2 Rey 5:22 - Kaqchiquel Bible

²² Y rija' xubij: Ja' utz. Ri wajaw xiruteq-pe richin nonbij chawe chi wakami yan xe'apon rik'in e ka'i' q'alajirisey ruch'abel ri Dios, ri e peteneq chuwi' taq juyu' richin Efraín. Wakami k'a nuk'utuj utzil chawe chi taya' kan 106 libra saqipueq chike, y ka'i' jal k'ak'a' tzieq, xcha' chire.

2 Rey 5:22 ပူးပေါင်းရင်းမြစ်များ

2 Rey 5:5

Y ri rey richin Siria xubij chire ri Naamán: Kabiyin, y yin xtinteq-el jun wuj chire ri rey richin Israel richin xkaruk'ul chi utzil, xcha'. Keri' xbe ri Naamán pa ruwach'ulew Israel, y xuk'uaj-el jubama wuqu' quintal saqipueq, jun quintal rik'in nik'aj q'anapueq y lajuj jal tzieq.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

Wuj Richin ri Jeremías 9:5

Chikijujunal nikiq'ol-qa-ki' y man jun nibin ri qitzij. Xa kan ruk'ulun chik chike richin xaxe tz'ukun-tzij ri nikiben. Kan janila k'iy mul yemakun chupan ri q'ij y re' kan ruk'amon-pe kosik chike rije'.

Wuj Richin ri Jeremías 9:3

Y ri Jehová nubij: Xa kan beneq ruwech ye'el-pe tz'ukun taq tzij pa kichi' chikij ch'aqa' chik winaqi' achi'el toq yek'aq k'iy ch'ab. Chupan ri ruwach'ulew ri' más tz'ukun taq tzij ri yeban ke chuwech ri qitzij. Pa ruk'exel utz nikiben xa ja ri etzelal ri más nikiben. Kan man nikajo' ta nikibij chi ja yin ri in ki-Dios.

Wuj Richin ri Isaías 59:3

Rix xa xitz'ilobisaj ri iq'a' rik'in kik' kichin winaqi' ri xa man jun kimak. Chuqa' kan itz'ilobisan ri ruwi' taq iq'a' rik'in ri itzel taq ibanobal. Rik'in ri ichi' ye'iben tz'ukun taq tzij, y rik'in ri iwaq' ye'ibij itzel taq ch'abel.

2 Rey 2:3

Y chiri' pa tinamit Betel ek'o k'a ri e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja' wetaman chik. Man jun chik tibij, xcha' chike.

1 Rey 20:39

Y toq ri Acab xq'ax-el keri', ri achin ri q'alajirisey ruch'abel ri Dios, rik'in ruchuq'a' xch'on-apo chire y xubij: Yin ink'o k'a chupan ri oyowal chikikojol ri qawinaq aj-Israel, y k'o jun ri xjel-apo wik'in ri ruchapon-el jun achin, y xubij chuwe: Tachajij re achin re'. Wi xtanimej chawech, kan ja ri ak'aslen rat xtok pa ruk'exel, o xtatoj oxk'al wolajuj libra saqipueq chuwe, xcha' chuwe.

1 Rey 20:35

K'o k'a jun achin kachibil ri jun molaj achi'a' e q'alajirisey ruch'abel ri Dios. Rija' xubij k'a chire ri jun chike ri e rachibil chi tusoko' roma keri' rubin ri Dios. Stape' keri' rubin ri Dios, ri rachibil man xrajo' ta xusok.

1 Rey 13:18

Jak'a ri ti ri'j q'alajirisey ruch'abel ri Dios ri xapon rik'in, xa xutz'uk-tzij chuwech y xubij chire: Yin chuqa' in q'alajirisey ruch'abel ri Dios achi'el rat. K'o k'a jun ángel richin ri Dios ri xch'on wik'in y xubij chuwe chi yatink'uaj-el pa wachoch richin yabewa-yatuk'ya' wik'in, xcha' ri ti ri'j achin.

Wuj Richin ri Josúe 24:33

Chuqa' xken ri Eleazar, ri ruk'ajol kan ri Aarón y xkimuq ri chuwa-juyu', ri ruk'uluman kan ri ruk'ajol ri Eleazar rubini'an Finees, ri k'o chuwi-juyu' richin ri Efraín.

Wuj Kichin ri To'onela' 14:12

Y ri Sansón xubij chike ri e juwineq lajuj alaboni' ri': Yin k'o jun ri ninwajo' nink'utuj chiwe, y ninwajo' chi rix nibij chuwe ri nik'ulun-wi. Wi yixtikir nibij chuwe ri achike nel chi tzij rokik najin re wuqu' q'ij nimaq'ij, yin kan xtinya' k'a chiwe chi'ijujunal jujun jal tzieq ri banon rik'in lino y chuqa' jujun jal tzieq richin nimaq'ij.

2 Rey 4:26

Tabana' utzil kabiyin chi'anin, tabek'ulu', y tabij chire: ¿Utz awech rat? ¿Utz ruwech ri awachijil y ri awal? kacha' chire, xcha'. Y toq ri samajel xubij re ch'abel re', ri ixoq xubij chi ronojel utz.

2 Rey 5:21

K'ari' ri Guehazí xutzeqelibej-el ri Naamán; y ri Naamán toq xutz'et chi ri Guehazí rutzeqeliben-el, xpa'e' y xqaqa-pe chupan ri ru-carruaje, richin xuk'ul-apo; y xuk'utuj chire wi utz beneq ronojel chikiwech.

2 Rey 5:25

Y rija' xok-apo pa jay, y xbe-apo rik'in ri Eliseo. Y ri Eliseo xubij chire: ¿Akuchi at peteneq-wi Guehazí?, xcha'. Y ri Guehazí xubij chi rija' kan man jun akuchi beneq-wi.

2 Rey 2:5

Y chiri' pa tinamit Jericó ek'o k'a jun chik tzobaj e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja, wetaman chik. Man jun chik tibij, xcha'.

2 Rey 2:7

Y e kitzeqeliben k'a e kawineq lajuj chike ri e q'alajirisey ruch'abel ri Dios, y rije' xepa'e' kan nej chike ri Elías y ri Eliseo ri ek'o chunaqaj ri raqen-ya' Jordán.

2 Rey 2:15

Y toq k'o chik chiri', ri tzobaj e q'alajirisey ruch'abel ri Dios ri aj-Jericó, xkibij-qa: Ri Eliseo xk'oje' kan pa ruk'exel ri Elías, xecha'. Y xbekik'ulu' y xexuke-qa chuwech.