2 Rey 5:20 - Kaqchiquel Bible

²⁰ Rokik ri Naamán kichapon-el bey, ri Guehazí, ri rusamajel ri Eliseo, xubij-qa pa ránima: Ri wajaw xuya-el q'ij chire ri Naamán richin xbe. Rija' kan janila k'a chi sipanik ri ruk'amon-pe; jak'a ri wajaw kan man jun rajel xuk'ul kan. Wakami yin kan pa rubi' ri Jehová xtintzeqelibej-el, y xtinbenq'i', y xtink'en kan juba' chire ri sipanik, xcha-qa.

2 Rey 5:20 ပူးပေါင်းရင်းမြစ်များ

2 Rey 4:12

Rija' xroyoj ri rusamajel rubini'an Guehazí, y xubij chire chi troyoj-pe ri ixoq ri rajaw ri jay. Y toq xroyoj ri ixoq, ri ixoq kan chi'anin xapon-q'anej rik'in ri Eliseo.

2 Rey 6:31

Y rija' xubij: Ri Dios kan xtrelesaj k'a ri nujolon, wi yin man xtinwelesaj ta wakami ri rujolon ri Eliseo ri ruk'ajol ri Savat, xcha'.

2 Rey 4:36

K'ari' ri Eliseo xroyoj ri Guehazí, y xubij chire chi troyoj ri ixoq. Y rija' xroyoj. Y toq ri ixoq xapon chuchi' ri jay, ri Eliseo xubij chire: Ja ti awal re'; tak'uaj-el, xcha'.

2 Rey 4:31

K'ari' ri Eliseo xtzolin rik'in ri ixoq. Y ri Guehazí xik'o yan el chikiwech, y xberuya' ri ruch'ame'y ri Eliseo chupalej ri ak'ual. Jak'a ri ak'ual man niq'ajan ta pe, ni man xuna' ta ruwech. Y keri' ri Guehazí xtzolin richin xberuk'ulu' ri Eliseo pa bey, y xubij chire chi ri ak'ual man runa'on ta ruwech.

Tito 1:7

Roma ri uk'uey kichin ri qach'alal, kan rusamajel ri Dios, y roma ri' kan nik'atzin chi ruk'uan ta jun k'aslen utz, richin man jun nilitej chirij. Nik'atzin chi man nunimirisaj ta ri', man chi'anin ta noyower, man niq'aber ta, man nuben ta oyowal, ni man nuben ta ri man utz ta chuch'akik ruméro.

2 Timoteo 4:10

Roma ri Demas xa xirumalij kan y xbe pa tinamit Tesalónica roma xa xbe ránima chirij ri nusuj re ruwach'ulew. Ri Crescente beneq ri pa Galacia. Y ri Tito beneq pa ruwach'ulew Dalmacia.

Ex 20:7

Man chaq tinatala' ri nubi' yin Jehová ri i-Dios chaq keri'. Yin kan man xtinben ta chiwe chi maneq imak wi chaq ninatala' ri nubi' y man niya' ta wejqalen.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

Hechos 5:2

Y chi e ka'i' pan ewel k'a xkiya' chikiwech chi nikik'en kan ch'aqa' chire ri rajel ri ulew, y ri ch'aqa' chik xuk'uaj-el ri Ananías richin xberuya' pa kiq'a' ri e taqon roma ri Cristo y xuben chi jari' chijun ri rajel ri ulew.

San Juan 13:2

Ri Jesús y ri rutijoxela' kichapon wa'in. Jak'a ri Judas ri ruk'ajol ri Simón Iscariote, nisamej chik ri Itzel-Wineq pa ránima, y jari' ri nibin chire chi tujacha' ri Jesús.

San Juan 6:70

Jari' toq ri Jesús xubij: Stape' ja yin ri xicha'on iwichin rix ri ix kablajuj, jak'a kan k'o jun achi'el ri Itzel-Wineq xk'ulun chi'ikojol, xcha'.

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

San Mateo 10:4

ri jun chik Simón jun aj-labal ri yeruto' ri ruwinaq, y ri Judas Iscariote ri xk'ayin richin ri Jesús.

Wuj Richin ri Habacuc 2:9

Kan toq'ex awech rat ri yabeyomer rik'in q'oloj, richin chi yabe pa jotol, y nawewaj-awi' chuwech ri ruk'ayewal.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Wuj Richin Etamabel-Tzij 26:16

Ri wineq q'or, kan nuch'ob chuqa' chi ja rija' ri más aj-na'oj, ke chikiwech e wuqu' achi'a' ri kan rik'in na'oj nikik'uluba' ri ruch'abel jun wineq ri k'o nuk'utuj chike.

Wuj Richin Bix Chire ri Dios 10:3

Kan nikikot k'a rik'in ri rurayibel ri ránima, nikikot chuqa' kik'in ri yebanon etzelal y kan yaretzelaj rat.

1 Sam 14:39

Roma ri Jehová ri nikolon ri qatinamit kan k'es-wi. Y yin kan nuya'on k'a nutzij chuwech rija' chi stape' kan ja ri nuk'ajol Jonatán xmakun, k'o chi niken, xcha'. Y man jun k'a chike ri achi'a' ri' ri k'o ta ri xubij-apo.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

2 Rey 5:16

Jak'a ri Eliseo xubij: Ninya' nutzij chuwech ri Jehová, ri achoq chuwech ink'o-wi, chi kan man jun k'a chire ri ak'amon-pe ri xtink'ul kan chawech, xcha'. Y ri Naamán kan nuk'utuj k'a utzil chire chi tuk'ulu' kan ri sipanik; jak'a ri Eliseo kan man xrajo' ta xuk'ul kan.

2 Rey 5:21

K'ari' ri Guehazí xutzeqelibej-el ri Naamán; y ri Naamán toq xutz'et chi ri Guehazí rutzeqeliben-el, xpa'e' y xqaqa-pe chupan ri ru-carruaje, richin xuk'ul-apo; y xuk'utuj chire wi utz beneq ronojel chikiwech.

2 Rey 8:4

Chupan ri q'ij ri', ri rey richin ri Israel nitzijon rik'in ri Guehazí, ri rusamajel ri Eliseo, y nubij k'a chire chi tutzijoj chire ri meyel taq banobel ri rubanon ri Eliseo.

2 Rey 8:7

K'o k'a jun q'ij ri Eliseo xbe pa tinamit Damasco. Chupan k'a ri q'ij ri' ri rey richin Siria ja ri Ben-hadad. Y ri rey ri' kan janila yawa', y xya'ox k'a rutzijol chire chi chiri' xapon ri Eliseo, ri rusamajel ri Dios.

2 Rey 13:19

Jari' toq xyakatej janila royowal chirij ri rey y xubij: Xakajij ta wo'o' o waqi' mul richin xke'ach'ek ta ri aj-Siria, y kan man ta jun xk'oje' kan chike. Jak'a re wakami xaxe oxi' mul xke'ach'ek, xcha'.

2 Rey 4:25

Xbe k'a ri ixoq, y toq napon yan rik'in ri juyu' Carmelo ri akuchi k'o-wi ri Eliseo, ri rusamajel ri Dios, k'a chiri' xutz'et-pe ri ixoq, y xubij chire ri Guehazí: Tatz'eta', la ixoq la peteneq chila', la' ja ixoq aj-Sunem la'.

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

San Mateo 26:9

Roma xa xk'ayix ta; y ri rajel xa xtalux ta chikiwech ri man jun k'o kik'in, xecha'.