2 Rey 5:1 - Kaqchiquel Bible

¹ K'o k'a jun achin aj-raqen pa kiwi' ri aj-labal richin ri ruwach'ulew Siria. Y ri achin ri' rubini'an Naamán; rija' janila nim ruq'ij chuwech ri rey richin Siria, y kan ruya'on pa nabey chikiwech ri ch'aqa' chik aj-raqen. Ri Naamán kan maneq xibinri'il chuwech, y kan xukusex k'a roma ri Jehová richin xukol ri Siria. Jak'a rija' xa k'o jun yabil chirij ri kan nutaluj-ri'.

2 Rey 5:1 ပူးပေါင်းရင်းမြစ်များ

2 Sam 3:29

Y xubij chuqa': Ri Joab y ri e aj pa rachoch kan xtikejqalej k'a re mak re'. Kan jantape' ta k'a xtikiq'axaj yabil, sokotajik ri jantape' xtipujan, ruyabilal ri ch'akulaj, q'ajtajik, kamik rik'in espada o wayjal, xcha'.

2 Rey 4:8

Y k'o k'a jun q'ij ri Eliseo xq'ax-el pa tinamit Sunem. Y chiri' k'o k'a jun ixoq ri k'o ruq'ij, y re ixoq re' xutej ruq'ij richin ri Eliseo niwa-el kik'in. Y roma ri' toq rija' nik'o-el keri', niwa' k'a el kik'in ri ixoq y ri rachijil.

2 Rey 5:2

Chiri' pa Siria xe'el k'a pe achi'a' pa taq tzobaj ri e richin oyowal richin yebekik'ama' winaqi' pan Israel. Y k'o k'a jun q'ij xkik'uaj-el jun xten, y re xten re' xbeyuqe' pa samaj rik'in ri rixjayil ri Naamán.

2 Rey 5:27

Roma kere' xaben, ri ruyabil ri Naamán xtiq'ax chawij rat y chikij ri awijatzul richin q'asen, xcha' ri Eliseo. Keri' ri Guehazí xel-el chiri' rik'in ri Eliseo, y kan nojineq ri ruch'akul rik'in ri yabil, y kan seq-seq rubanon achi'el ri chuma-tew.

2 Rey 7:3

Chiri' chuchi-el ri tinamit ek'o k'a e kaji' achi'a' ri k'o ri yabil chirij ri kich'akul ri kan nutaluj-ri'. Y rije' xkibij-qa chikiwech: ¿Achike roma ojk'o re wawe' y xaxe qoyoben ri qakamik?

Ester 10:3

Ri Mardoqueo, kan ja rija' ri xok ruka'n chire ri rey Asuero. Chuqa' xok jun nimalej achin chikikojol ri ruwinaq judío. Kan janila k'a xajowex koma ri ruwinaq, roma xukanoj ri utzil chire ri rutinamit y richin xk'oje' uxlanibel-k'u'x kik'in chi wiq chi tanaj.

Ester 9:4

roma rija' xok jun nimalej aj-raqen chupan ri q'atbel-tzij richin ri rey Asuero, y ri runimirinen q'ij-q'ij beneq pa jotol. Roma ri' ri rutzijol xtalutej pa ronojel nima'q taq ruwach'ulew.

Ex 11:3

Ri Jehová kan xuben k'a chike ri winaqi' aj-Egipto chi xsilon kánima chuya'ik ri xk'utux chike. Y chuqa' ri Moisés kan jun nimalej achin chikiwech ri e aj-raqen, ri aj-Egipto y chikiwech chuqa' konojel ri ch'aqa' chik winaqi'.

Wuj Richin Etamabel-Tzij 21:31

Ri kiej, richin chi nuk'uex pa jun oyowal, kan nitijox k'a jebel, jak'a ri ch'akonik richin ri oyowal, ri' ja ri Jehová ri nibanon.

San Lucas 4:27

Kan keri' chuqa' xk'uluwachitej kik'in ri yawa'i' pa ruq'ijul ri Eliseo, ri q'alajirisey ruch'abel ri Dios. Roma pa ruq'ijul rija' kan e k'iy k'a yawa'i' rik'in ri jun yabil ri nutaluj-ri'. Jak'a man jun chike ri qawinaq ri xk'achojirisex ta, xaxe k'a ri Naamán ri xk'achojirisex, y rija' jun achin aj pa ruwach'ulew Siria, xcha'.

San Juan 19:11

Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Romanos 15:18

Y yin xaxe nintzijoj achike rubanik toq ri Cristo irukusan richin ninch'abalij y yisamej chikikojol ri man e judío ta richin nikinimaj rija'.

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.

Deut 2:37

Jak'a ri pa kiruwach'ulew ri amonita man xojapon ta, ni ta chupan ri ulew ri k'o chunaqaj ri ch'uti'n raqen-ya' Jaboc, y ni ta ri pa taq tinamit ri ek'o chuwi' taq juyu', achi'el ri xubij ri Jehová ri qa-Dios chiqe.