2 Rey 5:13 - Kaqchiquel Bible

¹³ Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

2 Rey 5:13 ပူးပေါင်းရင်းမြစ်များ

2 Rey 6:21

Toq ri rey richin Israel xerutz'et, kan xuk'utuj k'a chire ri Eliseo y xubij: Ajaw, ¿yeqakamisaj re winaqi' re'? ¿Kan yeqakamisaj wakami yan?, xcha'.

Apocalipsis 7:14

Y yin xinbij k'a chire: Ja rat ri at etamayon e achike chi winaqi' la', xicha'. K'ari' rija' xubij chuwe: Jere' ri e eleneq chik pe chupan ri nimalej tijoj-poqonal, y kich'ajon chik ri kitziaq y kisaqirisan chik rik'in ri rukik'el ri Karne'l.

2 Rey 13:14

Toq k'a k'es na ri Joás, rey richin Israel, xberutz'eta' kan juba' ri Eliseo roma janila yawa' y kan niken yan. Y ri Joás kan janila k'a xoq', xuq'etej y xubij chire: Wajaw, ja rat ri más oj ato'on chikiwech ronojel ri carruaje richin oyowal y ri achi'a' ri yech'oke' chirij kiej, xcha'.

2 Rey 2:12

Y toq ri Eliseo xutz'et keri', xsik'in y xubij: ¡Nata' yin, nata' yin, ri Jehová kan rubanon k'a chawe chi kan at jun nimalej to'onel y aj-labal richin ri tinamit Israel, xcha'. Y keri' kan man jun bey chik k'a xutz'et ruwech ri Elías. Chirij ri', ri Eliseo xuchop k'a ri rutziaq ri rukusan, y xuretz pa ka'i'.

1 Pedro 3:21

Y ri ya' ri' jun retal richin ri qasan-ya' ri niqak'ul wakami, ri nikolon. Jak'a man richin ta nuch'ajch'ojirisaj ri qach'akul xa kan richin nuk'ut chi roj niqajo' niqaben ri utz chuwech ri Dios roma ri ruk'astajibal ri Jesucristo.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

Hechos 22:16

¿Utz kami abanon chi kela' atk'o-qa y ri q'ij junanin beneq? Kabiyin k'a richin niqasex ya' pan awi', y tanimaj rubi' ri ajaw Jesús, richin nikuyutej ri amak, xcha' chuwe.

1 Corintios 4:15

Rix xikuquba' ik'u'x rik'in ri Cristo Jesús roma ri ch'abel ri xintzijoj chiwe, y roma ri' yin xinok achi'el jun tata'aj chiwe rix. Y stape' ta e janila ri yetijon iwichin chirij ri Cristo, man xtik'oje' ta k'iy itata'.

1 Corintios 1:27

Man rik'in ri' ri Dios xixrucha', stape' ri winaqi' nikitz'et chi man jun etamabel k'o iwik'in. Keri' xuben chiwe richin chi yek'ixbitej ri nikibananej chi ri e aj-na'oj. Xixrucha' chuqa' stape' chikiwech ri winaqi' maneq ok uchuq'a' pan iq'a', richin chi yek'ixbitej ri k'o janila uchuq'a' pa kiq'a'.

1 Corintios 1:21

Ri Dios rik'in ri na'oj ri k'o rik'in, roma ri' man xucha' ta ri etamabel richin re ruwach'ulew richin chi rik'in ri' ri winaqi' niketamaj ta ruwech rija'. Ri Dios xuch'ob nukusaj ri rutzijol, ri nich'on chirij ri rukamik ri Cristo richin yerukol ri winaqi' ri nikikuquba' kik'u'x rik'in, stape' re rutzijol re' xa kan ch'ujerik chikiwech ri ch'aqa' chik.

San Juan 13:8

Jak'a ri Pedro xubij: Man xtinya' ta q'ij chi xtach'ej re waqen, xcha'. K'ari' ri Jesús xubij: Wi man ninch'ej ta ri awaqen, man at nutijoxel ta chik, xcha'.

San Mateo 23:9

Man tibij qatata' chire jun wineq ri k'o ruq'ij re wawe' chuwech re ruwach'ulew. Roma xa kan xaxe jun qatata' ri k'o chila' chikaj.

Wuj Richin ri Malaquías 1:6

K'o k'a jun itzel ri wilon chiwij rix sacerdote. Chijun alk'ualaxel nuya' ruq'ij ri rutata'; keri' chuqa' nuben jun samajel rik'in ri rajaw ri achoq ik'in yuqul-wi pa samaj. Jak'a yin ri in itata' y ri in iwajaw, man niya' ta nuq'ij. Rix xa iqasan ri ruq'ij ri nubi', yin Jehová ri in k'iytisanel richin ronojel. ¡Y man rik'in ri' rix nik'utuj ri achike ibanon chuwe richin iqasan nuq'ij!

Wuj Richin ri Isaías 1:16

Tijosq'ij-iwi', tich'ajch'ojirisaj k'a iwi'. Man chik tiben ri itzel taq banobel chinuwech yin, y kan tiya' kan ronojel ruwech etzelal.

Wuj Richin Bix Chire ri Dios 51:7

Tabana' utzil tawelesaj ri numak, richin keri' xkinok ch'ajch'oj chawech. Kinajosq'ij, richin chi ri nuk'aslen xtok más seq chuwech ri chuma-tew.

Wuj Richin Bix Chire ri Dios 51:2

Kinach'ajch'ojirisaj chire ri itzel nubanobal. Kan kinajosq'ij chire ri numak.

2 Rey 8:9

Y ri Hazael xbe k'a richin xberuk'ulu' ri Eliseo, y xuk'uaj k'a el nimalej taq sipanik chire ri kan janila rejqalen ri k'o pa Damasco. Ronojel re' xuya-el chikij e kawineq camello. Toq xapon rik'in ri Eliseo, ri Hazael xubij chire: Ri Ben-hadad, rey richin Siria, xiruteq-pe awik'in richin nink'utuj utzil chawe, chi nabij ta chire wi kan nik'achoj chire ri yabil ri chapayon o man nik'achoj ta chik, xcha'.

2 Rey 5:10

K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

2 Rey 5:3

Y k'o k'a jun q'ij re xten re' xubij chire ri rajaw: Wi ta ri Naamán nuk'utuj ta utzil chire ri q'alajirisey ruch'abel ri Dios ri k'o chila' pa ruwach'ulew Samaria, rija' xtuk'achojirisaj chire ri ruyabil, xcha'.

1 Rey 20:31

K'ari' ri aj-samaj richin ri Ben-hadad xkibij chire: Roj qak'axan-pe chi ri e rey re wawe' pan Israel janila e joyowanel. Qakusaj k'a el ri qatziaq richin bis y tiqaya' el jun kolo' chiqaqul, y jo' rik'in ri rey Acab, rik'in juba' xa yojrukol kan y man yojrukamisaj ta, xecha' chire.

1 Rey 20:23

Y chiri' pa ruwach'ulew Siria, ri e aj-samaj richin ri rey Ben-hadad xkibij chire chi ri ki-Dios ri aj-Israel e dios richin juyu', y jari' ri xbanon chi rije' más kuchuq'a' chikiwech ri winaqi' richin Siria. Jak'a wi ri aj-Siria nikiben ta oyowal kik'in ri aj-Israel pa jun taq'aj, kan jujik-wi chi ja ri aj-Siria ri xkech'akon.

Wuj Richin ri Rutikeribel 41:43

Y xeri' xuya-el chupan ri carruaje ri richin ri nimalej samajel, y xrelesaj rutzijol chijun ruwach'ulew, y nikibila' k'a ri e beneq chuwech: Kixxuke' chuwech re achin re' y kan keri' ri xbanatej. Keri' k'a rubanik toq ri José xok kan q'atoy-tzij ri chiri' pan Egipto.

San Juan 9:7

Y xubij chire: Wakami kabiyin, y tabech'aja' ri runaq'-awech ri pan atinibel Siloé, xcha'. Re bi'aj re' pa qach'abel nibix Taqo'n chire. Ri achin ri' kan xbe na wi, xuch'ej ri runaq'-ruwech, y toq xtzolin-pe, nitzu'un chik.

1 Sam 24:11

Wajaw yin, tatz'eta' re ruchi' ri ko'ol raqen atziaq re k'o pa nuq'a'. Yin kan xintzak'ij kan, retal richin man xatinkamisaj ta. Tawetamaj k'a chi yin man jun itzel k'o pa wánima chawij rat, ni man yatinq'ol ta. Y rat yinakanoj richin nawelesaj ri nuk'aslen.

1 Sam 28:23

Jak'a ri Saúl xubij chi man niwa' ta. Jak'a ri e rusamajela' ri e beneq rik'in y ri ixoq, xkitej kiq'ij chirij, k'ari' rija' xunimaj kitzij. K'ari' xyakatej-q'anej pan ulew y xtz'uye' pa ch'at.

1 Sam 9:10

K'ari' ri Saúl xubij chi janila utz ri xuch'ob ri rusamajel. Y xebe k'a chupan ri tinamit ri akuchi k'o-wi ri achin richin ri Dios.