2 Rey 5:27 - Kaqchiquel Bible

²⁷ Roma kere' xaben, ri ruyabil ri Naamán xtiq'ax chawij rat y chikij ri awijatzul richin q'asen, xcha' ri Eliseo. Keri' ri Guehazí xel-el chiri' rik'in ri Eliseo, y kan nojineq ri ruch'akul rik'in ri yabil, y kan seq-seq rubanon achi'el ri chuma-tew.

2 Rey 5:27 ပူးပေါင်းရင်းမြစ်များ

Ex 4:6

Chuqa' ri Jehová xubij chire: Taju-apo la aq'a' chuwa-ak'u'x, xcha'. Ri Moisés kan xuju' na wi apo ri ruq'a' chuwa-ruk'u'x, y toq xrelesaj-pe, kan seq-seq rubanon achi'el ri chuma-tew, roma xutz'em jun yabil richin ch'akulaj.

2 Rey 15:5

Jak'a ri Jehová xuya' jun yabil chirij ri rey, ri nutaluj-ri'. Y kan xk'oje' k'a chirij k'a xken na, y roma ri' kan xya'ox k'a pa jun jay ruyon. Y ja ri Jotam ri ruk'ajol ri xk'oje' pa ruwi' ri q'atbel-tzij.

Wuj Richin ri Q'axanri'il 12:10

Ri achi'el sutz' kan jari' xyakatej-el y xuch'er-el-ri' chire ri rachoch rija'. Y jari' toq ri María xutzu-qa ri ruq'a' y xutz'et chi kan achi'el chik nitzu'un ri chuma-tew, keri' ri rubanon. Y toq ri Aarón xutz'et ri yabil ri k'o chirij ri rana',

Os 10:13

Jak'a rix xa kan ja ri etzelal ri itikon-qa. Kan man jun ruchojmilal ri niwachij, kere' nik'uluwachij roma xa xikuquba' ik'u'x kik'in carruaje richin labal y kik'in ri janila chi aj-labal.

2 Rey 5:1

K'o k'a jun achin aj-raqen pa kiwi' ri aj-labal richin ri ruwach'ulew Siria. Y ri achin ri' rubini'an Naamán; rija' janila nim ruq'ij chuwech ri rey richin Siria, y kan ruya'on pa nabey chikiwech ri ch'aqa' chik aj-raqen. Ri Naamán kan maneq xibinri'il chuwech, y kan xukusex k'a roma ri Jehová richin xukol ri Siria. Jak'a rija' xa k'o jun yabil chirij ri kan nutaluj-ri'.

2 Sam 3:29

Y xubij chuqa': Ri Joab y ri e aj pa rachoch kan xtikejqalej k'a re mak re'. Kan jantape' ta k'a xtikiq'axaj yabil, sokotajik ri jantape' xtipujan, ruyabilal ri ch'akulaj, q'ajtajik, kamik rik'in espada o wayjal, xcha'.

Wuj Richin ri Josúe 7:25

Y chiri' ri Josué xubij chire ri Acán: ¿Achike roma xaya' re ruk'ayewal re' pa qawi'? Ri Jehová xtuya' k'a ruk'ayewal pan awi' rat re q'ij re', xcha'. Keri' k'a konojel ri e rijatzul ri Israel xekik'eq chi abej, y toq xekikamisaj yan chi abej, xekiporoj.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

1 Timoteo 6:10

Roma, ri ruxe' ronojel ruwech etzelal ja ri nibe awánima chirij ri méro. Y kan ek'o k'a qach'alal ri xkiya' kan ri Dios roma xbe kan kánima chirij ri méro, y ri' xa k'o q'axo'n xuk'en-pe chike.

Hechos 8:20

Jak'a ri Pedro xubij chire: K'a ta pa q'aq' xkabeqaqa-wi, rachibilan ri améro, roma rat nach'ob chi rik'in ri méro naloq' ri nusipaj ri Dios.

Hechos 5:10

Kan jari' xtzaq-qa ri ixoq ri chiri' chuwech ri Pedro, y xken-qa. Toq xe'oqaqa k'a ri k'ajola' ri xebemuqu kan ri Ananías, jari' toq xkitz'et chi kamineq chuqa' ri rixjayil. Xkik'uaj k'a y xbekimuqu' kan rik'in ri rachijil.

Hechos 5:5

Y ri Ananías kan xaxe k'a xrak'axaj ri ch'abel ri xerubij ri Pedro, xken y xtzaq-qa. Y konojel k'a ri xe'ak'axan ri xbanatej, xpe k'a janila xibinri'il chike.

Wuj Richin ri Chojmirisabelri'il 13:10

richin chi nutz'et achike rubanon ri yabil ri'. Y wi ri sipojik seq rubanon y chuqa' xusaqirisaj yan ri rusumal y kan ch'a'k chik rubanon;

Wuj Richin ri Chojmirisabelri'il 13:25

ri sacerdote k'o chi xtutz'et. Wi ri taq rusumal ri akuchi xk'at-wi e saqirineq-qa, y ri k'atik xa xsoboso-qa, re' jun chike ri itzel taq yabil ri nutaluj-ri'. Jari' toq rija' xtubij chi ri wineq man ch'ajch'oj ta.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.