2 Rey 5:11 - Kaqchiquel Bible

¹¹ Jak'a ri Naamán xa xyakatej janila royowal y xtzolej kik'in ri rusamajela', y xubij: Yin kan xinch'ob-qa pa wánima chi ri achin ri' xtel-pe chi nuk'ulik, y keri' pa'el xtich'on rik'in ri Jehová ri ru-Dios, xtutzeqej k'a ri ruq'a' y xtuya' akuchi k'o-wi ri ch'a'k, y keri' chi'anin xkik'achoj-el.

2 Rey 5:11 ပူးပေါင်းရင်းမြစ်များ

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

San Juan 13:20

Kan qitzij wi k'a ninbij chiwe, chi ri xtik'ulu k'a richin ri ninteq-el yin, kan ja yin ri yiruk'ul. Y ri xkik'ulu k'a yin, xa kan xtuk'ul k'a chuqa' ri taqayon-pe wichin, xcha'.

San Juan 4:48

K'ari' ri Jesús xubij: Man ta nitz'et ri meyel taq banobel ri yenben, xa man ta yininimaj, xcha'.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

San Mateo 19:22

Jak'a toq ri ala' xrak'axaj ri xubij ri Jesús, xtzolin k'a rik'in janila bis, roma rija' janila beyomel k'o rik'in.

San Mateo 15:27

Jak'a ri ixoq xubij: Wajaw, kan qitzij ri nabij. Jak'a kan yojtikir k'a chuqa' niqak'ul-apo juba' chire ri utzil ri'. Achi'el nikiben ri taq tz'i' ri yekimolola' ri ruk'aj wey ri yekitzeq-qa ri kajaw ri yewa' pa mesa, xcha'.

San Mateo 8:8

Ri uk'uey kichin ri aj-labal xubij chik k'a: Wajaw, yin xa in jun achin aj-mak y roma ri' man ruk'amon ta richin yatok pa wachoch. Xaxe k'a tabij chi nik'achoj, y kan xtik'achoj ri nusamajel.

Wuj Richin Etamabel-Tzij 13:10

Ri nimirisanenri'il, jari' ri nibanon chi k'o oyowal, jak'a kik'in ri kan nikak'axaj ri pixabanik, kan k'o na'oj.

Wuj Richin Etamabel-Tzij 3:7

Man jun bey tatzu-qa-awi' chi kan k'o-wi ana'oj, xa tik'oje' rukiy ri Dios chawech y xtajech'ej-awi' chuwech ri etzelal.

Wuj Richin Etamabel-Tzij 1:32

Roma ri wineq ri man k'iy ta retamabal y man niniman ta tzij, xa jari' ri xtikamisan richin, y ri maneq runa'oj y nuben ri achike niqa' chuwech rija', ruyon rija' nuqasaj ruq'ij.

Wuj Richin ri Rutikeribel 20:7

Wakami k'a tatzolij-el ri ixoq chire ri Abraham, ri rachijil y roma rija' jun q'alajirisey ri nuch'abel yin, kan xtuk'utuj chuwe yin pan awi' rat. Jak'a wi man xtatzolij ta xkaken rat y konojel ri winaqi' ri ek'o chupan ri aruwach'ulew, xcha'.

2 Rey 5:10

K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

2 Rey 5:12

Ri raqen-ya' Abaná y ri raqen-ya' Farfar, ri ek'o pa Damasco, kan más e utz chuwech ri ek'o wawe' pan Israel. Wi ta yibe'atin chupan jun chike ri ka'i' raqen taq ya' ri, ¿man yik'achoj ta kami?, xcha'. Y rik'in janila royowal xel-el chiri'.

2 Rey 4:5

Y xbe k'a ri ixoq, y xutz'apej k'ari' pa jay; rija' y ri ral. Y rije' nikiq'axaj k'a apo ri bojo'y chire, y rija' kan nuq'ej-qa ri aceite chupan.