2 Rey 5:17 - Kaqchiquel Bible

¹⁷ K'ari' ri Naamán xubij chire ri Eliseo: Xaxe k'a nink'utuj utzil chawe chi taya' q'ij chuwe richin nink'uaj-el juba' ulew ri janipe' yetikir nikik'uaj e ka'i' kowilej taq kiej. Roma re chiqawech-apo, yin man xtinsuj ta chik poron chikop, ni man xtinsuj ta chik kamelabel chikiwech ri ch'aqa' chik dios; xa kan xaxe chire ri Jehová xtinsuj-wi.

2 Rey 5:17 ပူးပေါင်းရင်းမြစ်များ

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

Romanos 14:1

Ri qach'alal ri man kan ta kikuquban kik'u'x rik'in ri Cristo, nik'atzin chi yeqak'ul. Jak'a man keqak'ul xaxe richin niqaben oyowal kik'in roma ri kich'obonik.

2 Rey 5:12

Ri raqen-ya' Abaná y ri raqen-ya' Farfar, ri ek'o pa Damasco, kan más e utz chuwech ri ek'o wawe' pan Israel. Wi ta yibe'atin chupan jun chike ri ka'i' raqen taq ya' ri, ¿man yik'achoj ta kami?, xcha'. Y rik'in janila royowal xel-el chiri'.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

1 Tesalonicenses 1:9

Ja winaqi' ri' ri yetzijon chi toq xojapon iwik'in, xojik'ul jebel. Nikitzijola' chuqa' chi xikuquba' ik'u'x rik'in ri k'aslik Dios richin nisamajij, y man xiya' ta chik kiq'ij wachibel.

2 Rey 5:18

Ninwoyobej k'a chi ri Jehová xtukuy ta k'a ri numak yin toq ri wajaw xkiruk'uaj-el pa rachoch ri ru-dios rubini'an Rimón, richin niberuya' ruq'ij. Y xkirujik'-qa chi nuq'a', y roma ri' yin chuqa' xkixuke-qa. Toq xtinben keri', ri Jehová kan ta k'a xtukuy ri numak ri', xcha'.