2 Rey 5:15 - Kaqchiquel Bible

¹⁵ Chirij ri' ri Naamán y konojel ri e beneq rik'in xetzolin chik rik'in ri Eliseo. Y ri Naamán xbepa'e' chuwech, y xubij chire: Wakami xq'ax chinuwech chi kan xaxe ri a-Dios rat ri k'o wawe' pan Israel, ri Dios richin chijun ri ruwach'ulew. Wakami k'a nink'utuj utzil chawe chi tak'ulu' kan re jun sipanik ri nuk'amon-pe chawe, xcha' chire.

2 Rey 5:15 ပူးပေါင်းရင်းမြစ်များ

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

2 Corintios 9:5

Roma ri' yin xinch'ob chi yenteq nabey ri qach'alal ri' richin tibekik'isa' rumolik ri to'onik, richin keri' toq xkinapon yin, man tiq'alajin chi rik'in uchuq'a' niqelesaj chiwe, xa niq'alajin ta k'a jebel chi iwik'in rix xalex-wi-pe.

Romanos 10:10

Wi pan awánima nipe-wi richin nakuquba' ak'u'x rik'in ri Dios, wi keri' man jun amak yak'ulun chuwech ri Dios. Y wi nabij chi ri Jesús jari' ri awajaw, xkakolotej.

Dn 3:29

Roma ri' wakami, kan ninya' re jun pixa' re' chi xabachike k'a tinamit, ruwach'ulew o wineq ri nich'on itzel chirij ri ki-Dios ri Sadrac, ri Mesac y ri Abed-negó, kan xkek'ajix k'a y ri kachoch kan xtok k'a kan toribel q'ayis. Roma kan qitzij wi chi kan man jun chik dios nikolon achi'el ri ki-Dios rije', xcha'.

Wuj Richin ri Isaías 45:6

Xtinben ronojel re' richin chi chijun ri ruwach'ulew tiketamaj chi kan xaxe yin ri in Dios, y maneq chik jun achi'el yin.

Wuj Richin ri Isaías 44:8

Man tik'en rukiy, ni man tixibij-iwi', roma yin kan xinbij-pe chiwe pa rutikeribel chi ja yin ri in i-Dios. Kan ja rix ri xixtz'eton ronojel chi kan man jun chik Dios k'o achi'el yin. Y rix kan man jun chik akuchi xiwewaj ta iwi', roma yin in jun achi'el nimalej abej.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

2 Rey 5:8

Toq ri Eliseo, ri rusamajel ri Dios, xrak'axaj chi ri rey richin Israel xuretz rutziaq roma xuxibij-ri', xuteq rubixik chire: ¿Achike roma xaretz ri atziaq chawij? Tipe k'a wik'in yin ri achin ri' richin nretamaj chi wawe' pan Israel k'o jun q'alajirisey ruch'abel ri Dios, xcha'.

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Sam 25:27

Y wakami nuk'amon-pe jun sipanik chawe richin xtataluj chikiwech ri achi'a' ri ek'o awik'in.

Wuj Richin ri Josúe 9:9

Rije' xkibij chire: Roj ri oj asamajela' oj peteneq pa jun ruwach'ulew janila nej, roma kela' qak'axan ri nima'q taq rubanobal ri Jehová ri i-Dios: Ri nima'q taq rubanobal ri xuben pan Egipto,

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Wuj Richin ri Rutikeribel 33:11

Tak'ulu' k'a re jun sipanik re nuk'amon-pe chawe, roma yin kan nuk'ulun ri rutzil ri Dios y k'o wik'in ronojel ri nik'atzin chuwe, xcha'. Y k'iy k'a mul xusuj chire y k'ari' ri Esaú xuk'ul.

Wuj Richin ri Josúe 9:24

Y rije' xkibij k'a chire ri Josué: Roj kan xqetamaj k'a chi ri Jehová ri i-Dios xubij chire ri ánima Moisés, ri rusamajel richin nuya' chiwe ronojel re ruwach'ulew re' y chuqa' kan k'o chi xke'ikamisaj konojel ri ek'o chuwech. Roma ri' janila xqaxibij-qi' richin yojikamisaj, y roma ri' roj xqaben kere'.

1 Sam 9:7

Y ri Saúl xubij chire: Jo' k'a; jak'a ¿Achike ta k'a niqak'uaj-el chire ri achin ri'? Roma maneq chik kaxlan-wey qik'in, y man jun chik k'o qik'in richin niqak'uaj chire. ¿Achike ta k'a yojtikir niqaya' chire?, xcha'.

1 Rey 13:7

K'ari' ri rey xubij chire: Jo' chuwij pa wachoch richin yabewa' wik'in, y xtinya' jun sipanik chawe, xcha'.

2 Rey 19:15

K'ari' xch'on rik'in ri Jehová y xubij: Jehová Dios richin Israel, ri atk'o chikikojol ri querubín; ja rat xabanon ri kaj y ri ruwach'ulew, y ja rat ri yaq'aton-tzij pa ruwi' chijun ruwach'ulew.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.