2 Rey 5:5 - Kaqchiquel Bible

⁵ Y ri rey richin Siria xubij chire ri Naamán: Kabiyin, y yin xtinteq-el jun wuj chire ri rey richin Israel richin xkaruk'ul chi utzil, xcha'. Keri' xbe ri Naamán pa ruwach'ulew Israel, y xuk'uaj-el jubama wuqu' quintal saqipueq, jun quintal rik'in nik'aj q'anapueq y lajuj jal tzieq.

2 Rey 5:5 ပူးပေါင်းရင်းမြစ်များ

Wuj Kichin ri To'onela' 14:12

Y ri Sansón xubij chike ri e juwineq lajuj alaboni' ri': Yin k'o jun ri ninwajo' nink'utuj chiwe, y ninwajo' chi rix nibij chuwe ri nik'ulun-wi. Wi yixtikir nibij chuwe ri achike nel chi tzij rokik najin re wuqu' q'ij nimaq'ij, yin kan xtinya' k'a chiwe chi'ijujunal jujun jal tzieq ri banon rik'in lino y chuqa' jujun jal tzieq richin nimaq'ij.

Santiago 4:13

Y wakami tiwak'axaj k'a rix ri nibij: Wakami o chua'q yojbe pa jun chik tinamit richin yojk'oje' chiri' jun juna', richin yojloq'on y yojk'ayin richin niqach'ek qaméro, yixcha'.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Wuj Richin ri Molojri'il 2:1

Yin kan xinch'ob-qa chi wakami ninya' k'a chire ri wánima ronojel ri nurayij. Y jari' xinben. Jak'a xintz'et chi re' xa q'axel chuqa'.

2 Rey 4:42

K'o k'a jun q'ij xapon rik'in ri Eliseo jun achin aj-Baal-salisá; y re achin re' ruk'uan-apo chire ri Eliseo juwineq kaxlan-wey ri banon rik'in ri nabey taq ruwech cebada, y chuqa' kan ruk'uan k'a apo juba' trigo ri k'a k'o pa rij. Y ri Eliseo xubij chire ri rusamajel chi tuya' ri kaxlan-wey ri' chikiwech ri winaqi' richin yewa'.

1 Rey 22:3

Chupan ri q'ij ri', ri Acab xubij chike ri e aj-samaj richin rija': ¿Iwetaman chi ri Ramot ri k'o pa Galaad kan qichin roj, jak'a roj kan man jun qabanon richin qelesan ta kan pa ruq'a' ri rey richin Siria?, xcha'.

1 Rey 13:7

K'ari' ri rey xubij chire: Jo' chuwij pa wachoch richin yabewa' wik'in, y xtinya' jun sipanik chawe, xcha'.

Wuj Richin ri Q'axanri'il 22:7

Y ri achi'a' aj-Moab y ri aj-Madián xebe k'a y xkik'uaj-el ri tojbel richin ri itzel oyonik ri xtuben ri Balaam. Y toq rije' xe'apon rik'in ri Balaam, xbekibij k'a ri ch'abel ri rubin-el ri Balac.

Wuj Richin ri Rutikeribel 45:22

Y ri José xuya-el jujun jal kitziaq chikijujunal ri rach'alal, jak'a chire ri Benjamín xuya-el wo'o' jal rutziaq y 300 raqen saqipueq.

Wuj Richin ri Rutikeribel 11:7

Wakami k'a, jo-qa y tiqasacha' ri kich'abel, richin chi man niq'ax ta chikiwech ri nikibij, xcha'.

Wuj Richin ri Rutikeribel 11:3

Y k'o k'a jun q'ij xkich'ob y xkitzijola' chikiwech: Tiqabana' taq xan y tiqaporoj pa q'aq', richin niqaben ladrillo, xecha'. Y keri', rije' ladrillo k'a ri xkikusaj pa ruk'exel abej y petróleo k'a xkikusaj richin xok rulo' ri xabachike kisamaj.

2 Rey 5:4

Toq xrak'axaj ri Naamán, xberutzijoj chire ri rey, y xubij chire ronojel ri xubij ri xten aj-Israel.

2 Rey 5:6

Y xuk'uaj k'a el ri wuj richin ri rey richin Israel, y ri wuj kere' nubij: Toq xtapon pan aq'a' re jun wuj re', k'ari' xtawetamaj chi yin nutaqon-el chawe re nusamajel rubini'an Naamán, jun chike ri aj-raqen ri ek'o wik'in, richin chi nak'achojirisaj chire ri ruyabil, ncha' ri wuj.

Wuj Richin Etamabel-Tzij 18:16

Ri sipanik ri nuben jun wineq chire jun chik, kan nuben k'a chire chi nuch'ek-apo ruk'ojlen rik'in; re sipanik re' kan nitikir k'a nuya-apo chikikojol ri k'o nima'q kiq'ij.