin re', ni richin ninwelesaj ruk'aslen. ¿Achike k'a roma wik'in yin xuteq-pe richin chi nink'ach'ojirisaj-el chire ri ruyabil? Titz'eta' na pe, ri rey richin Siria kere' xuben xaxe roma nrajo' chi niyakatej-pe chiqij, xcha'.

2 Rey 5:7 ပူးပေါင်းရင်းမြစ်များ

1 Sam 2:6

Ri Jehová nrelesaj y nuya' k'aslen, y rija' nuben chi niken ri wineq y nuben chire chi nik'astej-el ri akuchi nimuq-wi.

1 Rey 20:7

K'ari' ri rey Acab xerumol konojel ri achi'a' ri k'o kiq'ij richin chijun ruwach'ulew Israel, y xubij chike: Rix nitz'et chi re achin re' xa kan xaxe k'a ri etzelal ri nrajo' nuben chuwe, stape' yin xinbij yan chire richin yenya' el ri wixjayilal, ri walk'ual y ri nubeyomel chire, xcha' chike.

Wuj Richin ri Rutikeribel 30:2

Ri rachijil janila xyakatej royowal y xubij chire: ¿In Dios yin k'a, richin ninben chawe chi man nik'oje' ta awal?, xcha' ri Jacob.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

San Lucas 11:54

Rije' kan man nikiya' ta k'a kan juba' ri Jesús, k'o ta nikajo' chi nikak'axaj chi rija' k'o ta jun ch'abel ri man ruk'amon ta ri nubij.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Dn 2:11

Roma re nak'utuj chiqe kan yalan-wi k'ayew y kan man jun xtitikir xtiq'alajirisan. Xa kan xaxe k'a ri e dios ri yetikir yeq'alajirisan, jak'a rije' xa man chiqakojol ta roj ek'o-wi, xecha'.

Hechos 14:14

Jak'a toq ri Bernabé y ri Pablo xkinabej ri nikich'ob ri winaqi', rije' xpe bis pa kánima, y roma ri' xkiretzela' ri kitziaq ri kikusan. Kan jari' k'a toq xe'ok rik'in uchuq'a' chikikojol ri winaqi', y nikibila' k'a chike:

San Mateo 26:65

Kan jari' ri Caifás xuretz-qa ri rutziaq chirij roma itzel xrak'axaj, y xubij: Man nik'atzin ta chi noqaqa chik jun richin norubij chiqe chi re Jesús kan aj-mak-wi. Rix, k'ari' niwak'axaj-qa chi'iwonojel chi xuyoq' rubi' ri Dios.

Wuj Richin ri Jeremías 36:24

Y stape' ri Elnatán, ri Delaías y ri Guemarías xkik'utuj utzil chire ri rey chi man tuporoj ri wuj, rija' kan man xunimaj ta kitzij. Y man xkik'en ta k'a rukiy y man xkiretz ta k'a ri kitziaq chikij retal richin yebison, ni ri rey, ni konojel ri aj-raqen ri xkak'axaj ronojel ri xusik'ij ri Baruc.

2 Rey 11:14

Y xutz'et k'a chi ri k'ak'a' rey k'o chunaqaj ri pilar ri kan akuchi nik'oje-wi ri rey. Chuqa' xutz'et chi ri tata'al y ri yeq'ojoman ri trompeta ek'o chunaqaj ri Joás. Y konojel ri winaqi' yekikot y yenimaq'ijun, nikiq'ojomaj ri ki-trompeta. Jari' toq ri Atalía xuretz ri rutziaq y xsik'in y xubij: ¡Xiniq'ol! ¡Xiniq'ol!, xcha'.

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Wuj Richin ri Q'axanri'il 14:6

Y ri Josué ri ruk'ajol ri Nun y ri Caleb ri ruk'ajol ri Jefuné, xkiretz k'a ri kitziaq chikij roma bis.

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

2 Rey 5:6

Y xuk'uaj k'a el ri wuj richin ri rey richin Israel, y ri wuj kere' nubij: Toq xtapon pan aq'a' re jun wuj re', k'ari' xtawetamaj chi yin nutaqon-el chawe re nusamajel rubini'an Naamán, jun chike ri aj-raqen ri ek'o wik'in, richin chi nak'achojirisaj chire ri ruyabil, ncha' ri wuj.

Wuj Richin ri Rutikeribel 50:19

Jak'a ri José xubij chike: Man tixibij-iwi'. Yin man in Dios ta richin ninya' rutojbalil pan iwi'.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.