2 Rey 4:8 - Kaqchiquel Bible

⁸ Y k'o k'a jun q'ij ri Eliseo xq'ax-el pa tinamit Sunem. Y chiri' k'o k'a jun ixoq ri k'o ruq'ij, y re ixoq re' xutej ruq'ij richin ri Eliseo niwa-el kik'in. Y roma ri' toq rija' nik'o-el keri', niwa' k'a el kik'in ri ixoq y ri rachijil.

2 Rey 4:8 ပူးပေါင်းရင်းမြစ်များ

Wuj Richin ri Josúe 19:18

Ri xkik'ulumaj kan jari' ri tinamit Jezreel, Quesulot, Sunem,

San Lucas 24:29

Jak'a ri ka'i' achi'a' ri' xkibij chire: Kakanej-qa qik'in, roma ri q'ij xa xqaqa yan qa, y xa kan nimoymot chik, xecha'. Roma ri' ri Jesús xok k'a apo, richin nik'oje-qa kik'in.

Wuj Richin ri Achin Job 32:9

Man xaxe ta k'a ri winaqi' ri e rijita'q chik ri k'o na'oj kik'in, man xaxe ta ri kan k'o chik k'iy kijuna', ri yetikir yenojin pa ruchojmilal.

Wuj Richin ri Achin Job 1:3

Chuqa' ek'o e 7,000 rukarne'l, e 3,000 ru-camello, e 500 k'ulaj rubóyix, e 500 rubur, y janila e k'iy rusamajela'. Ja rija' ri achin ri más rubeyomel ke chikiwech ri achi'a' ri ek'o chuqa' chiri' chupan ri ruwach'ulew ri', ri k'o pa relebel-q'ij.

Wuj Richin ri Rutikeribel 19:3

Jak'a ri Lot janila xuk'utuj chike richin yebe chirij pa rachoch y rije' xkinimaj rutzij. Y rija' xuben jun nimaq'ij kichin rije' y xuben kaxlan-wey ri maneq ch'amilej-q'or rik'in; y rije' xewa' k'a jebel.

1 Rey 1:3

Xkanox k'a jun xten ri jebel ok, chupan chijun ruwach'ulew Israel, y xkil k'a jun chupan ri tinamit rubini'an Sunem, y re' rubini'an Abisag; y xkik'uaj k'a el rik'in ri rey.

2 Sam 19:32

Ri Barzilai janila k'a ti ri'j chik; jumuch' chik rujuna'. Rija' jun achin beyom, y ja rija' ri xya'on ronojel k'atzinel chire ri rey toq xk'oje' chiri' pa Mahanaim.

Wuj Kichin ri To'onela' 19:20

Y ri ti achin xubij: Tik'oje' uxlanibel-k'u'x iwik'in; y wi k'o ta nik'atzin chiwe, xa kan xtinya' chiwe; xaxe man ninwajo' ta chi yixk'oje' kan pa bey richin niq'axaj re aq'a' re', xcha'.

Hechos 16:15

Rija' y ri ek'o rik'in ri pa rachoch, xqasex ya' pa kiwi' retal richin xkikuquba' kik'u'x rik'in ri Cristo. Chirij ri', ri Lidia xubij k'a chiqe: Wi kan nich'ob chi yin kan qitzij xkuqer nuk'u'x rik'in ri ajaw, kixanpe k'a wik'in, y kixok'oje-el juba' pa wachoch, xcha'.

San Lucas 1:15

Roma re alk'ual re' kan xtok nimalej samajel chuwech ri Dios. Roma ri' k'o chi man xtuqum ta vino, ni ch'aqa' chik kiwech ya' ri yeq'abarisan, roma kan k'a man jani nalex kan nojineq chik rik'in ri Loq'olej Espíritu.

Wuj Richin Etamabel-Tzij 7:21

Y rik'in k'a ri ch'abel ri' xch'on rik'in ri ala' richin chi xuch'ek, rik'in k'a ri buyul taq ruch'abel ri yerubij ri ixoq ri' xuben chire chi xunimaj rutzij.

2 Rey 4:18

Y k'o k'a jun q'ij toq ri ak'ual xk'iy yan q'anej y xbe rik'in ri rutata', ri k'o kik'in ri rusamajela' ri yeq'aton pa juyu'.

1 Sam 28:4

Ri aj-Filistea xkimol k'a ki' y xepe pa tinamit Sunem, y chiri' xek'oje-wi. Ri Saúl chuqa' xerumol k'a konojel ri ruwinaq y xebek'oje' pa Guilboa.

San Lucas 14:23

Y ri rajaw xubij chire: Wakami k'a, kabiyin ri tzan taq jay el y ri pa taq bey ri yebe juk'an chik tinamit, y tabana' chike ri winaqi' chi ye'ok-pe, richin keri' ninoj re wachoch, xcha' ri rajaw.

San Mateo 25:17

Y keri' chuqa' xuben ri jun chik samajel ri xuk'ul kan ka'i' k'ojelibel rik'in q'anapueq; rija' kan xuch'ek k'a ka'i' chik.