2 Rey 5:16 - Kaqchiquel Bible

¹⁶ Jak'a ri Eliseo xubij: Ninya' nutzij chuwech ri Jehová, ri achoq chuwech ink'o-wi, chi kan man jun k'a chire ri ak'amon-pe ri xtink'ul kan chawech, xcha'. Y ri Naamán kan nuk'utuj k'a utzil chire chi tuk'ulu' kan ri sipanik; jak'a ri Eliseo kan man xrajo' ta xuk'ul kan.

2 Rey 5:16 ပူးပေါင်းရင်းမြစ်များ

2 Rey 5:26

K'ari' ri Eliseo xubij chire: ¿Man awetaman ta k'a chi ri wánima yin chuqa' k'o chiri' rik'in ri Naamán toq rija' xqaqa-pe chupan ri ru-carruaje richin xaruk'ul? Re wakami, man q'ij ta richin yabeyomer-q'anej, y keri' naloq' ruche'el olivo, tiko'n richin uva, kokoj y nima'q taq awej y samajela' chi ixoqi', chi achi'a'.

2 Rey 5:20

Rokik ri Naamán kichapon-el bey, ri Guehazí, ri rusamajel ri Eliseo, xubij-qa pa ránima: Ri wajaw xuya-el q'ij chire ri Naamán richin xbe. Rija' kan janila k'a chi sipanik ri ruk'amon-pe; jak'a ri wajaw kan man jun rajel xuk'ul kan. Wakami yin kan pa rubi' ri Jehová xtintzeqelibej-el, y xtinbenq'i', y xtink'en kan juba' chire ri sipanik, xcha-qa.

2 Rey 3:14

K'ari' ri Eliseo xubij: Kan k'es-wi ri Jehová ri k'iytisanel richin ronojel, ri achoq chuwech ink'o-wi: Xa roma k'a peteneq ri Josafat iwik'in, roma ri' yich'on-el iwik'in. Wi man ta peteneq rija', man ta yatinwak'axaj, ni man ta nintzu-el awech, rat rey Joram.

Dn 5:17

Jari' k'a toq ri Daniel xubij chire ri rey: Ri sipanik ri naya' chuwe, xa tik'oje' kan awik'in. Xa kan taya' k'a chike ch'aqa' chik ri nasuj chuwe yin. Man rik'in ri' yin kan xtintz'et k'a ri tz'iban kan chuwech ri jay y xtinbij k'a chawe ri nel chi tzij.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

2 Corintios 12:14

Y re wakami, kan ink'o chik richin chi yinapon pa rox mul iwik'in. Y man k'a tich'ob chi k'o ejqa'n ninbenya' chiwij. Yin xa man ja ta k'a ri k'o iwik'in ri ninwajo', yin ja rix ri yixinwajo'. Roma achi'el nubij ri tzij: Ja ri tata'aj nimolo ri beyomel richin nuya' kan chike ri ralk'ual, y man ja ta ri alk'ualaxela' ri yemolo beyomel richin nikiya' chire ri kitata'.

1 Corintios 6:12

Ek'o ri yebin chi oj totajineq chik y utz niqaben xabachike ri niqajo'. Jak'a yin ninbij chi man ronojel ta ri niqaben k'o utz ri nuk'en-pe. Roma ri' yin man ninwajo' ta nibe wánima chirij xabachike, roma man ninwajo' ta chi yiqaqa pa ruq'a'.

San Mateo 10:8

Ke'ik'achojirisaj k'a yawa'i', ke'ik'achojirisaj ri k'o yabil ri nutaluj-ri' chikij, ke'ik'asola' ri e kaminaqi' chik y ke'iwelesaj k'a chuqa' ri k'o itzel taq espíritu kik'in. Ronojel k'a ri uchuq'a' re' xa sipan k'a chiwe rix, roma ri' kan keri' chuqa' tibana' rix.

1 Rey 18:15

Y ri Elías xubij chire: Chuwech k'a ri k'aslik Jehová k'iytisanel richin ronojel, ri achoq chuwech ink'o-wi, ninbij chawe chi kan ja re wakami xtink'ut-wi' chuwech ri Acab, xcha' ri Elías.

1 Rey 13:8

Jak'a ri achin xubij chire ri rey: Stape' xtaya' chuwe ri nik'aj abeyomel ri k'o pan awachoch, yin man yibe ta chawij, ni man xkiwa-xkinuk'ya' ta chupan re tinamit re',