2 Rey 5:10 - Kaqchiquel Bible

¹⁰ K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

2 Rey 5:10 ပူးပေါင်းရင်းမြစ်များ

San Juan 9:7

Y xubij chire: Wakami kabiyin, y tabech'aja' ri runaq'-awech ri pan atinibel Siloé, xcha'. Re bi'aj re' pa qach'abel nibix Taqo'n chire. Ri achin ri' kan xbe na wi, xuch'ej ri runaq'-ruwech, y toq xtzolin-pe, nitzu'un chik.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Wuj Richin ri Chojmirisabelri'il 14:7

K'ari' ri sacerdote xtuchikaj wuqu' mul ri kik' ri xolon rik'in ya' chirij ri wineq ri xk'oje' ri itzel yabil chirij, richin nich'ajch'ojir. Xeri' xtibix chi ri wineq ch'ajch'oj chik, y xtisq'opex-el ri jun chik aj-xik' chikop richin xtibe pa juyu'.

2 Rey 5:14

K'ari' xbe ri Naamán, y xuch'ej-ri' wuqu' mul chupan ri raqen ya' Jordán, achi'el xubij-el ri rusamajel ri Dios chire. Y ri ruch'akul xch'ajch'ojir, y kan achi'el ruch'akul jun ak'ual xuben kan.

2 Rey 4:41

K'ari' ri Eliseo xuk'utuj juba' k'ej, y xuchipipej-qa chupan ri bojo'y. Y k'ari' xubij chi tijach ri kiq'utun. Y konojel k'a ri e q'alajirisey ruch'abel ri Dios xewa', roma ri q'utun xa xban yan raq'omal, y kan utz chik richin nitij.

Wuj Richin ri Josúe 6:4

Y wuqu' sacerdote xtikik'uaj jujun xupubel ri banon rik'in uk'a' richin karne'l. Rije' xkebe chuwech ri káxa ri k'o ri nujikibel-tzij chupan. Y chupan k'a ri ruwuq q'ij, wuqu' mul xtisutij-rij ri tinamit, rokik ri sacerdote xtikixupuj ri xupubel.

Wuj Richin ri Q'axanri'il 19:19

Ri ch'ajch'oj achin xtuchikaj k'a ri ya' ri' chirij ri man ch'ajch'oj ta pa rox q'ij y pa ruwuq q'ij. Toq ruch'ajch'ojirisan chik, ri wineq ri' nuch'ej ri rutziaq, natin-el y ja ri aq'a' ri' xtich'ajch'ojir.

Wuj Richin ri Q'axanri'il 19:4

K'ari' rija' xtuju' jun chike ri ruwi-ruq'a' chupan ri kik' y xtuchikaj-apo pa ruchojmil ri akuchi k'o-wi ri ruwech ri wachoch. Wuqu' k'a bey xtuben keri'.

Wuj Richin ri Chojmirisabelri'il 16:19

Y xtuju' k'a qa jun chike ri ruwi-ruq'a' chupan ri kik' ri k'a k'o kan, y xtuchikaj k'a wuqu' mul chirij ri porobel, richin chi nujech chuwe yin. Y keri' xtich'ajch'ojir chire ri itzel taq kibanobal ri awinaq.

Wuj Richin ri Chojmirisabelri'il 16:14

K'ari' nuk'en juba' chire ri rukik'el ri achij wákix, ri ruk'uan chuqa' apo y nuju' jun chike ri ruwi-ruq'a' chupan, y nuchikaj pa ruwi' ri tz'apebel ruwi' ri káxa, y chuqa' nuchikaj wuqu' mul ri kik' ri chuwech-pe ri káxa.

Wuj Richin ri Chojmirisabelri'il 14:51

Xeri' nuk'en-apo ri jun chik aj-xik' chikop, ri juba' tiox-che', ri q'ayis, y ri kaqkoj k'an: ronojel re' yeruju-qa chupan ri bojo'y akuchi k'o-wi ri rukik'el ri nabey aj-xik' chikop ri xolon rik'in ya'. Y ri sacerdote xtuchikaj wuqu' mul ri kik' ri xolon rik'in ya' chirij ri jay.

Wuj Richin ri Chojmirisabelri'il 14:16

y xeri' xtuju' jun chike ruwi-ruq'a' ri k'o pa rijkiq'a', chupan ri aceite ri k'o chupan ri jun chik ruq'a', y k'ari' xtuchikaj chinuwech yin. Wuqu' k'a bey ri k'o chi nuben kere'.

2 Rey 3:16

Xch'on k'a ri Eliseo y xubij: Kere' rubin-pe ri Jehová: Ke'ibanala' k'a k'iy jul rubey taq ya' chukojol re nima'q taq juyu'.

2 Rey 2:21

Y xbe k'a rija' chuchi' ri ralaxbel-ya'; y xujopij-qa ri atz'an chupan, y xubij: Kere' rubin ri Jehová: Yin ninwaq'omaj re ralaxbel-ya' re'. Man chik jun xtiken roma re ya' re'; keri' chuqa' ri ulew kan xtiwachin, xcha'.

2 Rey 5:9

Chirij ri' xapon k'a ri Naamán chuchi' ri rachoch ri Eliseo y e ruk'uan k'a el ri rukiej y ri ru-carruaje. Y ri Naamán xbepa'e' chiri' chuchi' ri jay.

2 Rey 5:11

Jak'a ri Naamán xa xyakatej janila royowal y xtzolej kik'in ri rusamajela', y xubij: Yin kan xinch'ob-qa pa wánima chi ri achin ri' xtel-pe chi nuk'ulik, y keri' pa'el xtich'on rik'in ri Jehová ri ru-Dios, xtutzeqej k'a ri ruq'a' y xtuya' akuchi k'o-wi ri ch'a'k, y keri' chi'anin xkik'achoj-el.

Ex 4:18

Xeri' ri Moisés xtzolin pa rachoch ri Jetro, ri rujinan, y xubij chire: Yin nik'atzin richin yitzolin pan Egipto, richin yenbentz'eta' ri nuwinaq. Ninwajo' ninwetamaj wi kan k'a e k'es na o xa e maneq chik, xcha'. Y ri Jetro xubij k'a chire: Kabiyin k'a rik'in uxlanen, xcha'.

Wuj Richin ri Chojmirisabelri'il 13:58

Y wi ta ri pus ri k'o chirij xabachike, xa xk'is ta el toq xch'aj, re' kan xtich'aj chik jun bey y kan xtich'ajch'ojir kan.

2 Rey 4:35

K'ari' ri Eliseo xyakatej k'a pe pa ruwi' ri ak'ual, xqaqa-pe chupan ri ch'at y xbiyaj chupan ri ti jay ri'. Chirij ri' xjote' chik q'anej pa ch'at rik'in ri ak'ual y xjupe' chik jun bey pa ruwi'. K'ari' ri ak'ual xat'ixem wuqu' mul, y xuna' ruwech.

San Juan 5:4

[Roma re ya' re' kan k'o k'a q'ij toq nosilox kan roma jun ángel ri nipe rik'in ri Dios. Y jak'a ri yawa' ri niqaqa nabey chupan ri ya' toq silon chik, ja yawa' ri' ri nik'achoj. Y xabachike yabil nok chire ri yawa', nik'achoj-el.]*f6*